Sefania 2:1-15

  • Hwehwɛ Yehowa ansa na n’abufuw da no aba (1-3)

    • Hwehwɛ trenee ne ahobrɛase (3)

    • “Ebia wɔbɛbɔ mo ho ban” (3)

  • Atemmu a wɔde bɛba aman a atwa wɔn ho ahyia no so (4-15)

2  Monka mo ho mmoa ano, yiw, monka mo ho mmom,+Ɔman a mo ani nwu ade.+   Atemmu a wɔahyɛ ato hɔ no nnya mmae yi,Ɛda no nnya ntwaam sɛ ntɛtɛwa yi,Yehowa abufuhyew nnya mmaa mo so yi,+Yehowa abufuw da no nnya mmaa mo so yi,   Monhwehwɛ Yehowa,+ asaase sofo a mobrɛ mo ho ase* nyinaa,A mudi n’ahyɛde* a ɛteɛ so no. Monhwehwɛ trenee, monhwehwɛ ahobrɛase.* Ebia wɔbɛbɔ mo ho ban,* Yehowa abufuw da no.+   Efisɛ wobegyaw Gasa kurow no ato hɔ,Na wɔbɛsɛe Askelon pasaa.+ Wɔbɛpam Asdod awia ketee,Na wɔatu Ekron ase.+   “Mo a motete mpoano, Keretifo man, asɛm ato mo!+ Yehowa ne mo wɔ asɛm. O Kaanan, Filistifo asaase, mɛsɛe wo,Na obiara renka.  Mpoano asaase no bɛdan mmoa adidibea,Baabi a nguanhwɛfo mmura wɔ, baabi a wɔde abo ayɛ nguammuw.   Na ɛbɛyɛ Yudafo a aka no asaase,+Na ɛhɔ na wobedidi. Wɔbɛdeda Askelon afi mu anwummere. Na Yehowa wɔn Nyankopɔn betwa n’ani abɛhwɛ wɔn,Na ɔbɛboaboa wɔn nkurɔfo a wɔakyere wɔn kɔ no ano, na ɔde wɔn asan aba.”+   “Mate Moab animtiaabu+ ne Ammonfo adapaatwa no.+Wɔyeyaw me man, na wɔde ahantan ka sɛ wobegye me man asaase.+   Enti mete ase yi de,” asafo Yehowa Israel Nyankopɔn no asɛm ni,“Moab bɛyɛ sɛ Sodom,+Na Ammon ayɛ sɛ Gomora.+Ɛbɛyɛ nsasono asaase, ne nkyene amoa, na ɛbɛsɛe a obiara rentena hɔ bio da.+ Na me nkurɔfo a aka no bɛfom wɔn nneɛma,Na me manfo a aka no begye wɔn asaase afi wɔn nsam. 10  Wɔn ahantan nti na eyinom nyinaa bɛto wɔn,+Efisɛ wɔyeyaw asafo Yehowa man, na wɔmomaa wɔn ho so kyerɛɛ wɔn. 11  Yehowa ho bɛyɛ wɔn nwonwa,*Efisɛ ɔbɛbrɛ asaase so anyame nyinaa ase,*Na nsuano aman a ɛyɛ amanaman no de nyinaa bɛkotow* no,+Obiara befi baabi a ɔwɔ aba. 12  Mo, Etiopiafo nso, mede me sekan bekunkum mo.+ 13  Na ɔbɛteɛ ne nsa akyerɛ atifi fam na wasɛe Asiria.Ɔbɛma Niniwe asɛe pasaa,+ na ɛhɔ bɛwo wosee sɛ sare so. 14  Mmoa nyinaa, wura mu mmoa nyinaa bi bɛba abɛda hɔ. Na nsu so dabodabo ne kɔtɔkɔ bɛdeda n’adum* so anadwo. Wɔbɛte nnomaa su* wɔ mfɛnsere mu. N’apongua bɛsɛe,Na ɔbɛma sida nnua a wɔde ayɛ ɔdan no mu no ho ada hɔ. 15  Ahantan kurow a na ne ho adwo no no ni,Kurow yi na na ɛka wɔ ne komam sɛ, ‘Mene no; m’akyi no, obiara nni hɔ bio.’ Hwɛ sɛnea ɛnnɛ wadan biribi huhuuhu,Baabi a wuram mmoa bɛda! Obiara a obetwam wɔ hɔ no bɛtɛɛ n’anom ahwɛ,* na ɔbɛpoma twɛre.”+

Ase Hɔ Nsɛm

Anaa “mudwo.”
Nt., “n’atemmu.”
Anaa “odwo.”
Anaa “wɔbɛkora mo so.”
Anaa “bɛyɛ wɔn hu.”
Anaa “ɔbɛma asaase so anyame nyinaa afonfɔn.”
Anaa “bɛsom.”
Anaa “n’adum ntaaso.”
Anaa “wura mu mmoa su; mframa a ɛreyɛ dede.”
Nt., “Obiara a obetwam wɔ hɔ no bɛhwɛ abɔ hwirema.”