Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Faatureraa o te mau haamaramaramaraa no nia ia oe e te mau cookie

Faatureraa o te mau haamaramaramaraa no nia ia oe e te mau cookie

Te faatura ra te faanahonahoraa a te mau Ite no Iehova i te tiaraa o te taata ia faaoti eiaha te haamaramaramaraa no nia ia ratou ia faaitehia i te taata atoa. No te ite atu â no nia i ta matou faatureraa no nia i te parururaa i te reira, a pata i ǒ nei.

E faaite te faatureraa no nia i te parururaa e nafea te faanahonahoraa a te mau Ite no Iehova e faaohipa ’i i te mau haamaramaramaraa ta te taata i horoa. Hau atu â, ua haamauhia te tahi mau aratairaa taa maitai no teie reni Internet o te faaitehia ’tu i raro atu.

O te Watchtower Bible and Tract Society of New York, Inc. te fatu o teie reni Internet. E taatiraa tera i New York, o te ore e imi i te moni, o te turu i te mau ohipa a te mau Ite no Iehova e te haapiiraa Bibilia. Tei te Hau Amui no Marite te tahi o te mau matini haaputu haamaramaramaraa o teie reni Internet.

Haamaramaramaraa no nia i te taata

E faaohipa-noa-hia te haamaramaramaraa ta oe i horoa i nia i teie reni Internet no te tumu i faaitehia ’tu i te taime a faaî ai oe i te reira.

Eita matou e horoa i te reira i te tahi atu taata maori râ, no te titauhia ia rave no te faatupu i ta oe i ani mai. E faaite matou te taatoaraa o te reira ia oe ana‘e e aore ra ua papu ia matou e titauhia mai te reira e te ture, no te tahi faatureraa, no te tahi faaueraa no ǒ mai i te feia mana, no te imi e arai i te tahi ohipa taviriraa e parururaa taata e aore ra no te tahi fifi o te mau matini. Ma te haere i nia i teie reni Internet, te farii ra oe ia faaitehia te haamaramaramaraa no nia ia oe no na tumu rahi e toru ana‘e. Eita te mau haamaramaramaraa ta oe i horoa mai e hoohia, e horoahia aore ra e tarahuhia noa ’tu eaha te tupuraa.

Te tahi atu taiete aore ra taatiraa. I te tahi mau vahi i nia i teie reni, e arataihia oe i nia i te reni Internet a te tahi atu taiete aore ra taatiraa ta matou i maiti no te haapao i te tahi ohipa na matou (mai te mau parau aniraa faaîhia i nia i te Internet). Tei nia oe i ta ratou reni ia ite oe ua taui te faanahoraa e te i‘oa o te tuhaa i nia roa o te reni Internet. Ia maiti matou i te tahi taiete aore ra taatiraa, e haere pinepine matou e hi‘o te tuea ra anei ta ratou mau faatureraa e ravea parururaa i te mau haamaramaramaraa i ta matou. E uiraa ana‘e ta oe no nia i te faatureraa a te tahi taiete e taatiraa maitihia e matou, a hi‘o i te reira i nia i ta ratou reni Internet.

Ravea parururaa

Mea faufaa roa no matou ia paruru i te mau haamaramaramaraa no nia ia oe. E faaohipa matou i te tahi ravea o te faaohipa i te mau numera no te huna e paruru i te haamaramaramaraa mai te Transport Layer Security (TLS). E faaohipa matou i te faanahoraa roro uira o te vaiihohia i te mau vahi mea iti te taata o te faatiahia ia haere i reira. E hi‘opoahia te mau tereraa taata maoti te opani-ponao-hia, te mau matini uira e faatureraa no te paruru eiaha ia faaitehia e ia haapararehia te mau haamaramaramaraa i horoahia mai.

Ta oe afata poroi

E faaohipahia te i‘oa o te afata rata Internet ta oe i horoa mai no te hapono atu i te mau haamaramaramaraa no nia i te afata poroi ta oe i hamani i nia i teie reni. Ia mo‘ehia ia oe te i‘oa e te taviri e aore ra, e hinaaro oe i te tauturu no te haere atu i nia iho, e haponohia ’tu te mau aratairaa i nia te afata rata Internet ta oe i horoa.

Te mau ô horoa noa

Ia horoa oe i te hoê ô i nia i te Internet, e ani matou i to oe i‘oa e ta oe afata rata Internet. E faaohipa matou i te tahi mau faanahoraa parururaa ia horoa te taata te ô maoti ta ratou tareta moni. Eita matou e faaite haere, e haaputu e aore ra e faaohipa i te numera o ta oe tareta moni, afata moni e aore ra te tahi atu haamaramaramaraa. E vai te mau haamaramaramaraa no nia i ta oe ô no te hoê maororaa ahuru matahiti. Mai te taio mahana, te tino moni e te ravea ta oe i faaohipa no te horoa i tera ô. E tia ïa ia matou ia haapao i te mau faatureraa no nia i te tapaopaoraa o te reira, e ia titauhia, ia pahono i ta oe mau uiraa. Eita matou e titau atu ia horoa i te tahi atu ô.

Te tahi atu mau haamaramaramaraa

E anihia ’tu paha te haamaramaramaraa no nia ia oe (mai te i‘oa, te vahi nohoraa e te numera niuniu) no te horoa i te ô, no te hamani i te tahi tuhaa na oe i nia i teie reni, oia atoa râ, no te ani i te hoê haapiiraa Bibilia. E tapao, haaputu e e faaohipa matou i te reira no te maororaa noa e titauhia no te pahono i ta oe aniraa.

Cookie e te mau ravea apî

Ia haere ana‘e oe i nia i ta matou reni Internet, e ravehia i te tahi mau haamaramaramaraa na roto i te mau ravea apî. Mai te mau cookie, web beacon, e te tahi atu. Mea rau te faaohiparaa te cookie i roto i teie faanahoraa mai te haaputuraa i te mau haamaramaramaraa.

Cookie. Mai te rahiraa reni Internet, ia haere oe i nia i ta matou reni, e haaputuhia te tahi mau haamaramaramaraa na roto i te ravea parauhia cookie i nia i ta oe niuniu paraparau, matini afaifai aore ra matini roro uira. E rave rau hoho‘a cookie o te faaohipahia ia tere maitai te reni. E faaohipa paha matou te reira no te ite a tahi ra oe haere ai i nia i te reni aore ra no te haamana‘o i ta oe i maiti a‘enei. E hi‘oraa, maoti te cookie, e nehenehe te reni e faahaere atu i nia i te reo ta oe i maiti a‘enei i te taime hopea. Eita matou e faaohipa te mau cookie no te mau poroi faatianianiraa.

E toru hoho‘a cookie o te faaohipahia i nia i teie reni Internet:

  1. Te mea faufaa roa ’‘e. E mea titauhia te reira ia tia ia oe ia haere i nia i te tahi mau vahi o te reni Internet, mai te haereraa i nia i ta oe tuhaa aore ra ia faaî oe i te tahi parau aniraa. Aita ana‘e te reira, eita ta oe e nehenehe e pata i nia i te tahi mau tuhaa mai te horoaraa i te ô. Maoti atoa te reira e tia ’i ia faahaere ia oe i nia i te tuhaa ta oe e ani ra. Eita te mau haamaramaramaraa no nia ia oe e faaohipahia no te mau poroi faatianianiraa e eita atoa e tapaohia te mau vahi ta oe i pata a haere ai i nia i te Internet.

  2. No te faaohie. E tia i te reni Internet ia haamana‘o i ta oe i maiti na (mai te i‘oa o ta oe i tuu no ta oe tuhaa, te reo aore ra te fenua no reira mai oe) e ia faaohie atu â ia haere oe i nia i te reni.

  3. No te haaputu i te haamaramaramaraa. E itehia eaha te mau tuhaa ta te feia e pata ia haere ratou i nia i te reni, ehia te hi‘o i te reni aore ra ehia taime ratou i nia iho. E faaohipa-noa-hia te reira no te haamaitai atu â i te tereraa o teie reni.

Na matou vetahi cookie i nia i teie reni, te tahi atu, na te taiete aore ra taatiraa ê. E faaohipa-noa-hia ta matou cookie e te faanahoraa Google reCAPTCHA. Maoti tera faanahoraa e itehia ’i e taata te faaohipa ra i te matini roro uira, no te arai i te mau poroi atâta. A hi‘o i te mau faatureraa a te taiete Google i nia https://www.google.com/intl/en/policies/privacy/.

Ravea haaputu haamaramaramaraa. I nia i te tahi mau tuhaa o ta matou reni, te vai ra te tahi mau tao‘a roro uira hu‘a roa o te parauhia web beacon. Maoti tera ravea e tia ’i ia matou ia ite i te ravehia i nia i te reni, mai ia pata oe i nia i te tahi tuhaa. E faaohipahia tera ravea no te tapao i te mau vahi atoa i patahia e no te hi‘opoa i te tereraa o te reni.

Ta oe numera roro uira Internet. E parauhia te numera o ta oe matini roro uira a haere ai i nia i te Internet IP address. E faaohipa matou i ta oe numera e te faanahoraa ta oe i maiti no te haere i nia i te Internet no te tauturu mai ia faaafaro i te mau fifi e farereihia i nia i ta matou reni e no te haamaitai atu â i te reira.

Ta oe i maiti. I nia i te rahiraa faanahoraa no te haere i nia i te Internet, e tia ia oe ia faatano no te ore e farii i te mau cookie aore ra no te farii ia faataehia ’tu te tahi faaararaa hou a tuuhia ’i te tahi cookie i nia i ta oe matini roro uira. A hi‘o i te mau aratairaa o ta oe faanahoraa i maiti no te ite nafea ia rave i tera mau faatanoraa. A tapao na râ, eita ana‘e oe e farii i te mau cookie, eita e nehenehe ia oe ia haere i nia i te mau tuhaa atoa o te reni.

Faatia i te ravea Scripting aore ra JavaScript

E faaohipahia tera ravea no te haamaitai i te tereraa o te reni. E tia i te reni ia faatae oioi atu i te haamaramaramaraa. Eita roa tera ravea e faaohipahia no te tuu i te tahi faanahoraa roro uira i nia i ta oe matini e eita atoa e haaputuhia te mau haamaramaramaraa ta oe i ore i horoa i te parau faatia.

E nehenehe e rave i tera faatanoraa i nia i ta oe faanahoraa roro uira i maiti ia tere maitai te tahi mau tuhaa o te reni. E nehenehe e horoa i te parau faatia i nia i te rahiraa o te mau faanahoraa e no te tahi mau reni Internet taa maitai. A hi‘o i te mau haamaramaramaraa o ta oe faanahoraa i maiti no te ite nafea ia na reira.

To oe tiaraa

Ma te haere i nia i teie reni, e nehenehe oe e rave mai i te mau papai atoa i piahia, te mau video aore ra haruharuraa ma te tamoni ore. No te haere i nia i teie reni, eita e faahepohia ia hamani i te tahi tuhaa na oe, ia horoa i te ô aore ra te haamaramaramaraa no nia ia oe. Ia faaoti râ oe i te hamani i te hoê tuhaa na oe i nia i te reni, te horoa i te ô, te ani i te hoê haapiiraa Bibilia tamoni ore aore ra i te horoa i te mau haamaramaramaraa no nia ia oe, te farii ra oe i teie mau faatureraa e te mau ravea parauhia cookie. Oia atoa, ua ite oe e haaputuhia teie mau haamaramaramaraa i nia i te mau matini o te vaiihohia i te tahi vahi i te Hau Amui no Marite, ia tapao, ia hapono e ia haaputu te taatiraa Watchtower e te tahi atu mau faanahonahoraa o te turu ra i te mau Ite no Iehova i te fenua e rave rau, no te pahono i ta oe aniraa. E anihia te mau haamaramaramaraa no nia ia oe ia au i te tuhaa ta oe i pata i nia i te reni Internet. Tei nia ana‘e oe i te tuhaa no te horoa i te ô i te tahi taatiraa o te tahi fenua, e anihia ’tu to oe i‘oa, to oe vahi nohoraa e ta oe numera niuniu ia nehenehe tera taatiraa ia ite i te reira. Ua ani ana‘e oe i te hoê haapiiraa Bibilia, e horoahia to oe i‘oa, vahi nohoraa e numera niuniu i te tahi amaa a te mau Ite no Iehova no te pahono i ta oe aniraa.

Ia ore oe e faaite i te mau haamaramaramaraa e titauhia ’tu no te hamani i te tahi tuhaa na oe i nia i te reni, no te horoa i te ô aore ra no te tahi atu tuhaa e titau atu ai te reni i te reira, eita matou e nehenehe e pahono i ta oe aniraa.

Ia titauhia ia taui i ta matou faatureraa no nia i te mau haamaramaramaraa no nia ia oe e te mau cookie, e piahia tera mau tauiraa i nia i teie tuhaa ia ite oe eaha te mau haamaramaramaraa ta matou e haaputu e e nafea matou ia faaohipa i te reira.

Ia au i ta te ture titauraa, e tiaraa ê atu to oe no nia i te mau haamaramaramaraa no nia ia oe. Mai te tiaraa ia ite, ia taui aore ra ia faaore i te mau haamaramaramaraa ta oe i horoa ia matou na roto i teie reni. Ia au i to oe fenua, e ite oe i ǒ nei e nafea ia papai e ia niuniu mai. Ia hinaaro oe e papai aore ra niuniu mai no nia te ô ta oe i horoa, a hi‘o i te haamaramaramaraa i nia i ta oe parau haapapuraa tei faaitehia i te taime a faaî ai oe i te parau horoaraa ô.