Yoel 2:1-32

  • Yehowa da; n’asraafodɔm a wɔyɛ den (1-11)

  • Yehowa frɛ ne nkurɔfo sɛ wɔnsan mmra ne nkyɛn (12-17)

    • “Munsuan mo koma mu” (13)

  • Nea Yehowa nso bɛyɛ ama ne nkurɔfo (18-32)

    • “Mehwie me honhom” (28)

    • Anwonwade bɛba ɔsoro ne asaase so (30)

    • Wɔn a wɔbɛbɔ Yehowa din afrɛ no no benya nkwa (32)

2  “Mommɔ abɛn wɔ Sion!+ Monhyɛn ɔko torobɛnto wɔ me bepɔw kronkron so. Momma asaase no sofo nyinaa ho mpopo,Efisɛ Yehowa da no reba,+ na abɛn!   Ɛyɛ esum ne kusukuukuu da,+Omununkum ne kusuuyɛ da;+Ɛte sɛ nea adekyee hann atɔ mmepɔw so. Ɔman bi wɔ hɔ a wɔdɔɔso na wɔn ho yɛ den;+Ɛso bi mmae da,Na wɔn akyi nso ebi remma bio,Awo ntoatoaso nyinaa mu.   Ogya hyew biribiara a edi wɔn anim,Na wɔn akyi nso, ogyaframa sɛe ade.+ Asaase a ɛda wɔn anim no te sɛ Eden turo,+Na wɔn akyi de, ɛyɛ sare pradadaa,Na biribiara renka.   Wɔte sɛ apɔnkɔ,Na wotu mmirika sɛ apɔnkɔ a wɔde wɔn rekɔ ɔko.+   Wɔyɛ dede sɛnea nteaseɛnam gyigye wɔ mmepɔw so;+Wɔn dede no te sɛ ogya a ɛrehyew sare* paapae no. Wɔte sɛ ɔman a ɛyɛ den a wɔaboa wɔn ano wɔ akono.+   Wɔn nti, nkurɔfo ho bɛyeraw wɔn. Obiara anim besinsiam.   Wotu ba sɛ mmarima akatakyi.Wɔforo ɔfasu sɛ asraafo a wɔrekɔ ɔko.Obiara nam ne kwan soNa wɔmman mfi wɔn kwan so.   Obi nsum ne yɔnko.Obiara nam ne kwan so tẽẽ. Sɛ wɔn mu bi wu akono* mpo a,Wɔn a wɔaka no mman.   Wɔbɔ wura kurow mu. Wotu mmirika fa afasu so. Wɔforo adan, na wɔfa mfɛnsere mu sɛ akorɔmfo. 10  Asaase hinhim wɔn anim, na ɔsoro wosow. Owia ne ɔsram aduru sum,+Na nsoromma agyae hyerɛn. 11  Yehowa bɛma ne nne so wɔ n’asraafodɔm anim,+ efisɛ ne dɔm no dɔɔso paa.+ Nea ɔka asɛm a ɛba mu* no yɛ otumfo;Yehowa da no yɛ kɛse na ɛyɛ hu sɛ.+ Hena na obetumi agyina ano?”+ 12  “Enti afei,” Yehowa asɛm ni, “mumfi mo koma nyinaa mu nsan mmra me nkyɛn;+Momfa akɔnkyen*+ ne osu ne agyaadwo mmra. 13  Munsuan mo koma mu,+ na ɛnyɛ mo ntaade.+Monsan mmra Yehowa mo Nyankopɔn nkyɛn,Efisɛ ɔwɔ ayamhyehye* ne mmɔborɔhunu, ne bo mfuw ntɛm,+ ne dɔ a enni huammɔ nni ano,+Na ɔsɛe a ɔde reba no, obegyae ma aka.* 14  Hena na onim sɛ ebia ɔbɛsan na wagyae ma aka,+Na wahyira wo,Na wode aduan afɔre ne nsã afɔre ama Yehowa wo Nyankopɔn? 15  Mommɔ abɛn wɔ Sion. Momma wɔnyɛ akɔnkyen. Momma wɔnyɛ nhyiam titiriw.+ 16  Mommoaboa ɔman no ano. Montew asafo no ho.+ Mommoa mpanyimfo no ano. Mommoaboa mmofra ne wɔn a wonum nufu no ano.+ Momma ayeforokunu mpue mfi ne pia mu na ayeforo mpue mfi n’ayeforo dan mu. 17  Momma asɔfo no, Yehowa asomfo no nsũ,Wonsu wɔ abantenten no ne afɔremuka no ntam+ sɛ: ‘O Yehowa, hu wo man mmɔbɔ,Na mma nkurɔfo nnserew wo man;*Mma amanaman no nnni wɔn so. Adɛn nti na ɛsɛ sɛ wɔka sɛ: “Wɔn Nyankopɔn no wɔ he?”’+ 18  Afei Yehowa bedi ama ne manNa wahu ne nkurɔfo mmɔbɔ.+ 19  Yehowa bebua ne man sɛ: ‘Hwɛ, mede aduan ne bobesa foforo ne ngo rebrɛ mo,Na mobɛmee paa;+Meremma amanaman no nni mo ho fɛw bio.+ 20  Mɛpam nea ofi atifi fam no afi wo ho akɔ akyirikyiri.Asaase wosee a obiara nte so no, ɛso na mɛbɔ no ahwete;Mede ne dɔm a wodi anim* bɛkyerɛ apuei fam po*Na mede dɔm a wodi akyiri akyerɛ atɔe fam po.* Ne ho pampan bɛkɔ akodu ɔsoro,Na ɔsoro ara na ne ho nka bɛkɔ akodu;+Onyankopɔn bɛyɛ ade kɛse.’ 21  O asaase, nsuro. Ma w’ani nnye na di ahurusi, na Yehowa bɛyɛ ade kɛse. 22  Wuram mmoa, munnsuro,Efisɛ sare so adidibea bɛyɛ frɔmfrɔm,+Na nnua bɛsow aba.+Borɔdɔma dua ne bobe bɛsow aba a ɛsɛ sɛ ɛsow nyinaa.+ 23  Sion mma, momma mo ani nnye, na munni Yehowa mo Nyankopɔn mu ahurusi,+Na ɔbɛma mo osu a edi kan* sɛnea ɛsɛ,Na ɔbɛma osu atɔ ama moMa moanya osu a edi kan ne osu a etwa to* sɛnea na ɛte kan no.+ 24  Hwiit* a wɔaporow bɛyɛ awiporowbea ma,Na bobesa foforo ne ngo bebu so wɔ amoa a wokyi nsã wom mu.+ 25  Na mfe dodow a ntutummɛ a wotu yuu, ntutummɛ a wonni ntaban, ntutummɛ a wodidi fuu, ne ntutummɛ a wɔsɛe nneɛma,M’asraafodɔm kɛse a mesomaa wɔn baa mo mu no+ dii mo nnɔbae no,Mɛhyɛ ananmu. 26  Mubedidi amee,+Na mubeyi Yehowa mo Nyankopɔn din ayɛ;+Ɔno na wayɛ anwonwade ama mo;Me man ani renwu bio da.+ 27  Na mubehu sɛ mewɔ Israel mu;+Mene Yehowa mo Nyankopɔn,+ na obiara nni hɔ bio. Me man ani renwu bio da. 28  Ɛno akyi no, mehwie me honhom+ agu ɔhonam ahorow nyinaa so,Na mo mma mmarima ne mo mma mmea bɛhyehyɛ nkɔm,Mo mpanyimfo nso bɛsoso adae,Na mo mmerante benya anisoadehu.+ 29  Mehwie me honhom agu me nkoa ne me mfenaa mpo soWɔ saa nna no mu. 30  Na mɛma anwonwade aba ɔsoro ne asaase so;Mogya ne ogya ne wusiw kumɔnn bɛba.+ 31  Owia beduru sum na ɔsram adan mogya+Ansa na Yehowa da kɛse a ɛyɛ hu no aba.+ 32  Na obiara a ɔbɛbɔ Yehowa din afrɛ no no, obenya nkwa.+Na sɛnea Yehowa kae no, ebinom befi mu aka wɔ Sion Bepɔw so ne Yerusalem;+Wɔn na wobenya wɔn ti adidi mu, na Yehowa afrɛ wɔn.”

Ase Hɔ Nsɛm

Eyi yɛ hwiit anaa baali dua a aka wɔ afuw mu bere a wɔatwa aduan no awie.
Anaa “akode ano.”
Ebetumi nso akyerɛ, “Nea ɔma Onyankopɔn asɛm ba mu.”
Anaa “Momfa mmuadadi.”
Anaa “ɔyɛ ɔdomfo.”
Anaa “obenu ne ho wɔ ho.”
Nt., “w’agyapade.”
Nt., “n’anim.”
Kyerɛ sɛ, Ɛpo a Awu.
Kyerɛ sɛ, Mediterranea Po.
Ná efi ase fi October mfinimfini hɔ baabi. Hwɛ Nkh. B15.
Ná efi ase fi April mfinimfini hɔ baabi. Hwɛ Nkh. B15.
Ebetumi aba sɛ ɛyɛ baali.