Hiob 26:1-14

  • Hiob anoyi (1-14)

    • “Aa! Woaboa nea onni tumi ampa!” (1-4)

    • ‘Onyankopɔn de asaase asɛn hɔ a biribiara nkura mu’ (7)

    • ‘Onyankopɔn nnwuma a wayɛ no, emu nketewa ni’ (14)

26  Ɛnna Hiob kae sɛ:   “Aa! Woaboa nea onni ahoɔden ampa! Aa! Woagye nea ne nsam agow ampa!+   Afotu paa de, wode bi ama nea onnim nyansa!+ Nyansa nso de, woama nkurɔfo anya bi!   Hena na worekasa akyerɛ no?Na hena na wapiapia wo ama worekeka saa nsɛm yi?*   Awufo a wontumi nyɛ hwee no ho popo;Wɔwɔ fam mpo sen ɛpo ne nea ɛwom.   Ɔdamoa* so abue wɔ Onyankopɔn anim,*+Na ɔsɛe amoa* ho da hɔ.   Watrɛw wim a ɛwɔ atifi fam* no mu wɔ baabi a hwee nni,*+Na ɔde asaase asɛn hɔ a biribiara nkura mu;   Ɔkyekyere nsu wɔ ne mununkum mu,+Sɛnea ɛbɛyɛ a nsu no mu duru remma omununkum no mpaapae;   Wakata n’ahengua no anim,Na watrɛw ne mununkum mu akata so.+ 10  Watwa nsu ani kanko;*+Watwa ɔhye ato hann ne sum ntam. 11  Ɔsoro nnyinaso mpo hinhim;N’animka ma wɔn ho dwiriw wɔn. 12  Ɔde ne tumi hwanyan ɛpo,+Na ɔde ne ntease bubu ɛpo mu aboa kɛse no* pasaa.+ 13  Ɔde n’ahome* ma wim tew nwann;Ɔwɔ a ɔde ne ho sie* no, ɔde ne nsa wɔ ne mu. 14  Hwɛ! Ne nnwuma a wayɛ no, emu nketewa ni;+Ne ho asɛm kakraa bi na atwa yɛn asom! Enti hena na obetumi ate n’aprannaa kɛse no ase?”+

Ase Hɔ Nsɛm

Nt., “Na hena ahome (honhom) na efi wo mu aba yi?”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Nt., “n’anim.”
Anaa “Na Abadon.”
Nt., “atifi fam.”
Anaa “ahunmu.”
Anaa “Wayɛ baabi a ayɛ sɛ nea wim ne po reyɛ abom no.”
Nt., “Rahab.”
Anaa “ne mframa.”
Anaa “Ɔwɔ a ne ho yɛ hare.”