Hiob 10:1-22

  • Hiob anoyi no ntoaso (1-22)

    • ‘Adɛn nti na Onyankopɔn ne me redi?’ (2)

    • Onyankopɔn nte sɛ onipa Hiob (4-12)

    • ‘Ɔmma me ho ntɔ me kakra’ (20)

10  Me nkwa afono me.*+ Mɛka me haw. M’amanehunu mu* na mɛka m’asɛm!   Mɛka akyerɛ Onyankopɔn sɛ: ‘Mmu me fɔ. Kyerɛ me nea enti a wo ne me redi.   Enti woreteetee me yi, eye ma wo?Na wo nsa ano adwuma a womfa no nyɛ hwee yi, eye?+Abɔnefo afotu mmom na wopɛ?   Adɛn, w’ani yɛ onipa ani?Anaa sɛnea onipa dasani hu ade no, saa ara na wuhu no?   Wo nna te sɛ ɔdasani nna anaa?Anaa wo mfe te sɛ nnipa mfe?+   Ɛnde adɛn nti na wohwehwɛ me ho mfomso,Na wokɔ so hwehwɛ bɔne wɔ me ho?+   Wunim sɛ minni fɔ;+Na obiara rentumi nnye me mfi wo nsam.+   Wo ara wo nsa na ɛnwenee me; ɛno ara nso na ɛyɛɛ me.+Nanso seesei wunya a wobɛsɛe me afi hɔ koraa.   Mepa wo kyɛw, kae sɛ dɔte na wode yɛɛ me,+Nanso seesei worema masan adan mfuturu.+ 10  Woanhwie me te sɛ nufusu angu me maame yam anaa?*Na woamma manyɛ sɛ nufusu a ada ama adan kyiis anaa? 11  Wode were ne honam duraa me ho,Na wode nnompe ne ntini nwenee me boom.+ 12  Woama me nkwa, na wode ɔdɔ a enni huammɔ adɔ me;Wohwɛɛ me yiye, na wohwɛɛ me nkwa* so.+ 13  Nanso wohyɛɛ da bɔɔ me ho pɔw sɛ wode saa nneɛma yi bɛyɛ me.* Minim sɛ saa nneɛma yi fi wo. 14  Sɛ meyɛ bɔne a, wubehu me;+Anka woremfa me mfomso nkyɛ me. 15  Sɛ midi fɔ a, asɛm ato me! Na sɛ midi bem mpo a, merentumi mma me ti so,+Efisɛ animguase ne amanehunu ahyɛ me ma.+ 16  Sɛ mema me ti so a, wohwehwɛ me kyere me te sɛ gyata,+Na wosan de wo tumi bu fa me so. 17  Wode adansefo foforo ba bedi adanse tia me,Na woma w’abufuw yɛ kɛse wɔ me so;Amanehunu baako ba a, na amanehunu foforo di so. 18  Enti ɛyɛɛ dɛn koraa na wuyii me fii me maame yam bae?+ Minyae a anka miwui, na ani biara anhu me. 19  Anka ɛbɛyɛ sɛ nea mamma wiase koraa.Anka bere a woyii me fii ɔyafunu mu ara pɛ, wɔde me bɛkɔ ɔdamoa mu.’ 20  Me nna nyɛ kakraa bi anaa?+ Ma onnyaa me;Ma onyi n’ani mfi me so, na me ho ntɔ me kakra*+ 21  Ansa na makɔ. Mekɔ a, meremma bio.+Mɛkɔ esum kabii asaase so,*+ 22  Mɛkɔ asaase a esum tumm wɔ so so,Asaase a esum kabii ne sakasaka wɔ so,Baabi a hann mpo yɛ kusuu.”

Ase Hɔ Nsɛm

Anaa “Me nkwa afono me kra.”
Anaa “Me kra awerɛhow mu.”
Anaa “Wuhwiee me te sɛ nufusu guu me maame yam.”
Anaa “home; honhom.”
Nt., “Na wode saa nneɛma yi ahintaw wo komam.”
Anaa “m’ani nnye kakra.”
Anaa “Mɛkɔ esum ne owu sunsuma asaase so.”