Hosea 6:1-11

  • Mommra mma yɛnsan nkɔ Yehowa nkyɛn (1-3)

  • Ɔdɔ a enni huammɔ a ɔman no wɔ no, ankyɛ (4-6)

    • Ɔdɔ a enni huammɔ ye sen afɔrebɔ (6)

  • Ɔman no yɛɛ nneɛma a ɛyɛ aniwu (7-11)

6  “Mommra, momma yɛnsan nkɔ Yehowa nkyɛn,Efisɛ watetew yɛn mu de,+ nanso ɔbɛsa yɛn yare. Wapirapira yɛn, nanso ɔbɛkyekyere yɛn akuru.   Nnanu akyi, ɔbɛma yɛanya nkwa. Na da a ɛto so abiɛsa no, ɔbɛma yɛn so,Na yɛbɛtena ase wɔ n’anim.   Yebehu Yehowa, yɛbɛhwehwɛ no denneennen ahu no. Sɛnea adekyee nni huammɔ no, saa ara na obefi adi;Ɔbɛba yɛn nkyɛn te sɛ osu a ɛretɔ denneennen,Te sɛ fefɛw bere mu osu* a ɛfɔw asaase.”   “Efraim, dɛn na menyɛ wo? Yuda, dɛn na menyɛ wo? Efisɛ mo dɔ a enni huammɔ te sɛ anɔpa mununkum,Ɛte sɛ obosu a ɛyera ntɛm.   Enti mɛma adiyifo no atwa wɔn agu;+Mede m’anom asɛm bekum wɔn.+ Na atemmu a ɛbɛba wo so no bɛhyerɛn te sɛ kanea.+   Ɔdɔ a enni huammɔ na mepɛ, na ɛnyɛ afɔrebɔ;Onyankopɔn ho nimdeɛ na mepɛ, na ɛnyɛ ɔhyew afɔre.+   Nanso wɔabu apam no so te sɛ onipa dasani,+ Na ɛhɔ na wɔayi me ama.   Gilead yɛ abɔnefo kurow;+Mogya ayɛ kurow no ma.*+   Asɔfokuw no te sɛ akorɔmfo werɛmfo dɔm a wɔtetɛw nnipa. Wokum nnipa wɔ Sekem kwan so,+Na wɔn suban yɛ aniwu. 10  Mahu biribi wɔ Israel fi ama me ho adwiriw me. Ɛhɔ na Efraim bɔ aguaman.+ Israel agu ne ho fĩ.+ 11  Na wo, O Yuda, wo de, wɔayi twabere bi asi hɔ ama wo.Saa bere no, me manfo a wɔakyere wɔn kɔ no, mɛboaboa wɔn ano asan aba.”+

Ase Hɔ Nsɛm

Ná efi ase fi April mfinimfini hɔ baabi. Hwɛ Nkh. B15.
Anaa “Mogya anammɔn ayɛ mu ma.”