Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Mataitairaa no nia i te “Mato”

Mataitairaa no nia i te “Mato”

Haaati a‘e te ao, te tiaau nei te mau Ite no Iehova 15 amaa o te nenei ra. Te vai ra hoê o ratou, te amaa a te mau Ite no Iehova ïa i Europa na ropu (i Selters i Heremani) o tei piihia Steinfels, “ofai mato” ïa te auraa na roto i te reo Heremani.

I te 23 e tae atu i te 25 no Me 2014, ua titau manihini te amaa i Europa na ropu i te feia tapiri, te feia tapihoo e te feia mana no ô no hoê mahana mataitairaa. Ua avarihia teie amaa i te 21 no Eperera 1984. No reira, te tumu parau o tera mahana, no nia ïa i te “30 matahiti i Selters.”

I te roaraa o tera mahana mataitairaa, ua hau atu 3000 taata tei haere mai e mataitai i te amaa. Ua parau te tavana o tei ohipa e te faatereraa no reira a 30 matahiti i teie nei: “E tupuraa taa ê mau â te mataitairaa i te amaa a te mau Ite no Iehova.” Ua parau oia: “E faahiahia-noa-hia vau i te vitiviti, te faatiaraahia te amaa no Steinfels, mai 1979 e tae roa mai i 1984.”

Mau tuhaa faufaa o teie mataitairaa

Te tumu parau o teie faaiteiteraa, “Te nunaa o Iehova i Europa na ropu.” Ua mataitai te feia i na 120 matahiti aamu o te mau Ite no Iehova no tera oire. E i teie nei, e itehia te faaiteiteraa o te reira i te amaa.

No te tahi atu faaiteiteraa, no nia ïa i te hoê Bibilia mea varavara i te itehia e mea faufaa atoa ra. Ei hi‘oraa, te vai ra i roto i te reira te neneiraa matamua o te taatoaraa o te Bibilia reo Heremani no te matahiti 1534 e te tahi tuhaa o te Bibilia Polyglotte a Elias Hutter no te matahiti 1599 ïa, te itehia ra te mau papai na roto 12 reo. Ua haafaufaa atoa te faaiteiteraa, te hoho‘a e te mau video i te faufaaraa o te mau faaueraa Bibilia no te oraraa i teie mahana.

I roto i na mataitairaa e piti, ua ite te feia mataitai i tei ravehia i te mahana taitahi e 1 000 tiahapa tane e vahine o te ohipa ra e o te ora ra i te amaa. Te mataitairaa matamua, teie te tumu parau: “Mai teihea to matou oraraa,” ua mataitai te mau manihini i te tahi mau piha taotoraa. Ua tamaa atoa ratou i roto i te piha tamaaraa e ua faahiahia ratou i te ruperupe mau o te aua e haaati ra i tera vahi. Ua parau te hoê vahine: “Mea nehenehe mau â teie vahi.”

Te piti o te mataitairaa, no nia ïa i te “Neneiraa.” Te vai ra te piha neneiraa, te tuhaa tahoêraa buka e te tuhaa utaraa. Ua ite mata roa te feia mataitai mea nafea te mau papai Bibilia i te neneiraahia, tahoêraahia e a haponohia ’tu ai te reira i roto hau atu 50 oire. Ua parau te hoê taata: “Aita roa ’tu vau i mana‘o e e faanahonahoraa rahi te mau Ite no Iehova. Ua itehia ta ratou mau papai e ati a‘e te fenua. E semeio mau â i te ohiparaa e te feia rima tauturu.”

Ia haamatau te feia mataitai e te jw.org

Te hoê tuhaa faufaa roa o te reira, o te hoê ïa vahi no te jw.org e te reni haamanahia a te mau Ite no Iehova. Ua mataitai te feia apî e te mea paari a‘e i te mau faaiteiteraa e ua mataitai ratou i te mau video e ua pahonohia ta ratou mau uiraa e rave rahi.

Ma te hoê mana‘o apî no nia i te mau ohipa na te ao e ravehia ra e te mau Ite no Iehova, e rave rahi taata o tei faahiahia i te mataitairaa i te mau ohipa e te mata ataata e itehia ra i nia i te hoho‘a o te mau Ite no Iehova. Ua parau te hoê taata: “Mea rahi roa to ’u mau mana‘o ino no nia i te mau Ite no Iehova. Mea faufaa ia hi‘opoa faahou vau i to ’u feruriraa.” Ua parau te hoê vahine e rave rahi taime: “Ma teie mataitairaa, aita faahou e mana‘o oti noa.”

^ par. 17 Te mau numera o te matahiti 2014

^ par. 21 Te mau numera o te matahiti 2014

^ par. 24 Te mau numera o te matahiti 2014

No te ite atu â

Eaha te Betela?

E vahi otahi te Betela, e mea faufaa roa te ohipa e ravehia ra i reira. A hi‘o na o vai ma te tavini ra i reira.

Eaha te ravehia ra i te hoê amaa a te mau Ite no Iehova?

E oaoa roa matou i te farii i te taata e haere mai e mataitai i te hoê o ta matou amaa. A haere mai!