Eaha to roto?

Mau faaho'iraa ê

Ite no Iehova

Tahiti

Te pu‘araa ahu i te Betela: mai te tamǎrô e tae atu i te taamu arapoa tirita

Te pu‘araa ahu i te Betela: mai te tamǎrô e tae atu i te taamu arapoa tirita

I te pu a te mau Ite no Iehova i Marite, te horoa nei te mau tane e vahine apî i to ratou taime e itoito no te pu‘a 1 800 tǎne ahu i te mau matahiti atoa. O te ahu hoi o te mau rima tauturu i na paturaa e toru i New York, oia hoi i Brooklyn, Patterson e Wallkill. Mea rahi mau te ahu, e ere anei? Ua rau atoa râ te ahu e pu‘ahia.

I te mahana ohipa taitahi, te horoa nei te mau rima tauturu i roto i na piha ohipa e toru hau atu i te 11 000 ahu i te puaraa ahu: e 2 300 ahu oomo, e 650 piripou avae roa, oia atoa te totini, te piripou e te piriaro. Aita ïa i taiohia na 900 ahu te hopoihia i te vahi o te pu‘a i te ahu ma te ore e faaohipa i te pape.

E titau-atoa-hia ia tamâ e ia faauouo i te mau tapoi roi, tauera, ahu taoto, ahu a te mau tuati, tamǎrô e te vai ra ’tu â. E titauhia ïa ia pu‘a, ia haamǎrô e ia faaho‘i i te reira. E tuu-pauroa-hia te mau tamǎrô i roto i te matini pu‘araa ahu. Area te tahi atu, mai te taamu arapoa tirita e te ahu oomo taa ê, e pu‘ahia ïa hoê hoê noa.

E hi‘opoa te feia pu‘a ahu i te ahu taitahi, aita anei i mutu aore ra aita e pitopito. No te mono i te mau pitopito, na te hoê matini e nira aore ra e nira-rima-hia te reira. No te tataî i te hoê ahu, na te hoê taata nira ahu aravihi ïa e rave.

No te ite ihea e afai ai na tausani ahu e pu‘ahia, e tapiri te hoê matini i te numera otahi i nia i te ahu taitahi. Maoti te reira, e faataa-ê-hia ïa te ahu o te pu‘ahia e te aurihia hou a faaho‘ihia ’i i te mau vahi nohoraa taa ê a te Betela.

E haapii te feia aravihi no te pu‘a i te ahu i te feia i tae apî mai i roto e 20 tiahapa tuhaa ohipa taa ê. Hoê o na tuhaa ohipa, o te tatararaa ïa i te tafetafeta i nia i te ahu. E au ra e mea ohie tera ohipa, e titauhia râ te taime no te aravihi mai i roto i tera tuhaa. Mea faufaa ia ite maitai i te huru o te ahu e ia haapii eaha te tupu ia faaohipahia te mau ravea no te tatara i te mau tafetafeta.

Ua parau o Tajh, o te ohipa ra a hoê matahiti e te afa i teie nei i roto i te tuhaa pu‘araa ahu: “Mea tahoê te pǔpǔ. E mea au roa ia ohipa e te mau taata no te mau nunaa atoa.” Te na ô ra Shelly, te tahi atu rave ohipa: “Mea oaoa mau ia tauturu i to matou utuafare o te Betela ia riro noa ei mea haviti mau.”