Hiob 17:1-16

  • Hiob anoyi no ntoaso (1-16)

    • “Afɛwdifo atwa me ho ahyia” (2)

    • “Wama mayɛ animguase nipa” (6)

    • “Ɔdamoa na ɛbɛyɛ me fi” (13)

17  “Me honhom abotow, na me nkwa nna ahi;Amusiei retwɛn me.+   Fɛwdifo atwa me ho ahyia,+Na m’ani tua wɔn atuatew no.   Mepa wo kyɛw, gye nea mede resi awowa no na fa sie. Hena bio na obekyia me nsam de adi agyinam ama me?+   Efisɛ woayi nhumu afi wɔn koma mu asie;+Ɛno nti na womma wɔn so no.   Wotumi ne wɔn nnamfo kyɛ nea wɔwɔ,Bere a ɔkɔm ama wɔn mma ani akeka kɔ mu.   Wama mayɛ animguase nipa* wɔ nkurɔfo mu,+Enti mayɛ onipa a wɔtetew ntasu gu n’anim.+   Ahometew ama m’ani so ayɛ wusiwusi,+Na me nsa ne me nan nyinaa ayɛ sɛ sunsuma.   Atreneefo tɛɛ wɔn anom hwɛ me,Na abɔnefo* nti, nea ne ho nni asɛm bo fuw.   Ɔtreneeni nantew ne kwan so daa,+Na nea ne nsa ho tew kɔ so nya ahoɔden.+ 10  Enti mo nyinaa mommra, na monsan mmɛkeka mo nsɛm no bio,Na me de, minhu onyansafo biara wɔ mo mu.+ 11  Me nna asa;+Me tirim adwene ne nea me koma pɛ nyinaa ayɛ ɔkwa.+ 12  Wɔde anadwo yɛ awia,Na wɔka sɛ: ‘Esum aba yi de, ɛrenkyɛ hann bɛba.’ 13  Sɛ metwɛn mpo a, Ɔdamoa* na ɛbɛyɛ me fi;+Esum mu na mɛsɛw me kɛtɛ.+ 14  Mɛka akyerɛ amoa*+ sɛ, ‘Me papa ne wo!’ Na maka akyerɛ mmoawa sɛ, ‘Me maame ne me nuabea!’ 15  Ɛhe na m’anidaso wɔ?+ Hena na wahu m’anidaso? 16  Ebesian akɔ* Ɔdamoa* apon a wɔabram akyi mu,Na me ne m’anidaso nyinaa besian akɔ dɔte mu.”+

Ase Hɔ Nsɛm

Nt., “akasabebu.”
Anaa “awaefo.”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “ɔdamoa.”
Kyerɛ sɛ, m’anidaso besian akɔ.
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.