Te pahonoraa a te Bibilia

 E hinaaro te mau taata atoa e ite no te aha te taata e pohe ai, i te taime iho â râ e pohe ai tei herehia. Te na ô ra te Bibilia: “Te tara o te faatupu i te pohe, o te hara ïa.”—Korinetia 1, 15:56.

No te aha e hara e e pohe ai te mau taata atoa?

 Ua ere na taata matamua, o Adamu raua Eva, i te ora no te mea ua hara raua ma te faaroo ore i te Atua. (Genese 3:17-19) Inaha tei te Atua ra “te ora,” o te pohe te faahopearaa o to raua orureraa hau.—Salamo 36:9; Genese 2:17.

 Ua naeahia to Adamu huaai, te taata atoa ïa, i te hara. Te parau ra te Bibilia: “Mai te hara i ô mai i te ao nei na roto i te taata hoê ra e te pohe na roto i te hara, e ua raea roa te mau taata atoa i te pohe no te mea ua hara ratou paatoa.” (Roma 5:12) E pohe te taata atoa no te mea e hara ratou pauroa.—Roma 3:23.

Nafea te pohe e faaorehia ˈi?

 Te fafau ra te Atua e e tae mai te mahana “e horomii oia i te pohe e a muri noa ˈtu.” (Isaia 25:8) No te faaore i te pohe, e titauhia ia ˈna ia faaore i te tumu o te fifi, oia hoi te hara. E na reira te Atua maoti Iesu Mesia, “o te faaore roa i te hara a to te ao nei.”—Ioane 1:29; Ioane 1, 1:7.