Yona 2:1-10

  • Mpae a Yona bɔe wɔ apataa no yam (1-9)

  • Apataa no kɔfee no too asaase so (10)

2  Afei Yona bɔɔ Yehowa ne Nyankopɔn mpae wɔ apataa no yam,+  na ɔkae sɛ: “M’ahoyeraw mu na misu frɛɛ Yehowa, na ogyee me so.+ Ɔdamoa* yafunu mu na misu hwehwɛɛ mmoa.+ Na wutiee me.   Bere a wotow me too bun mu, na mekɔɔ ɛpo ase tɔnn no,Nsu* dii kyinhyia faa me ho.+ W’asorɔkye a ano yɛ den bu faa me so.+   Ɛnna mekae sɛ, ‘Wɔapam me afi w’anim! Ɛbɛyɛ dɛn na matumi ahwɛ w’asɔrefi kronkron no bio?’   Nsu twaa me ho hyiae ma anka mereyɛ awu;*+Subun menee me. Na nwura kyekyeree me ti.   Misian kɔɔ mmepɔw ase tɔnn. Ɔdamoa* apon kaa me hyɛɛ mu daa. Nanso wo, Yehowa me Nyankopɔn, wuyii me nkwa fii amoa mu.+   Bere a me nkwa* refi me nsa no, mekaee Yehowa.+ Ɛnna me mpaebɔ duu w’anim, w’asɔrefi kronkron hɔ.+   Wɔn a wɔde wɔn ho to abosonhunu so no, wɔpo onii a ɔda ɔdɔ a enni huammɔ adi kyerɛ wɔn no.   Nanso me de, mede me nne bɛda wo ase na mabɔ afɔre ama wo. Ɛbɔ a mahyɛ biara metua.+ Nkwagye fi Yehowa.”+ 10  Bere bi akyi no, Yehowa maa apataa no kɔfee Yona too asaase kesee so.

Ase Hɔ Nsɛm

Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “Ɔhweam.”
Anaa “Nsu twaa me ho hyiae beduu me kra ho.”
Nt., “Asaase.”
Anaa “me kra.”