Yeremia 15:1-21

  • Yehowa rensesa n’atemmu (1-9)

  • Yeremia kaa ne haw (10)

  • Yehowa maa no mmuae (11-14)

  • Yeremia mpaebɔ (15-18)

    • Odii Onyankopɔn nsɛm maa n’ani gyei (16)

  • Yehowa hyɛɛ Yeremia den (19-21)

15  Na Yehowa ka kyerɛɛ me sɛ: “Sɛ Mose ne Samuel mpo begyina m’anim a,+ merenhu ɔman yi mmɔbɔ.* Pam wɔn fi m’anim. Ma wɔnkɔ.  Na sɛ wobisa wo sɛ, ‘Ɛhe na yɛnkɔ?’ a, ka kyerɛ wɔn sɛ, ‘Nea Yehowa aka ni: “Nea ɔfata owuyare no, ɔnkɔ mma owuyare nkum no! Nea ɔfata sekan no, ɔnkɔ mma sekan nkum no!+ Nea ɔfata ɔkɔm no, ɔnkɔ mma ɔkɔm nkum no! Na nea ɔfata sɛ wɔkyere no kɔ no, wɔnkyere no nkɔ!”’+  “‘Mmusu anan* na mede bɛba wɔn so,’+ Yehowa asɛm ni, ‘sekan a ebekunkum wɔn, nkraman a wɔbɛtwe wɔn ase akɔ, ne ewim nnomaa ne asaase so mmoa a wobedi wɔn nam na wɔasɛe wɔn.+  Na nea Yuda hene Manase, Hesekia ba no yɛe wɔ Yerusalem nti,+ mɛma wɔadan biribi a ɛyɛ hu ama asaase so ahenni nyinaa.+   Hena na obehu wo mmɔbɔ, O Yerusalem?Hena na ɔbɛkyekye wo werɛ?Na hena na obegyina abisa sɛnea wo ho te?’   ‘Woafi m’akyi,’ Yehowa asɛm ni.+ ‘Wokɔ so ara dan w’akyi kyerɛ me.*+ Enti mɛteɛ me nsa wɔ wo so na masɛe wo.+ Mahu wo mmɔbɔ ara, afei de mabrɛ.   Mehuw* wɔn so wɔ asaase no apon ano sɛnea wohuw awi* so no. Mekunkum wɔn mma.+ Mɛsɛe me man,Efisɛ wɔmpɛ sɛ wɔsesa wɔn akwan.+   Wɔn akunafo bɛdɔɔso wɔ m’anim asen mpoano anwea. Mɛma ɔsɛefo aba wɔn so awia ketee, na ɔbɛba abaatan ne mmerante so. Mede ahoyeraw ne ehu bɛba wɔn so mpofirim.   Ɔbea a wawo mma baason no ayɛ bɛtɛɛ;N’ahome* retew. Ade nnya nsae, nanso n’awia akɔtɔ;Ɛde animguase ne fɛre aba.’* ‘Na wɔn mu kakra a aka no,Mede wɔn bɛma sekan wɔ wɔn atamfo anim,’ Yehowa na waka.”+ 10  O me maame, adɛn koraa na wowoo me?+Mayɛ onipa a asaase no nyinaa ne me reham na wɔne me retwe manso. Obiara mmɛbɔɔ me hɔ bosea, na me nso minkogyee obiara hɔ bosea;Nanso obiara redome me. 11  Yehowa kae sɛ: “Sɛnea ɛte biara, medi aboa wo;Sɛnea ɛte biara, metwitwa agye wo wɔ ɔhaw bere mu,Na megye wo afi atamfo nsam wɔ amanehunu bere mu. 12  Obi betumi abubu dade mu asinasin anaa?Obetumi abubu dade a efi atifi fam, ne kɔbere mu asinasin anaa? 13  Mɛma nkurɔfo afom wo ho nneɛma ne w’agyapade;+Mede bɛma wɔn kwa, wo bɔne nyinaa a woayɛ wɔ wo nsaase nyinaa so nti. 14  Mede bɛma w’atamfoMa wɔde akɔ asaase a wunnim so so.+ Efisɛ m’abufuw asɔ gya,Na ɛredɛw gu mo so.”+ 15  O Yehowa, wo ara wunim.Kae me, na twa w’ani bɛhwɛ me. Tua wɔn a wɔretan m’ani no ka ma me.+ Mma menyera* esiane sɛ wo bo mfuw ntɛm nti. Hu sɛ wo nti na animguase yi aba me so.+ 16  Minyaa wo nsɛm, na midii;+Na w’asɛm ma midii ahurusi nyaa anigye wɔ me koma mu,Efisɛ wo din da me so, O Yehowa, asafo Nyankopɔn. 17  Wɔn a wɔregye wɔn ani no, ɛnyɛ ade a metena wɔn mu di ahurusi.+ Wo nsa a ɛwɔ me so nti, me nko ara na mete,Efisɛ wode abufuw ahyɛ me ma.*+ 18  Adɛn nti na ɛyaw a midi no nkɔ da, na m’akuru nni aduru yi? Wɔsa a ɛnsa. Wobɛyɛ sɛ nsuten daadaafoA edi huammɔ ama me anaa? 19  Enti nea Yehowa aka ni: “Sɛ wosan ba a, ɛnde megye wo bio,Na wubegyina m’anim. Sɛ wuyiyi nneɛma a ɛsom bo fi nneɛma hunu mu a,Wobɛyɛ te sɛ me ara m’ano.* Wɔn na wɔbɛsan aba wo nkyɛn,Na ɛnyɛ wo na wobɛsan akɔ wɔn nkyɛn.” 20  “Mɛma woadan kɔbere afasu a wɔabɔ ho ban ama ɔman yi.+ Ko de, wɔne wo bɛko,Nanso wɔrentumi wo.*+Efisɛ midi w’akyi, megye wo, na mayi wo,” Yehowa na waka. 21  “Megye wo afi abɔnefo nsam,Na meyi wo afi atirimɔdenfo nsam.”

Ase Hɔ Nsɛm

Anaa “me kra ani rensɔ ɔman yi.”
Ebetumi nso akyerɛ, “Atemmu ahorow anan.” Nt., “Mmusua anan.”
Ebetumi nso akyerɛ, “San ara na woresan w’akyi.”
Anaa “Mede nkorata behuw.”
Ebinom nso frɛ no “atoko.”
Anaa “Ne kra ahome.”
Ebetumi nso akyerɛ, “N’awia no ani awu, na afɛre.”
Nt., “Mfa me nkɔ.”
Anaa “wode atemmusɛm ahyɛ me ma.”
Anaa “Wobɛyɛ me kasamafo.”
Anaa “wɔrentumi nni wo so nkonim.”