Mika 6:1-16

  • Onyankopɔn ne Israel anya asɛm (1-5)

  • Ɛdɛn na Yehowa hwehwɛ? (6-8)

    • Asɛntrenee, nokwaredi, ahobrɛase (8)

  • Israel bɔne ne n’asotwe (9-16)

6  Mepa mo kyɛw, muntie nea Yehowa reka. Monsɔre, na monka mo asɛm wɔ mmepɔw anim,Na nkoko nte mo nne.+   O mmepɔw, muntie Yehowa asɛm,*Asaase nnyinaso a etim hɔ, muntie,+Efisɛ Yehowa ne ne nkurɔfo anya asɛm;Israel na ɔne no bedi asɛm:+   “Me man, dɛn na mede ayɛ wo? Na dɛn na mede ayɛ wo a ama woabrɛ?+ Ka ma obiara nte.*   Hwɛ, me na miyii wo fii Egypt asaase so;+Migyee wo fii nkoafi.+Na mesomaa Mose ne Aaron ne Miriam dii w’anim.+   Me man, mepa wo kyɛw, kae nea Moab hene Balak bɔɔ pɔw sɛ ɔbɛyɛ no,+Ɛne mmuae a Beor ba Baalam de maa no no,+Nea esii fi Sitim+ kosi Gilgal+ no,Sɛnea ɛbɛyɛ a wubehu Yehowa trenee nnwuma.”   Dɛn na memfa mmra Yehowa anim? Dɛn na memfa mmɛkotow Onyankopɔn a ɔwɔ sorosoro no? Memmɛbɔ ɔhyew afɔre mma no?Anaa memfa anantwi mma a wɔn mu biara adi afe mmra?+   Yehowa ani bɛsɔ adwennini mpempem,Ne ngo asuten mpem du du anaa?+ Memfa me babarima a ɔyɛ m’abakan mmetua m’atuatew ka?Anaa memfa aba a efi me mu* mmɛpata me* bɔne?+   O onipa, waka nea eye akyerɛ wo. Na dɛn na Yehowa rehwehwɛ afi wo hɔ? Ɛno ara ne sɛ wubedi asɛntrenee,*+ na woama nokwaredi ada wo koma so,*+Na woabrɛ wo ho ase+ ne wo Nyankopɔn anantew!+   Yehowa nne refrɛ kurow no;Wɔn a wonim nyansa besuro wo din. Muntie abaa no ne nea ɔde abaa no bae no.+ 10  Agyapade a wɔbɔɔ apoo nyae no, ebi da so wɔ abɔnefo fi anaa?Na efa susude* a wɔabɔ to a ɛyɛ abusude nso ɛ? 11  Sɛ mewɔ nsenia* a mede sisi nkurɔfo a, m’abrabɔ ho bɛtew* anaa?Na mewɔ kotoku a nsisi nkaribo wom nso a, m’abrabɔ ho bɛtew anaa?+ 12  Awudisɛm ahyɛ kurow no mu asikafo ma,Na emufo ka atosɛm;+Wɔn tɛkrɛma a ɛda wɔn anom no, nnaadaa ayɛ no ma.+ 13  “Enti, mɛbɔ wo apira wo,+Na wo bɔne nti, mɛma woadan amamfo.* 14  Wubedidi, nanso woremmee;Na wo yafunu bɛda mpan.+ Wobɛtwe wo nneɛma, nanso worentumi nkora so,Na nea wobɛkora so mpo, mede bɛma sekan. 15  Wubedua aba, nanso worentwa. Wubekyi ngodua aba mu,* nanso worentumi mfa ngo no nyɛ hwee;Wobɛyɛ bobesa foforo, nanso worennya bobesa biara nnom.+ 16  Efisɛ Omri ahyɛde ne Ahab fi nnwuma nyinaa, mudi akyi,+Na wɔn afotu na mode nantew. Ɛno nti, mɛma wo ho ayɛ tan,Na obiara a obehu kurow no mufo no bɛbɔ hwirema;+Na amanaman no fɛwdi a wɔde bɛba mo so no, mobɛsoa.”+

Ase Hɔ Nsɛm

Anaa “asɛm wɔ asɛnnibea; nkurobɔ.”
Anaa “Di adanse tia me.”
Anaa “aba a efi me nipadua mu.”
Anaa “me kra.”
Anaa “wubebu atɛntrenee; wubedi nokware.”
Anaa “woafi ayamye ne nokwaredi mu adɔ afoforo.” Nt., “wobɛdɔ ɔdɔ a enni huammɔ.”
Ade a wɔde susuw biribi mu duru.
Anaa “medi bem.”
Anaa “mɛsɛe wo.”
Anaa “Wobɛboro ngodua aba.”