Hiob 36:1-33

  • Elihu kae sɛ sɛnea Onyankopɔn yɛ kɛse no, yɛrentumi nhwehwɛ mu (1-33)

    • Wɔn a wɔyɛ osetie no, esi wɔn yiye; ɔpo abɔnefo (11-13)

    • ‘Ɔkyerɛkyerɛfo bɛn na ɔte sɛ Onyankopɔn?’ (22)

    • Ɛsɛ sɛ Hiob kamfo Onyankopɔn (24)

    • “Sɛnea Onyankopɔn yɛ kɛse no, ɛboro yɛn ntease so” (26)

    • Onyankopɔn wɔ osu a ɛtɔ ne anyinam so tumi (27-33)

36  Elihu toaa so sɛ:   “Nya abotare kakra ma me, na menkyerɛkyerɛ mu,Efisɛ meda so wɔ nsɛm bi a ɛsɛ sɛ meka ma Onyankopɔn.   Nea minim no, mɛka ne nyinaa,Na mɛka sɛ me Bɔfo no di bem.+   Ampa, atoro biara nni asɛm a mereka no mu;Nea Ne nimdeɛ wie pɛyɛ no+ na ogyina w’anim yi.   Nokwasɛm ni, Onyankopɔn yɛ otumfo,+ na ɔmpo onipa biara;Ne ntease* mu dɔ.   Ɔremmɔ abɔnefo nkwa ho ban,+Na mmɔborɔwafo de, ɔbɛma wɔanya atɛntrenee.+   N’ani wɔ atreneefo so daa;+Ɔde wɔn si ahengua so te sɛ ahemfo,*+ na ɔhyɛ wɔn anuonyam daa.   Nanso sɛ wɔde nkɔnsɔnkɔnsɔn gu wɔn,Na amanehunu nhama kyere wɔn a,   Ɔma wohu nea wɔayɛ,Na ɔma wohu mmarato a wɔn ahomaso akɔfa aba. 10  Obue wɔn aso ma nteɛso,Na ɔka kyerɛ wɔn sɛ wɔntwe wɔn ho mfi bɔne ho.+ 11  Sɛ wotie na wɔsom no a,Wɔn nna a aka no, wobedi yiye,Na mfe a wobedi nyinaa, wɔn ani begye.+ 12  Na sɛ wɔantie a, ɛnde wɔde sekan* bekunkum wɔn,+Na wobewu a wonni nimdeɛ. 13  Wɔn a bɔne adidi wɔn komam no,* wɔn na wɔde abufuw hyɛ wɔn mu. Sɛ ɔkyekyere wɔn mpo a, wonsu nhwehwɛ mmoa. 14  Wowuwu* bere a wonnyinii,+Na wɔne tuutuufo mmarima a wɔwɔ asɔrefi na edi hwebom.*+ 15  Nanso Onyankopɔn gye* mmɔborɔwafo fi wɔn amanehunu mu;Sɛ nkurɔfo teetee wɔn a, Obue wɔn aso. 16  Ɔtwe wo fi amanehunu ho,+Na ɔde wo ba baabi a ɛhɔ trɛw a ɛhɔ nkyere,+Na ɔde nnuan pa gu wo pon so de kyekye wo werɛ.+ 17  Na atemmu a ɛbɛba abɔnefo so no bɛma wo koma atɔ wo yam,+Bere a wɔabu atɛn na atɛntrenee ayɛ adwuma no. 18  Nanso hwɛ yiye na abufuw amma woannya obi ho tan,*+Na mma adanmude* kɛse nnnaadaa wo. 19  Wugye di sɛ wo sufrɛAnaa wo mmɔdenbɔ bebrebe no bi betumi ayi wo afi amanehunu mu?+ 20  Nka sɛ wunyae a anka anadwo aba,Anadwo a nnipa yera fi baabi a wɔwɔ no. 21  Hwɛ yiye na woankɔyɛ bɔne;Fa amanehunu mmom, na nkɔyɛ bɔne.+ 22  Hwɛ! Onyankopɔn nam ne tumi so nya anuonyam;Ɔkyerɛkyerɛfo bɛn na ɔte sɛ ɔno? 23  Hena na wakyerɛ No kwan*+Na hena na waka akyerɛ No sɛ, ‘Nea woayɛ yi de, enye’?+ 24  Kae na kamfo ne nnwuma+A nnipa ato ho dwom no.+ 25  Nnipa nyinaa ahu;Onipa dasani gyina akyirikyiri hwɛ. 26  Ampa! Sɛnea Onyankopɔn yɛ kɛse no, ɛboro yɛn ntease so;+Mfe a wadi nso, yɛrentumi mfa yɛn adwene mmu.*+ 27  Ɔtwe nsu a ɛsosɔ kɔ soro;+Ɔma ɛdan ɛbɔ,* na ɛdan bɛyɛ osu a ɛtɔ; 28  Afei omununkum hwie osu no gu fam;+Na ɛtɔ gu nnipa so. 29  Wohwɛ a, obi betumi ate sɛnea omununkum ahyehyɛ no ase?Aprannaa a ɛbobom wɔ Ne ntamadan* mu no, obi betumi ate ase anaa?+ 30  Hwɛ sɛnea ɔtrɛw n’anyinam*+ mu wɔ so,Na hwɛ sɛnea wakata ɛpo bun* so. 31  Eyinom na ɔde hwɛ* nnipa;Ɔma aduan bu so ma wɔn.+ 32  Ɔde ne nsa kata anyinam so,*Na ɔkyerɛ no kwan kɔ baabi a ɛsɛ sɛ ɛkɔ.+ 33  N’aprannaa ka ne ho asɛm,Na nyɛmmoa mpo ma yehu nea ɔreba.*

Ase Hɔ Nsɛm

Nt., “koma.”
Ebetumi nso akyerɛ, “Ɔde ahemfo si agua so.”
Anaa “akode.”
Anaa “awaefo.”
Anaa “Wɔn kra wu.”
Ebetumi nso akyerɛ, “Wɔne tuutuufo mmarima a wɔwɔ asɔrefi no nkwa ba awiei bom.”
Nt., “Ogye.”
Anaa “woammɔ wo nsam amfa ammu obi animtiaa.”
Anaa “braeb.”
Ebetumi nso akyerɛ, “Hena na waka n’anim wɔ n’akwan ho; Hena na wabu no atɛn wɔ n’akwan ho.”
Anaa “yɛrentumi nhwehwɛ mu.”
Anaa “Onyankopɔn bɔ.”
Nt., “N’apata.”
Nt., “ne hann.”
Nt., “ntini.”
Ebetumi nso akyerɛ, “ɔde di ma.”
Anaa “Ɔde ne nsa so anyinam mu.”
Ebetumi nso akyerɛ, “ade a ɛreba.”