Mateo Asɛmpa No 1:1-25

  • Yesu Kristo abusuasanten (1-17)

  • Sɛnea wɔwoo Yesu (18-25)

1  Abraham ba,+ Dawid ba+ Yesu Kristo* ho abakɔsɛm* nhoma:   Abraham woo Isak;+Isak woo Yakob;+Yakob woo Yuda+ ne ne nuanom;   Yuda ne Tamar woo Peres ne Sera;+Peres woo Hesron;+Hesron woo Ram;+   Ram woo Aminadab;Aminadab woo Naason;+Naason woo Salmon;   Salmon ne Rahab+ woo Boas;Boas ne Rut+ woo Obed;Obed woo Yese;+   Yese woo Ɔhene Dawid.+ Dawid ne Uria yere woo Solomon;+   Solomon woo Rehoboam;+Rehoboam woo Abia;Abia woo Asa;+   Asa woo Yehosafat;+Yehosafat woo Yehoram;+Yehoram woo Usia;   Usia woo Yotam;+Yotam woo Ahas;+Ahas woo Hesekia;+ 10  Hesekia woo Manase;+Manase woo Amon;+Amon woo Yosia;+ 11  Yosia+ woo Yekonia+ ne ne nuanom bere a wɔde wɔn kɔɔ Babilon+ no. 12  Bere a wɔde wɔn kɔɔ Babilon akyi no, Yekonia woo Sealtiel;Sealtiel woo Serubabel;+ 13  Serubabel woo Abihud;Abihud woo Eliakim;Eliakim woo Asor; 14  Asor woo Sadok;Sadok woo Akim;Akim woo Elihud; 15  Elihud woo Eleasar;Eleasar woo Matan;Matan woo Yakob; 16  Yakob woo Maria kunu Yosef. Maria na ɔwoo Yesu+ a wɔfrɛ no Kristo+ no. 17  Enti awo ntoatoaso no nyinaa, efi Abraham so besi Dawid so no yɛ awo ntoatoaso 14; efi Dawid so besi bere a wɔde wɔn kɔɔ Babilon no yɛ awo ntoatoaso 14; efi bere a wɔde wɔn kɔɔ Babilon besi Kristo so no yɛ awo ntoatoaso 14. 18  Sɛnea wɔwoo Yesu Kristo ni. Wɔde ne maame Maria maa Yosef sɛ ɔbea a ɔbɛware no. Bere a wonnya nwaree no, wohui sɛ honhom kronkron* ama wanyinsɛn.+ 19  Nanso, esiane sɛ na ne kunu Yosef teɛ na ɔmpɛ sɛ ogu Maria anim ase nti, ɔyɛɛ n’adwene sɛ obegyaa no a ɔremma obiara nte ho asɛm.+ 20  Na bere a odwinnwen eyinom ho wiei no, hwɛ! Yehowa* bɔfo yii ne ho adi kyerɛɛ no ɔdae mu sɛ: “Yosef, Dawid ba, nsuro sɛ wobɛfa wo yere Maria akɔ fie, na honhom kronkron na ama wanyinsɛn.+ 21  Ɔbɛwo ɔbabarima, na ɛsɛ sɛ woto ne din Yesu,*+ efisɛ obegye ne manfo afi wɔn bɔne mu.”+ 22  Eyinom nyinaa sii na ama nea Yehowa* nam ne diyifo so kae no aba mu sɛ: 23  “Hwɛ! Ɔbaabun no benyinsɛn na wawo ɔbabarima, na wɔbɛto ne din Imanuel,”+ a asekyerɛ ne sɛ, “Onyankopɔn Ne Yɛn Wɔ Hɔ.”+ 24  Ɛnna Yosef nyan fii nna mu, na ɔyɛɛ nea Yehowa* bɔfo no ka kyerɛɛ no no, na ɔfaa ne yere kɔɔ fie. 25  Nanso ɔne no anna* kosii sɛ ɔwoo ɔbabarima,+ na ɔtoo ne din Yesu.+

Ase Hɔ Nsɛm

Anaa “Mesia no; Nea Wɔasra No no.”
Anaa “awo ntoatoaso; abusuasanten.”
Anaa “Onyankopɔn tumi.”
Onyankopɔn din Yehowa pue mpɛn 237 wɔ Kristofo Greek Kyerɛwnsɛm no mu wɔ Wiase Foforo Nkyerɛase yi mu (nea epue wɔ ase hɔ asɛm no mu ne nkekaho no mu, ne mmeae foforo no nka ho). Nkyekyɛm yi ne baabi a edi kan pue. Hwɛ Nkh. A5.
Ɛno ara ne Hebri din Yesua, anaa Yosua, na ɛkyerɛ “Yehowa Ne Nkwagye.”
Kyerɛ sɛ, ɔbea ne ɔbarima nna.