Hiob 29:1-25

  • Hiob kaee nna a odii dɛw ansa na n’amanehunu no reba no (1-25)

    • Ná obiara bu no wɔ kurow pon no ano (7-10)

    • Ná n’atɛntrenee te sɛ ataade (11-17)

    • Obiara tiee n’afotu (21-23)

29  Ɛnna Hiob toaa n’asɛm* no so sɛ:   “Minyae a anka abosome a atwam no asan aba,Nna a na Onyankopɔn hwɛ me so no.   Saa bere no, ɔmaa ne kanea hyerɛn me ti so,Na mede ne hann nantew sum mu.+   Saa bere no, na migyina me nan so,Na na Onyankopɔn ayɔnkofa wɔ me ntamadan mu.+   Saa bere no, na ade nyinaa so Tumfo no ka me ho,Na na me mma* nyinaa atwa me ho ahyia.   Saa bere no, na bɔta abu me so,Na na ngo hwie sɛ asubɔnten fi abotan mu ma me.+   Saa bere no, na mekɔ kurow pon no ano,+Na na metena baguam.+   Saa bere no, mmerante hu me a, na wogyina nkyɛn,*Na nkwakoraa mpo, na wɔsɔre gyina hɔ.+   Abirɛmpɔn gyaee kasa;Wɔde wɔn nsa too wɔn ano. 10  Mmarima atitiriw kaa wɔn ano toom;Wɔn asɛm kaa wɔn anom.* 11  Obiara a ɔtee me ho asɛm no kaa me ho asɛm pa;Na obiara a ohuu me biara dii me ho adanse. 12  Efisɛ na migye ohiani a osu hwehwɛ ɔboafo,+Ne agyanka ne obiara a onni boafo.+ 13  Nea ɔreyɛ awu hyiraa me,+Na memaa okunafo koma dii ahurusi.+ 14  Mifuraa trenee sɛ ntama,Na na m’atɛntrenee te sɛ ataade* ne abotiri. 15  Mebɛyɛɛ ani maa anifuraefo,Na meyɛɛ nan maa apakye. 16  Meyɛɛ ahiafo agya;+Na wɔn a minnim wɔn mpo, mehwehwɛɛ wɔn asɛm mu maa wɔn.+ 17  Mibubuu ɔbɔnefo apantan,+Na migyee mmɔborɔwa fii n’anom.* 18  Ná meka sɛ, ‘Mewu wɔ me ara me fi,*+Na me nna bɛdɔɔso sɛ anwea. 19  Me ntini bɛtrɛtrɛw akɔ nsu mu,Na obosu begu me nkorabata so anadwo mu nyinaa. 20  M’anuonyam yɛ foforo daa,Na agyan a ɛwɔ me nsam no, mɛtow no ntoatoaso.’ 21  Ná nkurɔfo yɛ krado sɛ wobetie me,Na na wɔyɛ komm twɛn sɛ metu wɔn fo.+ 22  Mekasa wie a, ɛno ara ne no; obiara nka hwee bio.M’asɛm wurawuraa wɔn mu.* 23  Ná wɔtwɛn me sɛnea wɔtwɛn sɛ osu bɛtɔ no,Na wobuee wɔn anom sɛnea wɔtwɛn fefɛw bere mu osu* no.+ 24  Sɛ meserew kyerɛ wɔn a, na ɛyɛ wɔn nwonwa;Sɛ metew m’anim ma wɔn a, na wɔn koma tɔ wɔn yam.* 25  Mene ɔpanyin a memaa wɔn akwankyerɛ,Na na mete sɛ ɔhene a n’asraafo ka ne ho.+Meyɛɛ sɛ obi a ɔkyekye wɔn a wodi awerɛhow werɛ.+

Ase Hɔ Nsɛm

Nt., “n’akasabebu.”
Anaa “m’asomfo.”
Nt., “wɔde wɔn ho sie.”
Anaa “Wɔn tɛkrɛma taree wɔn anom.”
Anaa “ataade nsasin.”
Anaa “ne se ntam.”
Nt., “wɔ me berebuw mu.”
Nt., “M’asɛm sosɔ guu wɔn asom.”
Ná efi ase fi April mfinimfini hɔ baabi. Hwɛ Nkh. B15.
Ebetumi nso akyerɛ, “Wɔamma m’anim hann anyɛ sum.”