Kɔ emu nsɛm afã hɔ

Yehowa Adansefo

Yi kasa a wopɛ Twi

DECEMBER 6, 2018
UNITED STATES

Asase Awosow Denneennen Wɔ Alaska

Asase Awosow Denneennen Wɔ Alaska

November 30, 2018 no, asasewosow bi a ano yɛ den pa ara sii wɔ Anchorage a ɛwɔ Alaska. Ɛwom sɛ obiara anwu de, nanso nsɛnkyerɛwfo bɔ amanneɛ sɛ kar akwan a ɛwowɔ hɔ no sɛesɛee.

United States baa dwumadibea no bɔ amanneɛ sɛ asasewosow no maa adawurubɔfo nson pirapiraa kakra. Anuanom afie dunsia ne Ahenni Asa mmienu na ɛsɛee. Amansin so ahwɛfo rehwɛ ama asafo ahorow no ama anuanom a wɔn ho aka no aduan, ntade, nsu ne baabi a wɔde wɔn ti bɛto. Afei nso asafo mu mpanyimfo de Bible no rekyekye wɔn a wɔn ho aka no werɛ.

Anuanom a asasewosow no nti wɔn ho aka no, yɛkae wɔn wɔ yɛn mpaebɔ mu. Yɛwɔ awerɛhyem sɛ Yehowa bɛyɛ abannennen ama ne nkurɔfo bere a wɔde wɔn ho to no so no.—Dwom 28:8, 9.