Hiob 12:1-25

  • Hiob anoyi (1-25)

    • “Monkyɛn me” (3)

    • “Me ho ayɛ serew” (4)

    • ‘Onyankopɔn na nyansa wɔ no’ (13)

    • Onyankopɔn korɔn kyɛn atemmufo ne ahemfo (17, 18)

12  Ɛnna Hiob kae sɛ:   “Ampa, mo na munim;*Muwu a na nyansa asa!   Me nso mewɔ ntease.* Monkyɛn me. Hena na onnim saa nneɛma yi?   Me ho ayɛ serew ama me nnamfo,+Me a misu frɛ Onyankopɔn sɛ onnye me so no.+ Ɔtreneeni a ne ho nni asɛm no ho ayɛ serew.   Nea n’asom adwo no no de, ɔserew wɔn a wohu amane;N’adwene nyinaa ne sɛ, wɔn a wohinhim* no na wohu amane.   Akorɔmfo werɛmfo ntamadan wɔ hɔ dwoodwoo,+Na wɔn a wɔhyɛ Onyankopɔn abufuw no wɔ ahobammɔ,+Wɔn a wokura wɔn nyame wɔ wɔn nsam no.   Wo de, mepa wo kyɛw, bisa mmoa, na wɔbɛkyerɛ wo;Bisa wim nnomaa, na wɔbɛka akyerɛ wo.   Anaasɛ dan w’ani hwɛ* asaase, na ɛbɛkyerɛ wo;Na ɛpo mu mpataa bɛka akyerɛ wo.   Wɔn mu hena na onnim sɛYehowa nsa na ayɛ eyi? 10  Ne nsam na ɔteasefo biara nkwa* wɔ,Na ne nsam na onipa biara* honhom* wɔ.+ 11  Ɛnyɛ aso na ɛsɔ nsɛm hwɛSɛnea tɛkrɛma* ka aduan hwɛ no?+ 12  Ɛnyɛ nkwakoraa mu na nyansa wɔ?+Na ɛnyɛ onyinkyɛ mu na ntease wɔ? 13  Ɔno na nyansa ne kɛseyɛ wɔ no;+Ɔno na afotu ne ntease yɛ ne dea.+ 14  Sɛ odwiriw biribi gu a, obiara rentumi nhyehyɛ;+Nea wato mu no, onipa biara rentumi mmue. 15  Sɛ ɔma osu gyae tɔ a, biribiara hyew;*+Ogyaa osu mu a, ebu fa asaase so.+ 16  Ɔno na ahoɔden ne nyansa wɔ no;+Ɔno na nea ɔrefom kwan ne nea ɔma nkurɔfo fom kwan nyinaa yɛ ne dea; 17  Ɔma afotufo de wɔn nan sisi fam nantew,*Na ɔma atemmufo dan nkwaseafo.+ 18  Ɔsansan nea ahemfo de kyekyere nkurɔfo no,+Na ɔde abɔso* kyekyere ahemfo no asen. 19  Ɔma asɔfo de wɔn nan sisi fam nantew,+Na otu atumfo a wɔn ase atim gu;+ 20  Ɔma afotufo anokwafo nsɛm ka wɔn anom,Na ogye nkwakoraa* nyansa; 21  Ogu atitiriw anim ase,+Na ɔma atumfo tumi brɛ ase;* 22  Nneɛma a asie wɔ sum mu no, oyi pue,+Na ɔma hann tɔ esum kabii so; 23  Ɔma aman yɛ akɛse, sɛnea ɛbɛyɛ a ɔbɛsɛe wɔn;Ɔma aman trɛw, sɛnea ɛbɛyɛ a obetu wɔn afi wɔn asaase so akɔ. 24  Ogye aman mpanyimfo ntease* fi wɔn nsam,Na asaase a ɛda mpan a enni anammɔnkwan na ɔma wokyinkyin so.+ 25  Wɔde wɔn ti pempem sum mu,+ baabi a hann nni;Ɔma wokyinkyin te sɛ mmarima a wɔabow nsã.+

Ase Hɔ Nsɛm

Nt., “mo na moyɛ nnipa.”
Nt., “koma.”
Anaa “wɔn a wɔwatiriw.”
Ebetumi nso akyerɛ, “kasa kyerɛ.”
Anaa “ɔteasefo biara kra.”
Nt., “nnipa honam nyinaa.”
Anaa “ahome.”
Nt., “dodom.”
Anaa “kisa.”
Anaa “Ɔma nea afotufo wɔ fi wɔn nsa.”
Anaa “bɛlt.”
Anaa “mpanyimfo.”
Nt., “ohodwow atumfo abɔso mu.”
Nt., “koma.”