Hiob 35:1-16

  • Elihu maa Hiob hui sɛ nea ɔreka no nyɛ nokware (1-16)

    • Hiob kae sɛ ɔteɛ sen Onyankopɔn (2)

    • Onyankopɔn wɔ sorosoro; woyɛ bɔne a ɛnka no (5, 6)

    • Ɛsɛ sɛ Hiob twɛn Onyankopɔn (14)

35  Elihu toaa so kae sɛ:   “Wugye di paa sɛ woyɛ ɔtreneeni, a enti woka sɛ,‘Meteɛ sen Onyankopɔn’?+   Efisɛ woka sɛ, ‘Meyɛ nea ɛteɛ mpo a, sɛ ɛmfa wo* ho? Meyɛɛ bɔne mpo a, sɛ anka eye?’+   Mɛma wo mmuae,Wo ne wo nnamfo+ a wɔka wo ho no.   Ma w’ani so hwɛ ɔsoro na hwɛ;Hwɛ omununkum+ a ɛwɔ soro koraa sen wo no.   Sɛ woyɛ bɔne a, ɛka no dɛn?+ Na sɛ woma wo mmarato dɔɔso a, ɛdɛn na ɛbɛyɛ no?+   Sɛ woyɛ adetrenee a, ɛdɛn na ɛma onya,Na dɛn na onya fi wo hɔ?+   Woyɛ bɔne a, wo yɔnko nipa mmom na ɛbɛhaw no,Na sɛ woyɛ adetrenee a, onipa ba na woyɛ ma no.   Nhyɛso bebrebe na ɛma nnipa teɛm;Wosu hwehwɛ nea obeyi wɔn afi atumfo nhyɛso* ase.+ 10  Nanso obiara mmisa sɛ, ‘Ɛhe na Onyankopɔn, me Bɔfo Kɛse no wɔ,+Nea ɔma wɔto nnwom anadwo no?’+ 11  Ɔkyerɛkyerɛ yɛn+ sen asaase so mmoa,+Na ɔma yehu nyansa sen wim nnomaa. 12  Nnipa teɛm, nanso ommua,+Abɔnefo ahantan nti.+ 13  Ampa, Onyankopɔn ntie osu hunu,*+Na ade nyinaa so Tumfo no mfa n’adwene nkɔ so. 14  Ɛnde sɛ wokeka sɛ wunhu no a, ɛno na obetie anaa?+ W’asɛm no da n’anim, enti kɔ so ara twɛn no.+ 15  Efisɛ ɔmfaa abufuw mmɛtwee w’aso,Na ɔmfaa n’adwene nkɔɔ wo kasa hunu no so.+ 16  Hiob bue n’ano kwa;Ɔkeka nsɛm pii a onni ho nimdeɛ.”+

Ase Hɔ Nsɛm

Ɛbɛyɛ sɛ ɛyɛ Onyankopɔn.
Nt., “basa.”
Anaa “atoro.”