Hiob 24:1-25

  • Hiob anoyi no ntoaso (1-25)

    • ‘Adɛn nti na Onyankopɔn nhyɛɛ bere ntoo hɔ?’ (1)

    • Ɔkae sɛ Onyankopɔn pene nsɛmmɔnedi so (12)

    • Abɔnefo pɛ sum (13-17)

24  “Adɛn nti na ade nyinaa so Tumfo no nhyɛɛ bere ntoo hɔ?+ Adɛn nti na wɔn a wonim no no nhuu ne da* no?   Nkurɔfo piapia ahye;+Wowia nguan kogu wɔn mmoa adidibea.   Wogye nnyanka mfurum,Na sɛ wɔma akunafo bosea a, wogye wɔn nantwi de si awowa.+   Wopia ahiafo fi kwan so;Asaase so mmɔborɔwafo de wɔn ho sie wɔn.+   Ahiafo hwehwɛ aduan te sɛ nea sare so afurum+ nenam pɛ aduan no;Wɔhwehwɛ aduan wɔ anwea pradadaa so ma wɔn mma.   Nkurɔfo afuw mu na wotwa nnɔbae,*Na abɔnefo bobefuw* mu na wɔsesaw nnɔbae ase.   Adagyaw na wɔde da, wonni ntama;+Wonni biribiara a wɔde kata wɔn ho wɔ awɔw mu.   Osu a ɛtɔ wɔ mmepɔw so fɔw wɔn;Ofi* a wonni nti, wɔtetare abotan ho.   Abɔnefo hwim agyanka fi nufu ano;+Sɛ wɔma ahiafo bosea a, wogye wɔn ntama de si awowa,+ 10  Na ɛma ahiafo no de adagyaw nantew a wonni ntama,Na wɔde ɔkɔm soasoa hwiit* a wɔakyekyere no atifi atifi. 11  Abo mu na wɔyɛ adwuma awia ketee;*Wotiatia bobe so wɔ amoa a wokyĩ nsã wom mu, nanso osukɔm de wɔn.+ 12  Wɔn a wɔrewu no penepene wɔ kurow no mu;Wɔn a wɔapira pira bɔne no* su hwehwɛ mmoa,+Nanso Onyankopɔn mmu no adebɔne.* 13  Nkurɔfo bi wɔ hɔ a wɔtew atua tia hann;+Wonhu n’akwan,Na wɔnnantew n’akwan so. 14  Owudifo sɔre anɔpa;Okum mmɔborɔwa ne ohiani,+Na edu anadwo a, ɔbɔ korɔn. 15  Nea ɔwaresɛefo ani retwɛn ara ne sɛ esum bɛba anwummere,+Ɔka sɛ: ‘Obiara renhu me!’+ Na ɔkata n’anim. 16  Akorɔmfo bu* nkurɔfo dan kɔ mu anadwo;Edu awia a, wɔto wɔn ho pon mu. Wonnim ade a wɔfrɛ no hann.+ 17  Efisɛ anɔpa ne sum kabii nyinaa yɛ pɛ ma wɔn;Wonim nneɛma a ɛyɛ hu a ɛkɔ so wɔ sum kabii mu. 18  Nanso nsu twe wɔn kɔ ntɛmntɛm.* Nnome bɛka wɔn asaase a wɔte so.+ Wɔrensan nkɔ wɔn bobe mfuw mu bio. 19  Sɛnea ɔhyew ne ɔpɛ ma sukyerɛmma a anan yow no,Saa ara na Ɔdamoa* fa wɔn a wɔayɛ bɔne no kɔ!+ 20  Ne maame* werɛ befi no; mmoawa bedi ne nam. Wɔrenkae no bio.+ Na amumɔyɛ bebubu sɛ dua. 21  Ɔbea a ɔnwo* no, ɔyɛ no basabasa,Na ɔteetee okunafo. 22  Onyankopɔn de* ne tumi beyi ahoɔdenfo afi hɔ;Wɔbɛsɔre, nanso sɛ wɔbɛtena nkwa mu oo, wɔrentena nkwa mu oo, wonnim. 23  Onyankopɔn ma* wonya ahotoso na wonsuro hwee,+Nanso n’ani wɔ nea wɔyɛ biara so.*+ 24  Wɔkɔ wɔn anim wɔ abrabɔ mu, nanso ɛnkyɛ na wonni hɔ bio.+ Wɔte sɛ hwiit* mmɛtem a wɔatwa aboaboa+ ano;Wɔbrɛ wɔn ase, na wowu te sɛ obiara. 25  Afei hena na ɔbɛka sɛ meyɛ ɔtorofo?Na hena na ɔbɛka sɛ asɛm a mereka no nyɛ nokware?”

Ase Hɔ Nsɛm

Kyerɛ sɛ, Onyankopɔn atemmu da.
Ebetumi nso akyerɛ, “Mfuw mu na wotwa mmoa aduan.”
Anaa “bobeturo.”
Anaa “Guankɔbea.”
Ebetumi aba sɛ ɛyɛ baali.
Ebetumi nso akyerɛ, “Wokyĩ ngo wɔ wɔn afasu mu.”
Anaa “wɔn a wɔapirapira wɔn pira bɔne no akra.”
Ebetumi nso akyerɛ, “Onyankopɔn mfa ho sobo mmɔ obiara.”
Nt., “tutu.”
Nt., “Ne ho yɛ hare wɔ nsu ani.”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Nt., “Awotwaa.”
Anaa “Obonin.”
Nt., “Ɔde.”
Nt., “Ɔma.”
Nt., “n’ani wɔ wɔn akwan so.”
Ebetumi aba sɛ ɛyɛ baali.