Eaha to roto?

Na te Atua anei i poiete ia Satani?

Na te Atua anei i poiete ia Satani?

Te pahonoraa a te Bibilia

Te faaite ra te Bibilia e ere na te Atua i poiete ia Satani. Ua poiete oia i te melahi o te riro mai o te Diabolo ra o Satani. Teie ta te Bibilia e parau ra no nia i te Atua: “Te Mato, o tei tia roa ta ˈna ohipa ra; o tei au atoa to ˈna ra mau haerea; e Atua parau mau, e te ino ore ra; e parau-tia ta ˈna e te titiaifaro!” (Deuteronomi 32:3-5) Ia au i tera mau irava, e nehenehe e parau e mea tia roa e te parau-tia te Diabolo o Satani i te omuaraa. E melahi o ˈna e e tamaiti na te Atua.

I roto i te Ioane 8:44, ua parau Iesu “aita [Satani] i mau papu i roto i te parau mau.” Te haapapu mai ra ïa tera i te hoê tau, ua turu Satani i te parau mau e te mea afaro.

Tera râ, mai te tahi atu mau melahi a Iehova, e tiamâraa to te melahi o tei riro mai o Satani i te maiti i rotopu i te maitai e te ino. Ma te maiti i te hoê haerea taa ê roa i to te Atua e ma te turai i na taata matamua tei poietehia ia apiti ia ˈna, ua faariro oia ia ˈna ei Satani, oia hoi tei “patoi.”—Genese 3:1-5; Apokalupo 12:9.