Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Yehowa Adansefo

Twi

Ɛka a Mobɔ no, Moyɛ Dɛn Nya Sika Tua?

Ɛka a Mobɔ no, Moyɛ Dɛn Nya Sika Tua?

Ɛka a yɛbɔ wɔ asɛnka adwuma ho no, yɛn Yehowa Adansefo no ara na yefi yɛn pɛ mu tua ne kɛse. Yɛkɔ yɛn asafo nhyiam a, yennyigye sika wɔ ase na yentua ntotoso dudu. (Mateo 10:​7, 8) Mmom no, yɛde ntoboa nnaka asisi baabi a yehyia no, enti sɛ obi pɛ sɛ oyi sika a, otumi yi gu mu. Sɛ obi yi ntoboa a, yɛmmɔ ne din.

Ade biako a ɛmma yɛmmɔ ka pii ne sɛ yenni asɔfo a yetua wɔn ka. Afei nso, Adansefo a wɔkɔ afie afie kɔka asɛm no, yentua wɔn ka, na mmeae a yehyiam no nso nyɛ kuntann.

Ntoboa a wɔde kɔ Yehowa Adansefo adwumayɛbea ahorow no, nea yɛde yɛ ni: Yɛde bi boa wɔn a atoyerɛnkyɛm ato wɔn; yɛde bi nso boa asɛmpatrɛwfo ne asafo mpanyimfo bi a wɔkɔsrasra asafo ahorow no; yɛde bi sisi adan a yehyiam som; yɛde bi nso tintim Bible ne Kristofo nhoma kɔma asafo ahorow no.

Sɛ obi yi sika de boa a, otumi kyerɛ nea wɔmfa nyɛ; obetumi akyerɛ sɛ wɔmfa ntua asafo a ɔwom no ho ka, anaasɛ wɔmfa mmoa wiase nyinaa adwuma no, anaa mmienu no nyinaa. Sɛ bosome wu a, asafo biara de to gua ma obiara hu asafo no sikasɛm.

SUA PII

ƆWƐN-ABAN—NEA ADESUA NSƐM WOM

“Nea Ohu Mmɔbɔ no Benya Nhyira”

Yebetumi de yɛn bere, yɛn ahoɔden, ne nneɛma foforo aboa Ahenni adwuma no.

NSƐM A NKURƆFO TAA BISA

Video: Sɛnea Yehowa Adansefo Tua Wɔn Adwuma no Ho Ka

Hwɛ sɛnea yetu yɛn ma na yenya sika de yɛ yɛn adwuma no wɔ wiase nyinaa.