Yeremia 9:1-26

  • Awerɛhow kɛse kaa Yeremia (1-3a)

  • Yehowa betua Yuda ka (3b-16)

  • Wɔbɔ bena wɔ Yuda ho (17-22)

  • Nea ɔhoahoa ne ho no, ma ɔmfa Yehowa ho nimdeɛ nhoahoa ne ho (23-26)

9  O sɛ me ti yɛ nsu a,Sɛ m’ani yɛ nisu abura* a,+ Anka mesu awia ne anadwo,Me manfo a wɔakunkum wɔn no nti.   Sɛ mewɔ akwantufo tenabea wɔ sare so a, Anka megyaw me man hɔ na mafi wɔn nkyɛn akɔ,Efisɛ wɔn nyinaa yɛ awaresɛefo,+Nkontompofo fekuw.   Wokuntun wɔn tɛkrɛma mu te sɛ agyan;Nokwaredi ayera; atorodi nko ara na ɛwɔ asaase no so.+ “Wɔkɔ wɔn anim wɔ bɔne mu,Na wɔmfa me nyɛ hwee,”+ Yehowa asɛm ni.   “Obiara nhwɛ ne ho yiye wɔ ne yɔnko ho,Na wo nua mpo, mfa wo ho nto no so. Efisɛ onua biara yi ne nua ma,+Na ɔyɔnko biara sɛe ne yɔnko din.+   Obiara sisi ne yɔnko,Na obiara nka nokware. Wɔakyerɛ wɔn tɛkrɛma atorodi.+ Wɔyɛ bɔne de hyɛ wɔn ho brɛ.   Nnaadaa mu na wote. Nnaadaa nti, wɔmpɛ sɛ wohu me,” Yehowa asɛm ni.   Ɛno nti, nea asafo Yehowa aka ni: “Mɛnan wɔn, na mahwehwɛ wɔn mu.+Sɛ manyɛ me man babea saa a, dɛn bio na mɛyɛ no?   Wɔn tɛkrɛma yɛ agyan a edi awu; nnaadaasɛm na ɛka. Onipa de n’ano ka asomdwoe asɛm kyerɛ ne yɔnko,Nanso ne mu de, ɔtetɛw no.”   “Nea wɔayɛ yi, ɛnsɛ sɛ mitua wɔn so ka anaa?” Yehowa asɛm ni. “Ɔman a ɛte saa no, ɛnsɛ sɛ meyɛ* wɔn bi tua ka anaa?+ 10  Mesu mmepɔw no na mabɔ bena,Na mmoa adidibea a ɛbɛdan sare so nti, mɛto awerɛhow dwom,*Efisɛ wɔahyew ne nyinaa, na onipa biara ntwam wɔ hɔ,Na wɔnte nyɛmmoa nne wɔ hɔ. Ewim nnomaa ne mmoa aguan; wɔn nyinaa kɔ.+ 11  Mɛma Yerusalem adan abo asum hɔ,+ baabi a sakraman bɛtena,+Na mɛma Yuda nkurow adan amamfo a obiara nte mu.+ 12  Hena na ɔyɛ onyansafo a ɔbɛte eyi ase? Hena na Yehowa akasa akyerɛ no a ɔno nso de bɛto gua? Adɛn nti na asaase no asɛe? Adɛn nti na ahyew sɛ sare,A enti obiara mfa so bio yi?” 13  Yehowa yii ano sɛ: “Efisɛ me mmara* a mede maa wɔn no,* wɔtow kyenee baabi; wɔanni so, na wɔantie m’asɛm. 14  Mmom wɔyɛɛ asoɔden dii wɔn ankasa koma akyi,+ na wokodii Baal abosom akyi sɛnea wɔn agyanom kyerɛɛ wɔn sɛ wɔnyɛ no.+ 15  Ɛno nti, nea asafo Yehowa, Israel Nyankopɔn no aka ni, ‘Hwɛ, mɛma ɔman yi adi awɔnwene, na mama wɔanom nsu a awuduru wom.+ 16  Mɛbɔ wɔn ahwete aman a wɔne wɔn agyanom nyinaa nnim so no so,+ na mɛma sekan adi wɔn akyi akosi sɛ mekunkum wɔn nyinaa.’+ 17  Nea asafo Yehowa aka ni,‘Munnwen nea ɛrekɔ so no ho. Momfrɛfrɛ mmea a wotumi to awerɛhow nnwom* mmra,+Na monsoma nkɔfrɛ mmea a wonim su yiye mmra, 18  Na wɔnyɛ ntɛm mmesu mmɔ bena mma yɛn,Na nisu ntene mfa yɛn ani ase waawaa,Na nsu nsɔn mfi yɛn anisuatɛtɛw so.+ 19  Na wɔte benabɔ wɔ Sion sɛ:+ “Hwɛ sɛnea wɔayɛ yɛn pasaa! Hwɛ sɛnea yɛn anim agu ase pɔtɔɔ! Efisɛ yɛagyaw asaase no hɔ, na wɔadwiriw yɛn afi agu.”+ 20  Mmea, muntie Yehowa asɛm. Momma n’anom asɛm nkɔ mo asom. Monkyerɛ mo mma mmea benabɔ yi,Na obiara nkyerɛ ne yɔnko awerɛhow dwom* yi.+ 21  Efisɛ owu aforo afa yɛn mfɛnsere mu aba;Abɔ awura yɛn abankɛse muSɛ ɛrebɛsesaw yɛn mma afi mmorɔn so akɔ,Na afa yɛn mmerante afi mmɔnten so akɔ.’+ 22  Ka sɛ, ‘Nea Yehowa aka ni: “Nnipa afunu begugu hɔ sɛ sumina* wɔ asaase ani,Ɛbɛyɛ sɛ hwiit* a atwafo atwa agu hɔ foforoA obiara nni hɔ a ɔbɛboaboa ano.”’”+ 23  Nea Yehowa aka ni: “Mma onyansafo mmfa ne nyansa nnhoahoa ne ho;+Mma ɔhoɔdenfo mmfa n’ahoɔden nnhoahoa ne ho;Na mma osikani mmfa n’ahonyade nnhoahoa ne ho.”+ 24  “Mmom nea ɔhoahoa ne ho no, ɔmfa eyi nhoahoa ne ho: Sɛ ɔwɔ me ho nhumu ne nimdeɛ,+Sɛ mene Yehowa, Nea ɔda ɔdɔ a enni huammɔ adi na obu atɛntrenee na ɔyɛ adetrenee wɔ asaase so no,+Efisɛ eyinom na m’ani gye ho,”+ Yehowa asɛm ni. 25  “Hwɛ! Nna bi reba,” Yehowa asɛm ni, “na obiara a watwa twetia* nanso ontwaa twetia no, mebu no atɛn;+ 26  Egyptfo+ ne Yudafo+ ne Edomfo+ ne Ammonfo+ ne Moabfo+ ne obiara a ɔte sare so+ a watwitwa n’asontɔrem nwi no, mebu wɔn nyinaa atɛn, efisɛ amanaman no nyinaa ntwaa twetia, na Israel fi nyinaa nso ntwaa wɔn koma twetia.”+

Ase Hɔ Nsɛm

Anaa “asuti.”
Anaa “me kra yɛ.”
Anaa “kwadwom.”
Anaa “m’akwankyerɛ.”
Anaa “mede sii wɔn anim no.”
Anaa “kwadwom.”
Anaa “kwadwom.”
Anaa “bɔɔla.”
Ebetumi aba sɛ ɛyɛ baali.
Anaa “watwa ne dua.”