Eaha to roto?

Faatureraa o te mau haamaramaramaraa no nia ia outou

Faatureraa o te mau haamaramaramaraa no nia ia outou

A VAI ARA: A HAERE AI NA NIA I TA MATOU RENI NATIRARA E/AORE RA A HOROA ’I I TE MAU HAAMARAMARAMARAA NO NIA IA OUTOU, TE FARII NEI OE I TE HURU E FAAOHIPA ’I MATOU I TE MAU HAAMARAMARAMARAA ATOA NO NIA IA OUTOU IA AU I TE MAU FAATURERAA FAAHITIHIA I RARO A‘E E IA AU I TE TURE O TE FENUA.

 HAAPAO-MAITAI-RAA I TA OUTOU MAU HAAMARAMARAMARAA

Te haapapu nei matou e paruru e e haapao maitai matou i ta outou mau haamaramaramaraa. I roto i teie faatureraa, e itehia e nafea te mau haamaramaramaraa no nia i te taata e faaohipahia ’i i nia i ta matou reni natirara. E haaputu matou i te tahi mau haamaramaramaraa faufaa a haere ai outou i nia i ta matou reni natirara. Te taa ra ia matou mea faufaa ia ore e faaite i tera mau haamaramaramaraa e ia faaara ’tu e nafea matou e faaohipa ’i i te reira. E faaoti paha outou i te horoa mai i te tahi mau haamaramaramaraa no nia ia outou. I roto i teie faatureraa, e faaohipahia te parau “haamaramaramaraa no nia ia outou” no te mau haamaramaramaraa no nia i to outou i‘oa, afata rata uira, afata rata, numera niuniu aore ra te tahi atu. Eita e titauhia ia outou ia horoa mai i tera mau haamaramaramaraa a haere ai i nia i te mau tuhaa faanahohia no te mau taata atoa o ta matou reni natirara. E faaohipahia te parau “reni natirara” no teie reni natirara e no te tahi atu o ta matou mau reni natirara, mai te apps.jw.org, tv.jw.org, stream.jw.org e wol.jw.org.

 NO NIA I TE RAVEA RORO UIRA O TE HAAPAO I TE MAU HAAMARAMARAMARAA

O te Watchtower Bible and Tract Society of New York, Inc. (“Watchtower”) te fatu o teie reni natirara. E taatiraa tera i New York, o te ore e imi ra i te moni e o te turu ra i te mau ohipa e te haapiiraa Bibilia a te mau Ite no Iehova. Mai te peu e faaoti outou i te tapao i to outou i‘oa, i te horoa i te hoê ô, i te ani i te hoê haapiiraa Bibilia aore ra i te rave i te tahi noa ’‘e ohipa e titauhia ia faaite i ta outou mau haamaramaramaraa, te farii ra ïa outou i teie faatureraa e ia haaputuhia ta outou mau haamaramaramaraa i nia i ta matou mau matini roro uira i te Hau Amui no Marite. Te farii atoa ra outou ia ravehia, ia faaohipahia, ia haponohia e ia haaputuhia ta outou mau haamaramaramaraa e te Watchtower, oia atoa te mau taiete aore ra taatiraa o te ohipa amui ra e te mau Ite no Iehova i te fenua e rave rau. Te ohipa amui ra te faanahonahoraa a te mau Ite no Iehova e e rave rau taatiraa o to outou fenua, mai te mau amuiraa, te mau amaa e te vai atu â.

E faaohipahia ta outou mau haamaramaramaraa ia au i te mau ohipa ta outou i rave i nia i ta matou reni natirara. Ei hi‘oraa, mai te peu e horoa outou i te hoê ô i te tahi taiete o te tahi fenua, e horoahia to outou i‘oa e te tahi atu mau haamaramaramaraa hinaarohia i taua taiete ra. Te tahi atu hi‘oraa, mai te peu e faaî outou i te aniraa no te hoê haapiiraa Bibilia, e horoahia to outou i‘oa e te tahi atu haamaramaramaraa hinaarohia i te amaa e te amuiraa a te mau Ite no Iehova no te pahono i ta outou aniraa.

No te tauturu ia outou, mai te peu ua haamanahia te tahi mau ture i nia i te parururaa i te mau haamaramaramaraa i to outou fenua, a papai mai ma te faaohipa i te ravea i nia i teie api Data Protection Contacts (Parururaa i te mau haamaramaramaraa: A mai papai).

 PARURURAA I TE MAU HAAMARAMARAMARAA NO NIA IA OUTOU

Mea faufaa roa no matou ia paruru i te mau haamaramaramaraa no nia ia outou. Te faaohipa nei matou i te mau ravea apî roa ’‘e no te haaputu e no te paruru i ta outou mau haamaramaramaraa ia ore te feia aita i faatiahia e rave, e faaohipa, e faaite, e taui e e faaore i te reira. Aore ra ia ore te reira e mo‘e. E mea titauhia i te mau taiete e taatiraa ta matou e faaohipa nei ia pee i teie mau faatureraa. E haaputu matou i ta outou mau haamaramaramaraa tae roa ’tu i te taime e pahonohia ’i ta outou aniraa aore ra ia au i ta te ture e titau mai ra.

E haapao maitai matou i ta outou mau haamaramaramaraa a hapono ai matou i te reira ma te pee i te ravea parururaa parauhia TLS (Transport Layer Security). Te fana‘o nei matou i te mau ravea roro uira papu, e ere pauroa te taata te nehenehe e faaohipa i te reira. Mea paruru-maitai-hia te matini, te mea i roto i te matini e te huru faaohiparaa o te reira. E pee matou i te mau ture parururaa taa maitai ia ore te feia aita i faatiahia e faaohipa i ta outou mau haamaramaramaraa.

 FEIA AITÂ I NAEA TE MATAHITI

Mai te peu aitâ outou i naea te matahiti ia au i te ture o te fenua i reira outou e haere ai i nia i ta matou reni natirara, e nehenehe outou e horoa i ta outou mau haamaramaramaraa ia faatia mai ta outou (na) metua aore ra te (mau) taata e haapao ra ia outou. Ei metua aore ra taata haapao, ia farii outou ia horoa te taata aitâ i naea te matahiti i ta ’na mau haamaramaramaraa i nia i ta matou reni natirara, te farii nei outou i teie mau faatureraa.

 RAVEA RORO UIRA HAU

I te tahi taime, e arataihia outou i nia i te reni natirara a te mau taiete ta matou e faaohipa nei (ei hi‘oraa, a faaî ai outou i te tahi aniraa). Tei nia outou i ta ratou reni natirara ia taui te faanahoraa e te i‘oa o te reni natirara. A maiti ai i te mau taiete aore ra taatiraa ta matou e ohipa ’tu, e tamau matou i te haapao i ta ratou mau faatureraa e ta ratou huru parururaa i te mau haamaramaramaraa. E vai ara matou ia tu ta ratou faatureraa i ta matou. Tera râ, e nehenehe tera mau taiete aore ra taatiraa e faaohipa i te mau ravea roro uira e ere na matou i haamau i te faatureraa, te parururaa e te huru faaohiparaa. Tei raro a‘e ïa outou i te mau faatureraa a teie mau taatiraa. Aita matou e faaarahia i te mau tauiraa aore ra faaapîraa ta ratou e rave. No reira, hou a faaohipa ’i i taua mau ravea roro uira ra, a haere e taio i te mau faatureraa. Mai te peu e uiraa ta outou no nia i te parururaa i ta outou mau haamaramaramaraa, a haere ïa i nia i ta ratou reni natirara.

 A faaohipa ’i outou i te ravea roro uira Google Maps i nia i ta matou reni natirara, tei raro a‘e outou i te faatureraa a Google. E taiete ê o Google. Aita e mana to matou i nia i ta ratou mau ravea roro uira, ta ratou mau ture no nia i te faaohiparaa i te reira e ta ratou faanahoraa. No reira, a faaohipa ’i i te Google Maps i nia i ta matou reni natirara, tei raro a‘e outou i te Google Maps/Google Earth faatureraa o te faaohiparaa. Eita matou e faaarahia mai te peu te vai ra te tahi mau faaapîraa. No reira, a hi‘o faahou i te mau faatureraa hou a faaohipa ’i i te Google Maps. Eiaha e faaohipa i te Google Maps mai te peu aita outou e farii ra i ta ratou mau faatureraa.

FAAARARAA O TE MAU TAUIRAA O TEIE FAATURERAA

 E tamau matou i te haamaitai i te tereraa o teie reni natirara e e tuu atu matou i te mau ravea apî. E haamaitai atoa e e tuu â matou i te mau tuhaa hau. No teie mau tauiraa tamau, te mau tauiraa o te ture e o te mau ravea natirara, e taui atoa matou i te huru faaohiparaa i te mau haamaramaramaraa no nia ia outou. Ia titauhia ia taui i ta matou faatureraa, e pia matou eaha tei tauihia i nia i teie apî natirara a ite tamau atu ai outou eaha te mau haamaramaramaraa ta matou e haaputu e e nafea matou e faaohipa ’i i te reira.

FAAOHIPARAA I TE SCRIPT AORE RA TE JAVASCRIPT

E faaohipahia te ravea script no te haamaitai i te tereraa o ta matou reni natirara. E ravea tera no te faatae oioi atu i te mau haamaramaramaraa anihia. Eita roa te reira e faaohipahia no te tuu i te tahi faanahoraa roro uira i nia i ta outou matini aore ra no te haaputu i te mau haamaramaramaraa ta outou i ore i horoa.

Ia tere maitai te tahi mau tuhaa o ta matou reni natirara, e mea titauhia ia farii i te faaohiparaa o te ravea roro uira script aore ra JavaScript. E nehenehe e na reira i nia i te rahiraa o te mau ravea roro uira no te haere i nia i te mau reni natirara. A hi‘o ïa i te tauturu piahia i nia i taua mau ravea ra. E ite ïa outou e nafea ia farii i te faaohiparaa o te ravea script no te mau reni natirara ta outou i maiti.