Eaha to roto?

Mau faaho'iraa ê

Ite no Iehova

Tahiti

Hoho‘a no Beretane: Tuhaa 2 (mai Tetepa 2015 e tae atu i te Atete 2016)

Hoho‘a no Beretane: Tuhaa 2 (mai Tetepa 2015 e tae atu i te Atete 2016)

Tei Mill Hill, i Lonedona, te Betela a te mau Ite no Iehova i Beretane. E faahaerehia râ te reira i te hoê vahi e 70 kilometera te atea mai Mill Hill i te pae Hitia o te râ, i pihai iho i te oire Chelmsford, i Essex. Na roto i teie mau hoho‘a, a hi‘o i te haereraa i mua o te ohipa paturaa i te pu rahi apî a te mau Ite no Iehova mai Tetepa 2015 e tae atu i Atete 2016.

29 no Atopa 2015: Vahi na te feia rave ohipa

Te tima ra te mau rave ohipa i te vairaa pereoo i reira e tuuhia ’i te mau matini no te paturaa.

9 no Titema 2015: Vahi na te feia rave ohipa

Te tuu nei te hoê taiete i te mau punu i nia i te tafare. E faaohipahia tera vahi no te mau piha ohipa e vahi tamaaraa i te roaraa o te taime paturaa.

18 no Tenuare 2016: Vahi na te feia rave ohipa

I te tomoraa, te faaohipahia ra te hoê pereoo no te tâpû i te mau tumu raau maitihia. Na teie iho â matini e hivi i te mau tumu raau tâpûhia. E tanu faahouhia e tausani tumu raau apî hou a oti ai teie ohipa paturaa.

31 no Mati 2016: Vahi paturaa o te Betela

Te tatarahia ra te mau tao‘a hinaaro-ore-hia ta te fatu matamua i vaiiho. E nehenehe ïa e faaohipa faahou i te repo i tamâhia.

14 no Eperera 2016: Vahi paturaa o te Betela

Te faaineine ra te rave ohipa i te hivi i te mau afata rarahi e e faaohipahia te reira ei piha ohiparaa e vahi haumitiraa.

5 no Me 2016: Vahi paturaa o te Betela

Te faataa ra te rave ohipa i te mau tao‘a hinaarohia no te tuu i roto i te mau afata faaapîraa tao‘a. Te hinaaro ra te Tomite no te paturaa e faahaere 95 i nia i te hanere o te mau pehu atâta ore i te tahi atu vahi. E faaohipahia 89 i nia i te hanere o te tauihaa e toe ra mai te ofai araea, te tima e te raau i te tahi atu vahi o te paturaa.

23 no Me 2016: Vahi na te feia rave ohipa

Te faaî ra te hoê tuahine i te mau apoo i reira e patuhia ’i te nohoraa no te mau rave ohipa.

26 no Me 2016: Vahi paturaa o te Betela

Te hi‘opoahia ra te repo no te ite e mea tano anei te reira no te hamani i te purumu ati a‘e i te vahi paturaa.

31 no Me 2016: Te hoho‘a oti no te paturaa

I te 31 no Me 2016, ua farii te Tino Aratai a te mau Ite no Iehova i teie hoho‘a no te paturaa. Maoti atoa te parau faatia a te feia mana o taua vahi ra, ua nehenehe ïa e haamata i te paturaa.

16 no Tiunu 2016: Vahi paturaa o te Betela

Te tatara ra te rave ohipa i te mau tao‘a ino i roto i te repo. I muri iho, e faaohipa-faahou-hia te repo tamâhia i te tahi atu vahi. E mâmâ ïa te mau haamâu‘araa.

20 no Tiunu 2016: Vahi paturaa o te Betela

Te faaafarohia ra te vahi i reira e hamanihia ’i te purumu tomoraa o te paturaa. Ua tamau noa ratou i te rave i te ohipa noa ’tu te ûa puai hoê ava‘e i te maoro, e noa ’tu te vari.

18 no Tiurai 2016: Vahi na te feia rave ohipa

Te pîpîhia ra te pape i nia i te purumu ia ore te repo ia puehu. E mau faatureraa tera a te mau taiete no te tauturu ia vai naho noa te vahi paturaa. Ta te tomite o te paturaa e hinaaro atoa e pee ia faaturahia tei faaotihia. E tano atoa ïa te reira i te mau aratairaa Bibilia o te faaitoito nei ia faatura i te mau taeae e tuahine e te feia tapiri.

18 no Tiurai 2016: Vahi na te feia rave ohipa

Te tâpû ra te hoê tuahine i te auri e e faaohipahia te reira no te tapea i te mau tao‘a o te mau faato‘eto‘eraa mata‘i.

22 no Tiurai 2016: Vahi paturaa o te Betela

Te faataahia ra e piti tausani metera afata faito repo e pehu tei anoihia. Mai te itehia i ropu i teie hoho‘a, e tuuhia te repo i roto i te hoê matini i reira e faataahia ’i te faito o te repo, e e toe noa mai ïa te repo hu‘ahu‘a. E tuuhia te reira i roto i teie mau pereoo faauta repo.

22 no Tiurai 2016: Vahi paturaa o te Betela

Te faaohipahia ra e rave rahi repo no te aifaito i te fenua ia au i te mau faatureraa i roto i te ohipa paturaa.

18 no Atete 2016: Vahi paturaa o te Betela

I ropu i te pae aui o te hoho‘a, te faaafarohia ra te fenua ia nehenehe te paturaa o te mau fare e haamata. I te pae aui te faatiahia ra te nohoraa o na 118 taata rave ohipa.