Eaha to roto?

Mau faaho'iraa ê

Ite no Iehova

Tahiti

“Watchtower”: Te hoê tapao matauhia i Brooklyn

“Watchtower”: Te hoê tapao matauhia i Brooklyn

Hau atu e 40 matahiti i te maoro, i te ao e te po, ua matau te taata o te oire no New York i te ite i te mau reta uteute 4,6 metera i te teitei i nia i te pu rahi a te mau Ite no Iehova. Mea rahi o ratou te hi‘o nei i te reira no te ite i te hora e te anuvera.

Ua parau Eboni, o te ite nei i te tapao mai to ’na fare tahua i Brooklyn: “Mea au mau ia hi‘o noa ’tu i te reira no te ite i te hora e te anuvera hou a haere ai i te ohipa. E tapae iho â ïa vau i te hora e e tauturu mai te reira ia ite eaha te ahu e oomo.

E vai noa anei tera tapao o te faaite i te hora e te anuvera e 40 â matahiti? Eita paha. I te mea e ua opua te mau Ite no Iehova e afai i ta ratou pu rahi i te pae apatoerau o New York, na to muri mai fatu e faaoti.

A hau atu e 70 matahiti a‘enei, ua tuu ê na te fatu tahito o te paturaa i te tahi tapao i nia iho. Na te mau Ite no Iehova i taui e i tuu i te tapao itehia i teie nei a hoo mai ai i te paturaa i 1969.

E titauhia ia tataî tamau i te reira. Mea rahi te tane apî o te u‘i taa ê tei ohipa i nia iho i te mau hora atoa.

Te haamana‘o ra te hoê o te rave i te ohipa i te po: “I te hoê po, ua taniuniu mai te tia faatere o te hoê porotarama afata teata no te parau mai e 15 tetoni te taere o te hora i nia i ta matou tapao. Ua hinaaro o ’na ia faatano matou i te hora no te faaite i te reira i roto i ta ’na porotarama i tera po. Aita i maoro, ua na reira iho â te hoê rave ohipa aita i ara maitai.

Ua haamaitaihia ’tu â te tapao ia riro te reira ei mea faufaa ’tu â e te tano maitai. I ropu i te mau matahiti 1980, hau atu i te hora e te anuvera Fahrenheit, ua tuu-atoa-hia i nia iho te anuvera Celsius.

Mai 2009, na te mau mori uteute parauhia LED e tuama i te tapao, e ere faahou na te mau néons. Mea maitai a‘e teie mau LED e ua iti mai te mau haamâu‘araa no te tataî i te reira i te mea e ua haaputuhia e 4 000 tara Marite i te matahiti taitahi. I teie mahana, aita tera tapao e amu rahi roa ra i te uira ia faaauhia i na mua ’‘e.