Hosea 11:1-12

  • Bere a Israel yɛ abarimaa koraa na Onyankopɔn dɔɔ no (1-12)

    • “Egypt na mefrɛɛ me ba fii” (1)

11  “Bere a Israel yɛ abarimaa no, na medɔ no,+Na Egypt na mefrɛɛ me ba fii.+   Bere a wogu so refrɛ wɔn nyinaa,*Na wɔretwe wɔn ho fi wɔn ho.+ Wɔkɔɔ so bɔɔ afɔre maa Baal ahoni,+Na wɔbɔɔ afɔre maa ahoni.+   Nso me na mekyerɛɛ Efraim nantew,+ na mituruu wɔn m’abasa so.+Nanso wɔanhu sɛ me na mesaa wɔn yare.   Mekɔɔ so de nnipa nhama* twee wɔn; ɔdɔ nhama na mede twee wɔn.+Mebɛyɛɛ sɛ obi a oyi kɔndua fi wɔn kɔn* ho ma wɔn,Na mede brɛbrɛ maa wɔn mu biara aduan.   Wɔrensan nkɔ Egypt asaase so bio, na Asiria na ɛbɛyɛ wɔn hene,+Efisɛ na wɔmpɛ sɛ wɔsan ba me nkyɛn.+   Sekan bedi ahim wɔ ne nkurow mu;+Ɛpɔw bɔne a wɔabɔ nti, sekan no bɛsɛe n’apon akyi nnade, na ɛbɛmene wɔn.+   Me man asi wɔn bo sɛ wɔrenni me nokware.+ Wɔfrɛɛ wɔn Ɔsorosoroni no nkyɛn,* nanso obiara ansɔre.   O Efraim, mɛyɛ dɛn apo wo?+ O Israel, mɛyɛ dɛn ayi wo ama? Mɛyɛ dɛn ayɛ wo sɛ Adma? Mɛyɛ dɛn ayɛ wo sɛ Seboiim?+ Masesa m’adwene,*Na me yam nso hyehye me.+   Merenyi m’abufuw adi. Merensɛe Efraim bio,+Efisɛ meyɛ Onyankopɔn, menyɛ onipa.Mene Ɔkronkronni a ɔwɔ wo mu no;Meremfa anibere mma wo so. 10  Wobedi Yehowa akyi, na ɔbɛbobom te sɛ gyata;+Sɛ ɔbobom a, ne mma de ahopopo befi atɔe aba.+ 11  Wɔde ahopopo befi Egypt aba te sɛ anomaa,Na wobefi Asiria asaase so aba te sɛ aborɔnoma.+Na mɛma wɔatenatena wɔn afi mu,” Yehowa na waka.+ 12  “Efraim de atoro atwa me ho ahyia,Na Israel fi de nnaadaa atwa me ho ahyia.+ Na Yuda de, ɔne Onyankopɔn da so ara nam,*Na odi Ɔkronkronni no nokware.”+

Ase Hɔ Nsɛm

‘Wɔn a wogu so refrɛ’ no gyina hɔ ma adiyifo ne nnipa foforo a wɔsomaa wɔn sɛ wɔnkɔkyerɛkyerɛ Israelfo no.
Anaa “ayamye nhama,” te sɛ awofo nhama.
Nt., “abogye.”
Kyerɛ sɛ, ɔfrɛɛ wɔn kɔɔ ɔsom a ɛkorɔn mu.
Anaa “Me koma asesa.”
Anaa “nantew.”