Eaha to roto?

Faatureraa no nia i te faaohiparaa i te mau haamaramaramaraa a te taata

Faatureraa no nia i te faaohiparaa i te mau haamaramaramaraa a te taata

FAAOHIPARAA I TA OUTOU MAU HAAMARAMARAMARAA

E nehenehe outou e haere i nia i te rahiraa o te mau tuhaa o ta matou reni natirara ma te ore e horoa i ta outou mau haamaramaramaraa. Tera râ, te vai ra te tahi mau tuhaa no te feia tei maiti i te hoê i‘oa natiraa, te feia tei faaî i te hoê aniraa aore ra no te feia ua horoa te tahi amuiraa a te mau Ite no Iehova i ta ratou mau haamaramaramaraa maoti jw.org. E faaohipa matou i ta outou mau haamaramaramaraa mai te peu ua farii outou. Mai te peu aita outou e farii faahou i te reira, e niu papu ta matou no te tamau i te faaohipa i ta outou mau haamaramaramaraa ia titauhia, a haapao maitai ai te tu ra anei te reira i te ture o te fenua.

E faaohipa matou i ta outou mau haamaramaramaraa horoahia i nia i ta matou reni natirara no te pahono noa i ta outou aniraa. Teie te tahi mau aniraa ta outou e nehenehe e rave:

I‘oa natiraa. Ia hinaaro outou e nati i nia i ta matou reni natirara, e horoa outou i te hoê rata uira ta matou e faaohipa no te faatae atu i te mau poroi no nia i to outou i‘oa natiraa. Ei hi‘oraa, mai te peu ua mo‘e ia outou to outou i‘oa natiraa aore ra tapao no te nati atu, e e papai mai outou no te ani i te tauturu, e pahonohia ma te faaohipa i te rata uira ta outou i horoa mai.

Faaî i te hoê aniraa. Mai te peu e Ite no Iehova outou, e nehenehe outou e faaohipa i ta matou reni natirara no te nati atu aore ra no te faaî i te tahi aniraa. E nehenehe atoa ta outou amuiraa e faaohipa i taua reni natirara ra no te faaî no outou i te tahi aniraa no te hoê taviniraa taa maitai. E faaîhia tera aniraa ma te faaohipa i ta outou mau haamaramaramaraa ta outou i horoa ’tu, ta te mau matahiapo o ta outou amuiraa aore ra te tiaau haaati i faaî no outou. E faaohipahia taua mau haamaramaramaraa no te ohipa ia au i ta outou aniraa, mai te haamauraa i te hoê i‘oa natiraa. Ia titauhia, e nehenehe ta outou mau haamaramaramaraa e horoahia i te tahi atu mau amaa, i te pu rahi a te mau Ite no Iehova aore ra i te tahi atu taatiraa ta te mau Ite no Iehova e faaohipa nei i e rave rau fenua. E hi‘opoa-maitai-hia te mau aniraa tataitahi e aita roa ’tu te faaotiraa e rave-hanoa-hia.

Ô. Mai te peu e faaohipa outou i ta matou reni natirara no te horoa i te hoê ô, e horoa outou i to outou i‘oa e te tahi atu mau haamaramaramaraa. No te mau ô maoti te mau tareta moni, e faaohipa matou i te mau faanahonahoraa aufauraa natirara haamanahia o te paruru maitai mai i ta outou mau haamaramaramaraa. Ia horoahia mai outou te mau haamaramaramaraa no nia i ta outou tareta moni anei aore ra afata moni, e faatae atu matou i te reira i tera mau faanahonahoraa no te pahono i ta outou aniraa. E haapao maitai matou i ta outou mau haamaramaramaraa a pee ai i te ture parururaa i te faaohiparaa o te mau tareta moni (Payment Card Industry Data Security Standard aore ra PCI DSS). E haaputu te taata aore ra taatiraa tei fana‘o i te hoê ô i te mau haamaramaramaraa no nia i tera ô, ahuru matahiti a‘e i te maoro. E haaputu o ’na i te taio mahana i horoahia ’i te ô, te tino moni e te ravea faaohipahia no te horoa i te ô. E nehenehe ïa matou e auraro i te ture no nia i te faaohiparaa i te moni e e pahono i te mau uiraa ta outou e nehenehe paha e ui mai i te roaraa o tera taime. Eita matou e papai aore ra taniuniu ia outou no te ani hau atu â ô.

Aniraa hau atu â haamaramaramaraa aore ra haapiiraa Bibilia. Maoti ta matou reni natirara, e nehenehe outou e ani hau atu â haamaramaramaraa aore ra i te hoê haapiiraa Bibilia tamoni ore. E faaohipa matou i ta outou mau haamaramaramaraa horoahia no te pahono noa i ta outou aniraa. Ia titauhia, e haponohia ’tu ta outou mau haamaramaramaraa i te tahi atu mau amaa aore ra taatiraa ta te mau Ite no Iehova e faaohipa nei.

Te tahi atu mau aniraa. E horoa paha outou i ta outou mau haamaramaramaraa (i‘oa, afata rata, numera niuniu e te vai atu â) no te tahi atu tumu. Mea taa maitai te aniraa tataitahi ta outou e faaî. Eita matou e faaohipa i ta outou mau haamaramaramaraa mai te peu eita matou e ite papu i te tumu o ta outou aniraa.

E rave, e haaputu e e faaohipa matou i ta outou mau haamaramaramaraa no te mau aniraa noa ta outou i horoa mai e i te maororaa titauhia no te pahono i ta outou aniraa. I roto i tera mau tupuraa, mai te peu e faaoti outou e ore e horoa i te mau haamaramaramaraa ta matou e ani mai, peneia‘e aita outou e nehenehe e haere i nia i te tahi mau tuhaa o ta matou reni natirara aore ra aita matou e nehenehe e pahono i ta outou aniraa.

E ite atoa te mau taiete e ohipa ra e o matou i te mau haamaramaramaraa ta outou e horoa a faaî ai i te tahi aniraa. Te mau taiete iho â râ o te ohipa ia au i ta outou i ani atu e/aore ra te mau taata o te tauturu mai ia tere maitai ta matou reni natirara. Aita matou e horoa i ta outou mau haamaramaramaraa i te tahi noa ’‘e taata maori râ (1) e titauhia ia na reira no te pahono i ta outou aniraa e ua faaarahia outou; (2) e mana‘o matou e mea titauhia ia horoa i taua mau haamaramaramaraa ra no te pee i te hoê ture haamanahia; (3) e titauhia ia pee i te aniraa o te feia mana aore ra (4) e titauhia ia na reira no te ite e no te faaore i te tahi noa ’‘e ohipa tano ore i nia i te parururaa aore ra i te tahi mau fifi roro uira. A haere ai i nia i ta matou reni natirara, te farii nei outou ia horoahia ta outou mau haamaramaramaraa i te mau taiete ê, i roto noa i taua mau tupuraa ra. Aita roa ’tu ta outou mau haamaramaramaraa e hoohia ’tu, e horoahia ’tu ia noaa mai te tahi atu haamaramaramaraa aore ra e tarahuhia.

TE HAPONORAA I TE MAU HAAMARAMARAMARAA I TE FENUA Ê

E rave rahi faanahonahoraa e tia ra no matou na te ao nei. E itehia vetahi o ta matou mau matini roro uira i haaputuhia ta matou reni natirara i te Hau amui no Marite. I te tahi taime, e titauhia ia hapono matou i ta outou mau haamaramaramaraa i te hoê fenua ê, oia atoa i te mau fenua e ere te ture i te pae o te parururaa i te mau haamaramaramaraa i te mea etaeta roa mai i to outou fenua. A hapono ai i ta outou mau haamaramaramaraa, e rave matou i te mau faanahoraa atoa no te paruru i te reira. Te tiaturi nei matou e te pee ra te mau taiete ê atoa ta matou e faaohipa nei e o te turu ra i te ohipa a te mau Ite no Iehova, i ta matou mau faaueraa i te pae o te parururaa i te mau haamaramaramaraa, oia atoa i te mau ture o te fenua no nia i te reira.

A haere ai i nia i teie reni natirara e a papai mai ai i te tahi poroi natirara, te farii nei outou ia haponohia ta outou mau haamaramaramaraa i te fenua ê.

TO OUTOU TIARAA

I te mau taime atoa e faaohipa ’i matou i ta outou mau haamaramaramaraa, e haapao maite matou e mea papu anei te reira a nehenehe atu ai e pahono i ta outou i ani na. Ia au i te fenua e noho ra outou e te ture o tera fenua no nia i te parururaa i te haamaramaramaraa a te taata, teie to outou tiaraa no nia i te mau haamaramaramaraa ta outou e horoa mai:

  • E tiaraa to outou no te ui mai no nia i te haaputuraa e te faaohiparaa i ta outou mau haamaramaramaraa ma te pee i te ture o te fenua;

  • E tiaraa to outou no te fana‘o, tapea aore ra faaore i ta outou mau haamaramaramaraa, aore ra no te faaafaro i te reira mai te peu ua hape aore ra ua erehia te tahi tuhaa;

  • Mai te peu e tumu papu ta outou, e tiaraa to outou no te patoi i te faaohiparaa i ta outou mau haamaramaramaraa e no te ani ia ore matou e faaohipa faahou i te reira

Mai te peu e ture no nia i te parururaa i te haamaramaramaraa a te taata i roto i to outou fenua e te hinaaro nei outou e hi‘o, faaafaro aore ra faaore i ta outou haamaramaramaraa, e nehenehe outou e papai mai ma te faaohipa i teie api Data Protection Contacts (Parururaa i te mau haamaramaramaraa: A papai mai).

E papai mai outou e e horoa outou i te mau haapapuraa no nia ia outou e te mau tuhaa hinaarohia no te ite eaha ta outou haamaramaramaraa. E nehenehe ïa te taata e haapao ra i taua tuhaa e hi‘opoa maite e nafea ia pahono i ta outou aniraa no te hi‘o, faaafaro aore ra faaore i ta outou haamaramaramaraa ma te pee i ta matou faatureraa. E hi‘opoa oia aita anei ta outou aniraa e haafifi i te tiaraa o ta matou faanahonahoraa no nia i te haamoriraa. E faaara atoa matou i te mau taiete ê ta matou e faaohipa nei eaha te mau tauiraa e titauhia ia rave.

A tapao na e aita ta outou mau haamaramaramaraa e faaorehia mai te peu te titau nei te ture ia tapea aore ra ia haaputu i te reira. Ei hi‘oraa, mea tano no ta matou faanahonahoraa ia haaputu tamau i te mau haamaramaramaraa no te haapapu e Ite no Iehova te tahi taata. Mai te peu e faaore matou i te reira, aita ïa matou e ohipa nei ia au i ta matou mau tiaturiraa e peu haamoriraa. No te faaore roa i te tahi mau haamaramaramaraa, e mea titauhia ia matou ia pee i te mau ture no nia i te faaohiparaa i te reira. E nehenehe atoa outou e papai i te feia mana no nia i te parururaa i te mau haamaramaramaraa a te taata o to outou fenua, no te faatae atu i te hoê aniraa no nia i te faaohiparaa i te mau haamaramaramaraa ta outou i horoa mai maoti ta matou reni natirara.