Deuteronomium 33:1-29

  • Mose hyiraa mmusuakuw no (1-29)

    • Yehowa “basa a ɛwɔ hɔ daa” (27)

33  Ansa na nokware Nyankopɔn nipa Mose rebewu no, eyi ne nsɛm a ɔka de hyiraa Israelfo no.+  Ɔkae sɛ: “Yehowa fi Sinai bae,+Na ofi Seir hyerɛn wɔn so. Ɔhyerɛn fii Paran mmepɔw so,+Ná ahotefo mpempem pii ka ne ho,+Na n’asafodɔm wɔ ne nsa nifa so.+   Ɔdɔɔ ne man;+Wɔn akronkronfo nyinaa wɔ wo nsam.+ Wɔbɛtenatenaa wo nan ase;+Wobetiee w’asɛm.+   (Mose maa yɛn ahyɛde,Mmara a ɛyɛ Yakob asafo no agyapade.)+   Ɔbɛyɛɛ ɔhene wɔ Yesurun*+Bere a ɔman no mpanyimfo+Ne Israel mmusuakuw nyinaa+ hyiae no.   Ma Ruben ntena ase, mma n’ase nnhyew,+Na mma ne fi mmarima so nntew.”+  Na ohyiraa Yuda sɛ:+ “O Yehowa, tie Yuda+ adesrɛ,Na san fa no bra ne nkurɔfo mu. Ɔde ne nsa abɔ n’agyapade ho ban;*Boa no ma onni n’atamfo so nkonim.”+  Nea ɔka faa Lewi ho ni:+ “Wo* Tumim ne wo Urim+ no yɛ nea odi wo nokware no dea;+Ɔno na wosɔɔ no hwɛe wɔ Masa no.+ Wo ne no dii asi wɔ Meriba nsu no ho.+   Ɔno na ɔka kyerɛɛ ne papa ne ne maame sɛ, ‘Minnim mo.’ Ne nuanom mpo ɔpoo wɔn,+Na ne mma nso, wankogyina wɔn afã. Odii w’asɛm so,Na okuraa w’apam mu.+ 10  Ma wɔmfa w’atemmusɛm nkyerɛkyerɛ Yakob+Na wɔnkyerɛ Israel wo Mmara.+ Ma wɔnhyew aduhuam mmɔ afɔre huamhuam mma wo,*+Na wɔmmɔ ɔhyew afɔre wɔ w’afɔremuka so.+ 11  O Yehowa, hyira no ma onnya ahoɔden,Na ma w’ani nnye ne nsa ano adwuma ho. Wɔn a wɔsɔre tia no no, bubu wɔn nan mu,*Sɛnea ɛbɛyɛ a n’atamfo rensɔre bio.” 12  Nea ɔka faa Benyamin ho ni:+ “Ma nea Yehowa dɔ no no ntena ne nkyɛn dwoodwoo;Ɔmmɔ ne ho ban da mu nyinaa,Na ɔmfa no nsi akɔnkɔn.” 13  Nea ɔka faa Yosef ho ni:+ “Yehowa nhyira n’asaase,+Na ɔmma no nneɛma pa a efi soro,Obosu, ne nsu a efi fam.+ 14  Ɔmma no nneɛma pa a owia ma enyin,Na ɔmma no nnɔbae papa a bosome biara obetwa.+ 15  Ɔmma no tete mmepɔw* so nneɛma a eye,+Ne nkoko a etim hɔ daa so nneɛma pa. 16  Ɔmma no asaase so nneɛma pa ne nneɛma a ayɛ mu ma nyinaa bi,+Na onnya nea oyii ne ho adi wɔ nwura* a ɛredɛw mu no+ anim dom. Eyi nyinaa mmra Yosef so;Ɛmmra nea wɔpaw no fii ne nuanom mu no so.+ 17  N’anuonyam te sɛ nantwinini abakan,Na ne mmɛn yɛ ɛkoɔ* mmɛn. Ɛno na ɔde bepiapia* aman,Na wɔn nyinaa akogu asaase ano. Ɛno ne Efraim mpempem+Ne Manase mpempem.” 18  Nea ɔka faa Sebulon ho ni:+ “O Sebulon, ma w’ani nnye w’akwantu mu,Isakar nso, ma w’ani nnye wɔ wo ntamadan mu.+ 19  Wɔbɛfrɛ nnipa akɔ bepɔw so. Ɛhɔ na wɔbɛbɔ trenee afɔre. Na wobɛtwe* ɛpo mu agyapade bebreeNe anwea mu ademude* a ahintaw.” 20  Nea ɔka faa Gad ho ni:+ “Nhyira nka nea ɔbɛtrɛw Gad ahye mu.+ Ɔda hɔ te sɛ gyata,Na basa ne eti na ɔrebɛtew afi so. 21  Ɔbɛpaw nea edi kan,+Ɛhɔ ne ne kyɛfa a mmarahyɛfo de maa no.+ Na ɔman no mpanyimfo behyia. Ɔbɛda Yehowa trenee adi,Ne n’atemmusɛm a ɛfa Israel ho.” 22  Nea ɔka faa Dan ho ni:+ “Dan yɛ gyata ba.+ Obehuruw afi Basan.”+ 23  Nea ɔka faa Naftali ho ni:+ “Yehowa adom abu so ama Naftali,Na ne nhyira ayɛ no ma. Fa atɔe fam ne anaafo fam asaase di so.” 24  Nea ɔka faa Aser ho ni:+ “Wɔde mma ahyira Aser. Ma ne nuanom nnye no ntom,Na ɔmfa ne nan mmɔ ngo mu.* 25  Dade ne kɔbere na ɛbrambram w’aponkɛse akyi,+Na wo nkwa nna nyinaa wobɛtena ase dwoodwoo. 26  Obiara nni hɔ a ɔte sɛ Yesurun+ Nyankopɔn* no;+Ɔno na ɔfa wim bɛboa wo,Na ɔnam omununkum mu wɔ n’anuonyam mu.+ 27  Onyankopɔn ne wo guankɔbea fi tete;+Ne basa a ɛwɔ hɔ daa no kura wo mu.+ Ɔbɛpam w’atamfo afi w’anim,+Na ɔbɛka sɛ, ‘Sɛe wɔn!’+ 28  Israel bɛtena hɔ dwoodwoo,Na Yakob abura bɛtena hɔ kommWɔ asaase a hwiit* ne bobesa foforo wɔ so so.+Obosu befi soro asosɔ ama no.+ 29  O Israel, ma w’ani nnye!+ Hena na ɔte sɛ wo?+Ɔman a wɔwɔ Yehowa nkwagye,+Ɔno ne wo kyɛm a ɔbɔ wo ho ban+Ne wo sekan kɛse. Enti w’atamfo ho bɛpopo w’anim+Na wo de, wubetiatia wɔn so.”*

Ase Hɔ Nsɛm

Ɛkyerɛ, “Nea Ɔteɛ.” Ɛyɛ abodin a wɔde maa Israel.
Anaa “Ɔde ne nsa ako ama n’agyapade.”
Asɛmfua “Wo” a ɛwɔ nkyekyɛm yi mu no gyina hɔ ma Onyankopɔn.
Nt., “wɔ wo hwene mu.”
Anaa “wɔn dwonku.”
Ebetumi nso akyerɛ, “apuei fam mmepɔw.”
Anaa “nkyɛkyerɛ.”
Anaa “wuram nantwi.”
Anaa “bɛpempem.”
Anaa “wobefew.”
Anaa “akorade.”
Anaa “ɔmfa ngo nhohoro ne nan ho.”
Anaa “Yesurun nokware Nyankopɔn.”
Ebetumi aba sɛ ɛyɛ baali.
Ebetumi nso akyerɛ, “wubetiatia wɔn mmepɔw ne wɔn nkoko so.”