Esra 1:1-11

  • Ɔhene Kores hyɛɛ mmara sɛ wonsi asɔrefi no (1-4)

  • Ahoboa a wɔde befi Babilon asan aba wɔn man mu (5-11)

1  Persia hene Kores+ afe a edi kan mu no, sɛnea ɛbɛyɛ a Yehowa asɛm a ɔnam Yeremia so kae no+ bɛba mu nti, Yehowa kanyan Persia hene Kores* ma ɔbɔɔ dawuru wɔ n’ahenni nyinaa mu, na ɔsan kyerɛwee+ sɛ:  “Sɛnea Persia hene Kores se ni, ‘Yehowa, ɔsoro Nyankopɔn no, de asaase so ahenni nyinaa ama me,+ na waka akyerɛ me sɛ minsi ofi mma no wɔ Yerusalem+ a ɛwɔ Yuda.  Obiara a ɔka mo ho a ɔsom no no, ne Nyankopɔn nni n’akyi. Ma ɔmforo nkɔ Yerusalem a ɛwɔ Yuda, na ɔnsan nkosi Yehowa, Israel Nyankopɔn fi a na ɛwɔ Yerusalem no.* Ɔno ne nokware Nyankopɔn no.  Obiara a ɔte baabiara sɛ ɔhɔho+ no, ma ɛhɔfo mma no dwetɛ, sika kɔkɔɔ, ahode, ne nyɛmmoa; afei wɔmfa ayamye afɔrebɔde biara a wɔwɔ mma no, na ɔmfa nkɔboa nokware Nyankopɔn no fi+ wɔ Yerusalem.’”  Ɛnna Yuda ne Benyamin agyanom mmusua mu mpanyimfo ne asɔfo ne Lewifo, wɔn a nokware Nyankopɔn no kanyan wɔn* nyinaa, yɛɛ ahoboa sɛ wɔresan akosi Yehowa fi a na ɛwɔ Yerusalem no.  Wɔn a wɔte bɛn wɔn nyinaa de dwetɛ ne sika kɔkɔɔ nneɛma, ahode, ne nyɛmmoa ne nneɛma foforo a ne bo yɛ den brɛɛ wɔn. Ɛno da nkyɛn a, wɔde ayamye afɔrebɔde nso kɔe sɛ wɔmfa nkɔboa Onyankopɔn fi no.  Bio nso, Ɔhene Kores de Yehowa fi nneɛma a Nebukadnesar kɔsesaw fii Yerusalem de koguu ne nyame fi no bae.+  Afei Persia hene Kores de hyɛɛ sika sohwɛfo Mitredat nsa, na ɔkan ne nyinaa kyerɛw de maa Yuda abusuapanyin Sesbasar.*+  Nneɛma no dodow ni: sika kɔkɔɔ nneɛma* 30, dwetɛ nneɛma* 1,000, nneɛma foforo 29, 10  sika kɔkɔɔ nkankyee nketewa 30, dwetɛ nkankyee nketewa 410, ne nneɛma a ɛkeka ho 1,000. 11  Sika kɔkɔɔ ne dwetɛ nneɛma no nyinaa si 5,400. Bere a Sesbasar ne nnipa a wɔde wɔn kɔɔ Babilon no resan aba+ Yerusalem no, saa nneɛma yi na ɔde bae.

Ase Hɔ Nsɛm

Nt., “kanyan Persia hene Kores honhom.”
Ebetumi nso akyerɛ, “Israel Nyankopɔn a ɔwɔ Yerusalem no fi.”
Nt., “wɔn honhom.”
Ebetumi aba sɛ ɛyɛ Serubabel a wɔaka ne ho asɛm wɔ Esr 2:2; 3:8 no.
Nt., “sika kɔkɔɔ a wɔayɛ no sɛ nkɛntɛn.”
Nt., “dwetɛ a wɔayɛ no sɛ nkɛntɛn.”