Yeremia 1:1-19

  • Wɔyɛɛ Yeremia odiyifo (1-10)

  • Aborɔfo nkate dua ho anisoadehu (11, 12)

  • Kuku ho anisoadehu (13-16)

  • Wɔhyɛɛ Yeremia den maa adwuma a ɛda n’anim (17-19)

1  Hilkia a ɔka asɔfo a wɔwɔ Anatot+ ho wɔ Benyamin asaase so no, ne ba Yeremia* nsɛm ni.  Yehowa ka kyerɛɛ no wɔ Amon+ ba Yosia+ a na ɔyɛ Yuda hene no bere so, wɔ n’ahenni afe a ɛto so 13 mu.  Nsɛm no bi nso baa ne nkyɛn wɔ Yuda hene Yehoiakim+ a ɔyɛ Yosia ba no bere so besii Yuda hene Sedekia+ a ɔyɛ Yosia ba no ahenni afe a ɛto so 11 awiei, de besii bere a wɔsoaa Yerusalemfo kɔe wɔ bosome a ɛto so anum+ no mu.  Yehowa ka kyerɛɛ me sɛ:   “Bere a minnya nyɛɛ wo wɔ wo maame yam no, na minim wo.*+Bere a wonnya nwoo wo* na metew wo ho.*+ Mede wo yɛɛ odiyifo maa amanaman no.”   Ɛnna mekae sɛ: “O Awurade Tumfo Yehowa! Minnim kasa,+ efisɛ meyɛ abofra.”*+   Ɛnna Yehowa ka kyerɛɛ me sɛ: “Nka sɛ, ‘Meyɛ abofra.’ Mmom obiara a mɛsoma wo ne nkyɛn no, kɔ,Na asɛm biara a mɛhyɛ wo no, ka.+   Mma sɛnea wɔte no nnhunahuna wo,+Efisɛ ‘midi w’akyi, na megye wo,’+ Yehowa na waka.”  Ɛnna Yehowa teɛɛ ne nsa kaa m’ano.+ Na Yehowa ka kyerɛɛ me sɛ: “Mede me nsɛm ahyɛ w’anom.+ 10  Hwɛ, ɛnnɛ da yi, mede wo asi amanaman ne ahenni ahorow so sɛ tutu na bubu, sɛe na dwiriw gu, si na dua.”+ 11  Na Yehowa asɛm san baa me nkyɛn sɛ: “Yeremia, dɛn na wuhu yi?” Na mekae sɛ: “Mihu aborɔfo nkate dua* nkorabata bi.” 12  Ɛnna Yehowa ka kyerɛɛ me sɛ: “Woahu no yiye, na me nso, m’ani wɔ m’asɛm ho,* na mɛhwɛ ama ayɛ hɔ.” 13  Yehowa ka kyerɛɛ me ne mprenu so sɛ: “Dɛn na wuhu yi?” Na mekae sɛ: “Mihu dadesɛn* a biribi rehuru wom* a ano akyea hwɛ anaafo fam.” 14  Ɛnna Yehowa ka kyerɛɛ me sɛ: “Atifi fam na wobehwie amanehunu no afi,Na ebegu asaase no so nnipa nyinaa so.+ 15  Efisɛ ‘merefrɛ mmusua a ɛwɔ atifi fam ahenni mu no nyinaa,’ Yehowa na waka,+‘Na wɔbɛba; obiara de n’ahengua bɛbaAbesi Yerusalem kurow apon ano,+Ne n’afasu nyinaa ho,Ne Yuda nkurow nyinaa ho.+ 16  Na mɛka m’atemmu wɔ bɔne a wɔayɛ nyinaa ho akyerɛ wɔn,Efisɛ wɔagyaw me hɔ,+Na wɔhyew afɔrebɔde ma anyame foforo,+Na wɔkotow wɔn ankasa nsa ano adwuma.’+ 17  Na wo de, yɛ krado,*Na sɔre ka nea mɛhyɛ wo nyinaa kyerɛ wɔn. Nsuro wɔn,+Anyɛ saa a, mɛma woabɔ hu wɔ wɔn anim. 18  Na ɛnnɛ mayɛ wo kurow a wɔabɔ ho ban,Ne dade dum, ne kɔbere afasu, na woatumi agyina asaase no sofo nyinaa anim,+Ne Yuda ahemfo ne ne mpanyimfo anim, Ne n’asɔfo ne asaase no so nnipa anim.+ 19  Na wɔne wo bɛko,Nanso wɔrentumi wo,*Efisɛ ‘midi w’akyi,+ na megye wo,’ Yehowa na waka.”

Ase Hɔ Nsɛm

Ebetumi akyerɛ “Yehowa Na Ɔhyɛ Anuonyam.”
Anaa “ɛnna miyii wo.”
Nt., “wunnya mfii awotwaa mu mmae no.”
Anaa “miyii wo maa dwumadi titiriw bi.”
Anaa “abarimaa.”
Nt., “nea wanyan.”
Anaa “manyan wɔ m’asɛm ho.”
Anaa “dadesɛn a ano so.”
Nt., “wɔrebɔ mu,” kyerɛ sɛ, ogya a ɛwɔ ase no, wɔrefita mu.
Nt., “bɔ w’asen.”
Anaa “wɔrentumi nni wo so nkonim.”