Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Piha ohipa a te mau Ite no Iehova tei amuihia

Piha ohipa a te mau Ite no Iehova tei amuihia

Mai Tetepa 2012, ua tapirihia hau atu e 20 piha ohipa aore ra amaa a te mau Ite no Iehova ia haapaohia ratou e te mau piha ohipa rahi a‘e.

Hau atu â, ua haamauhia te piha ohipa apî i Serbie e Makedonia. No te aha teie mau tauiraa? No e piti tumu faufaa.

1. Ua faaohie te mau ravea apî i te ohipa

I te mau matahiti i mairi, no te mau ravea apî i te pae o te haapurororaa e te neneiraa, ua faaitihia mai te mau rave ohipa i te tahi mau piha ohipa. E i te mau piha ohipa rarahi, ua vata mai ïa te mau piha no te noho i te tahi mau melo o te mau amaa nainai a‘e.

I teie nei, i te mau piha ohipa tei amuihia, mea rahi a‘e te Ite no Iehova aravihi no te haapao i te ohipa haapiiraa i te Bibilia. Ei hi‘oraa, na te piha ohipa no Mehiko e tiaau ra i teie nei i te ohipa pororaa i Costa Rica, Salvador, Guatémala, Honduras, Nicaragua e Panama. No reira i tapirihia ’i te mau piha ohipa i na fenua e ono.

E maha ahuru Ite no Iehova i roto i teie na piha ohipa e ono tei tonohia i te piha ohipa no Mehiko. E e 95 Ite no Iehova tei faaea i to ratou fenua no te poro ma te taime taatoa.

Ua haamata vetahi i tera mau fenua i Marite no Ropu i te ohipa i roto i te mau piha ohipa huriraa tiaauhia e te amaa no Mehiko. Ei hi‘oraa, i Panama e 20 tiahapa Ite no Iehova te huri ra i te mau papai Bibilia na roto i te mau reo no ǒ. I te piha ohipa tahito a te amaa i Guatémala, 16 Ite no Iehova ratou i teie nei te huri ra i te mau papai na roto e maha reo. Te auraa ïa e i na mua ’‘e i Marite no Ropu, e 300 melo tei ohipa na i teie mau amaa. I teie nei, maoti teie faanaho-faahou-raa, e 75 noa ïa.

2. E nehenehe ta ratou e poro rahi atu â

No te mea ua amuihia vetahi mau amaa, e nehenehe te mau taata poro aravihi o tei tavini na i te mau amaa nainai e haapao noa i teie nei i te pororaa i te parau apî oaoa.

Ua papai te hoê Ite no Iehova i Afirika o tei tonohia i roto i te ohipa pororaa: “I te mau ava‘e matamua, e ere i te mea ohie ia faaau atu i to ’u huru oraraa apî. Ma te haere râ i roto i te taviniraa i te mau mahana atoa, ua ite au i te oaoa e te haamaitairaa rahi mau. I teie nei, te faatere nei au e 20 haapiiraa Bibilia e te tae mai nei vetahi o ratou i te mau putuputuraa a te amuiraa.