Kɔ emu nsɛm afã hɔ

Moyɛ Kristofo Anaa?

Moyɛ Kristofo Anaa?

Nneɛma a edidi so yi nti yɛka sɛ yɛyɛ Kristofo:

  • Yɛyere yɛn ho de Yesu Kristo nkyerɛkyerɛ bɔ yɛn bra, na yedi n’anammɔn akyi pɛpɛɛpɛ.​—1 Petro 2:⁠21.

  • Yegye di sɛ Yesu nko ara so na yɛnam benya nkwa, na “edin foforo biara nni ɔsoro ase a wɔde ama nnipa sɛ wɔmfa so nnye yɛn nkwa.”​—Asomafo Nnwuma 4:⁠12.

  • Sɛ obi bɛyɛ Yehowa Danseni a, ɔbɔ asu wɔ Yesu din mu.​—Mateo 28:​18, 19.

  • Yɛde yɛn mpaebɔ nyinaa fa Yesu so.​—Yohane 15:⁠16.

  • Yegye di sɛ Yesu na ɔyɛ ɔbarima biara Ti, anaa ɔno na wɔayi no sɛ onni mmarima so.​—1 Korintofo 11:⁠3.

Nanso, ɔsom ahorow a wobu wɔn ho Kristofo no, sɛ wode yɛn toto wɔn ho a, wubehu sɛ yɛyɛ soronko wɔ nneɛma bebree mu. Ɛho nhwɛso biako ne sɛ, yegye di sɛ Bible kyerɛ sɛ Yesu yɛ Onyankopɔn ba, na ɔnyɛ Baasakoro fã bi. (Marko 12:​29) Yegye di sɛ ɔkra tumi wu, na biribiara nni Bible mu a ɛkyerɛ sɛ Onyankopɔn yɛ nnipa ayayade daa wɔ ɔbonsam gyam. Yegye di nso sɛ wɔn a wodi anim wɔ ɔsom mu no, ɛnsɛ sɛ yɛhoahoa wɔn ma wɔn abodin akɛse.​—Ɔsɛnkafo 9:⁠5; Hesekiel 18:⁠4; Mateo 23:​8-⁠10.