Mmebusɛm 6:1-35

  • Nni wo yɔnko anim mma onnkogye bosea (1-5)

  • “Ɔkwadwofo, kɔ ntɛtea nkyɛn” (6-11)

  • Onipahunu ne onipabɔnefo (12-15)

  • Nneɛma ason a Yehowa kyi (16-19)

  • Hwɛ wo ho yiye wɔ ɔbea bɔne ho (20-35)

6  Me ba, sɛ woadi wo yɔnko anim* ama wakogye bosea,+Sɛ woakyia ɔhɔho nsam,*+   Sɛ woahyɛ bɔ ama asum wo afiri,Na sɛ woaka asɛm ama akyerekyere wo* a,+   Me ba, yɛ eyi fa tetew wo ho,Efisɛ woatɔ wo yɔnko nsam: Kɔ, na kɔbrɛ wo ho ase; yɛ ntɛm kɔsrɛ wo yɔnko no.+   Mma w’ani nnkum,Na mma nna mmma w’ani so.   Gye wo ho sɛnea ɔtwe gye ne ho fi ɔbɔmmɔfo nsam,Na anomaa gye ne ho fi anomaayifo nsam no.   Ɔkwadwofo, kɔ ntɛtea nkyɛn;+Hwɛ n’akwan, na hu nyansa.   Onni otitiriw, ɔpanyin, anaa ɔhene,   Nanso ɔhwehwɛ n’aduan wɔ ahohuru bere mu,+Na ɔboaboa n’aduan ano wɔ twabere mu.   Ɔkwadwofo, wobɛda akosi da bɛn? Bere bɛn na wobɛsɔre afi wo nna mu? 10  Mereda kakra, meretɔ nko kakra,Merebobɔw me nsa ahome kakra;+ 11  Wode saa ara na wo hia aba sɛ ɔkorɔmfo,Na w’ahokyere aba sɛ ɔkorɔmfo werɛmfo.+ 12  Onipahunu ne onipabɔnefo nenam keka atosɛm;*+ 13  Obu n’ani,+ ɔde ne nan kasa, na ɔde ne nsateaa kyerɛkyerɛ nneɛma. 14  Ɔde nkontompo komaBɔ pɔw bɔne daa,+ na ɔsɛe nkurɔfo ntam.+ 15  Ɛno nti, n’amanehunu bɛba mpofirim;Wobebubu no prɛko pɛ,na ɔrennya ayaresa da.+ 16  Nneɛma asia na Yehowa kyi;Yiw, nneɛma ason na ɛyɛ no* tan: 17  Ani a ɛtra ntɔn,+ tɛkrɛma a edi atoro,+ ne nsa a ehwie mogya a edi bem gu,+ 18  Koma a ɛbɔ pɔw bɔne,+ ne nan a etu mmirika kɔ bɔne mu, 19  Ɔdansekurumfo a otwa nkontompo daa,+Ne obiara a ɔsɛe anuanom ntam.+ 20  Me ba, di wo papa mmara nsɛm so,Na mpo wo maame akwankyerɛ.*+ 21  Fa kyekyere wo koma ho daa;Fa bobare wo kɔn. 22  Sɛ wonantew a, ɛbɛkyerɛ wo kwan;Sɛ woda a, ɛbɛhwɛ wo so;Sɛ wunyan a, ɛbɛkasa akyerɛ wo.* 23  Efisɛ mmara nsɛm no yɛ kanea,+Na mmara no yɛ hann,+Na nteɛso a animka de ba no yɛ nkwa kwan.+ 24  Ɛbɛbɔ wo ho ban afi ɔbea bɔne ho,+Na abɔ wo ho ban afi ɔbea a ne bra asɛe* nnaadaasɛm ho.+ 25  Mma wo kɔn nnnɔ no wo koma mu, n’ahoɔfɛ nti,+Na mma n’ani adabadabaa no nntwetwe wo, 26  Efisɛ tuutuuni nti, ɔbarima bedi paanoo sin;+Na ɔbarima foforo yere de, ɔsɛe nkwa* a ne bo yɛ den. 27  Obi betumi de ogya ahyɛ ne kokom a ne ntaade renhyew anaa?+ 28  Anaa obi betumi anantew ogyasramma so a ɛrenhyew ne nan? 29  Saa ara na obiara a ɔne ne yɔnko yere da te;Obiara nni hɔ a ɔde ne ho ka no a, ɔbɛfa ne ho adi.+ 30  Sɛ ɔkɔm de ɔkorɔmfo, na owia ade sɛ ɔde rekum ne kɔm* a,Nnipa remmu no animtiaa. 31  Nanso sɛ wɔkyere no a, ɔbɛbɔ ho mpɛn ason;Ɔde ne fi agyapade nyinaa betua ka.+ 32  Obiara a ɔne ɔbea sɛe aware no nnim nyansa;*Nea ɔyɛ saa no, ɔsɛe ɔno ara ne ho.*+ 33  Ade a obenya ara ne akuru ne animguase,+Na n’aniwu rempopa da.+ 34  Efisɛ ninkuntwe ma okunu bo fuw denneennen,Na sɛ ɔretua so ka a, ɔrenhu mmɔbɔ.+ 35  Biribiara nni hɔ a ebetumi apata no,*Na woma no akyɛde kɛse sɛ dɛn mpo a, ɛrentumi nnwudwo ne bo.

Ase Hɔ Nsɛm

Nt., “woadi agyinam ama wo yɔnko.”
Kyerɛ sɛ, woakyia ne nsam de ahyɛ bɔ.
Anaa “w’ano ayi ka ama wo.”
Anaa “keka nsɛm kyinkyim no.”
Anaa “ne kra.”
Anaa “mmara.”
Anaa “ɛbɛkyerɛkyerɛ wo.”
Nt., “ɔbea hɔho.” Hwɛ Mme 2:16.
Anaa “ɔkra.”
Anaa “ɔredi ama ne kra amee.”
Nt., “ne koma nni hɔ.”
Anaa “ne kra.”
Anaa “Agyede biara nni hɔ a obegye.”