Yeremia 47:1-7

  • Nkɔmhyɛ a etia Filistifo (1-7)

47  Yehowa asɛm a ɛbaa odiyifo Yeremia nkyɛn ansa na Farao resɛe Gasa no ni. Ɛfa Filistifo ho.+  Nea Yehowa aka ni: “Hwɛ! Nsu fi atifi fam reba. Ebeyiri abu afa so. Ebeyiri afa asaase no ne nea ɛwɔ so nyinaa,Kurow no ne wɔn a wɔtete mu nyinaa. Mmarima bɛteɛteɛm,Na obiara a ɔte asaase no so besu ateɛteɛm.   Sɛ wɔte n’apɔnkɔ* nan a ɛrepempem fam kim-kim-kim,Ne ne ko nteaseɛnam a ɛreyɛ kiri-kiri-kiri,Ne ne nteaseɛnam no nan a ɛretwa ne ho kiridi-kiridi-kiridi no a,Agyanom rentwa wɔn ani mpo nhwɛ wɔn mma,Wɔn nsam a agow nti.   Efisɛ ɛda a ɛreba no bɛsɛe Filistifo nyinaa;+Ebetwitwa Tiro+ ne Sidon+ aboafo a aka nyinaa. Na Yehowa bɛsɛe Filistifo no,Wɔn a wɔaka a wofi Kaftor*+ supɔw so no.   Gasa ti so bɛpa.* Wɔama Askelon aka n’ano atom.+ O mo a moaka wɔ n’asaasetraa so,*Mode ade betwitwa mo ho akosi da bɛn?+   Ao! Yehowa sekan!+ Da bɛn na wobɛyɛ dinn? San kɔhyɛ wo bɔha* mu. Home, na yɛ komm.   Ɛbɛyɛ dɛn ayɛ dinn,Bere a Yehowa na ahyɛ no? Ɛreba Askelon ne mpoano asaase no so.+Ɛhɔ na wahyɛ sɛ ɛmmra.”

Ase Hɔ Nsɛm

Anaa “n’apɔnkɔnini.”
Kyerɛ sɛ, Kreta.
Kyerɛ sɛ, wɔde awerɛhow ne aniwu beyi wɔn ti nwi.
Anaa “wɔ ne bon mu.”
Ɛyɛ biribi a wɔde sekan hyɛ mu. Aboa nhoma na wɔtaa de yɛ.