Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Yehowa Adansefo

Twi

Sini ne Nhoma ne Nnwom Bi Wɔ Hɔ a Mobara Anaa?

Sini ne Nhoma ne Nnwom Bi Wɔ Hɔ a Mobara Anaa?

Dabi. Yɛn asafo no nhyɛ da nhwehwɛ sini, nhoma ne nnwom pɔtee bi mu nhyɛ ho mmara mma asafo no mufo. Adɛn ntia?

Bible ma yehu sɛ ɛsɛ sɛ obiara de ‘n’adwene yɛ adwuma’ hu papa ne bɔne.Hebrifo 5:14.

Sɛ Kristoni repɛ nea ɔde begye n’ani a, nsɛm pii wɔ Bible mu a ebetumi aboa no ama wapaw nea ɔpɛ. * Nea esi yɛn ani so ne sɛ, biribiara a yɛreyɛ no, ‘yɛbɛkɔ so ahwehwɛ mu ahu nea ɛsɔ Awurade ani.’Efesofo 5:10.

Bible ma yehu sɛ abusua ti biara wɔ tumi bi wɔ n’abusua so, enti obetumi akyerɛ sɛ ɔremma kwan mma wɔmfa nneɛma bi nnyigye wɔn ani wɔ fie hɔ. (1 Korintofo 11:3; Efesofo 6:1-4) Obi abusua mu nko ara na obetumi ahyehyɛ mmara wɔ sini, nnwom ne nhoma ho; ɔrentumi nhyehyɛ mmara wɔ asafo no mu.Galatifo 6:5.

^ nky. 4 Biribiara a ahonhonsɛm, nna mu ɔbrasɛe ne basabasayɛ wom no, Bible kasa tia.Deuteronomium 18:10-13; Efesofo 5:3; Kolosefo 3:8.