Mmebusɛm 30:1-33

  • AGUR NSƐM (1-33)

    • Mma me ohia anaa ahonyade (8)

    • Nneɛma a ɛmmee da (15, 16)

    • Nneɛma a wunhu akyi kwan (18, 19)

    • Ɔbea waresɛefo (20)

    • Mmoa a wɔde nyansa ahyɛ wɔn mu (24)

30  Yake ba Agur nsɛm a emu yɛ duru. Ɔka kyerɛɛ Itiel, Itiel ne Ukal.   Me na minnim hwee koraa wɔ nnipa mu,+Na ntease a ɛsɛ sɛ nnipa nya no, minni bi.   Minsuaa nyansa,Na minni Ɔkronkronni no nimdeɛ no bi.*   Hena na waforo akɔ soro na wasian?+ Hena na ɔde ne nsa abien akyere mframa? Hena na ɔde ne ntama akyekyere nsu?+ Hena na ɔde asaase ano nyinaa tintim hɔ?*+ Sɛ wunim a, ne din de dɛn, na ne ba din de dɛn?   Onyankopɔn asɛm biara ho tew.+ Ɔyɛ ɔkyɛm ma wɔn a wɔhwehwɛ ahobammɔ wɔ ne nkyɛn.+   Mfa biribiara nka ne nsɛm ho,+Anyɛ saa a, ɔbɛka w’anim,Na wobɛyɛ ɔtorofo.   Nneɛma abien na mesrɛ fi wo hɔ. Bere a minwui yi, mfa nkame me.   Yi nkontompo ne atoro fi me ho kɔ akyirikyiri.+ Mma me ohia anaa ahonyade. Ma me aduan a ɛbɛso me na minni,+   Na mammee anka sɛ minnim wo, na mammisa sɛ, “Hena ne Yehowa?”+ Na mma ennhia me, na manwia ade angu me Nyankopɔn din ho fĩ.* 10  Nsɛe akoa din nkyerɛ ne wura,Na wannome wo amma woanni fɔ.+ 11  Nnipa bi wɔ hɔ a, wɔdome wɔn papa,Na wonhyira wɔn maame.+ 12  Nnipa bi wɔ hɔ a, wɔn ho tew wɔn ankasa ani so,+Nanso wɔnhohoroo wɔn ho fĩ.* 13  Nnipa bi wɔ hɔ a wɔn ani tra wɔn ani ntɔn,Na wɔn ani nsɔ ade koraa!+ 14  Nnipa bi wɔ hɔ a wɔn se yɛ sekan,Wɔn apantan yɛ sekan a wɔde di awu,Na wɔde we mmɔborɔwafo a wɔwɔ asaase soNe ahiafo fi nnipa mu.+ 15  Amemem* wɔ mma mmea baanu a wɔteɛm sɛ: “Fa bra! Fa bra!” Nneɛma abiɛsa bi wɔ hɔ a, ɛmmee da,Na nneɛma anan bi wɔ hɔ a, ɛnka sɛ: “Ayɛ yiye!” 16  Ɔdamoa*+ ne ɔyafunu a ɛnwo,Asaase a ennya nsu,Ne ogya a ɛnka da sɛ,“Ayɛ yiye!” 17  Ani a edi ne papa ho fɛw na ebu ne maame asɛm animtiaa no,*+Subon mu kwaakwaadabi betutu,Na ɔkɔre mma abedi.+ 18  Nneɛma abiɛsa bi wɔ hɔ a, ɛboro m’adwene so,*Na anan na mente ase: 19  Ɔkɔre kwan wɔ wim,Ɔwɔ kwan wɔ abotan so,Ɛhyɛn kwan wɔ ɛpo so,Ne ɔbarima kwan wɔ ababaa ho. 20  Ɔbea waresɛefo kwan ni: Odidi, ɔpopa n’ano;Na ɔka sɛ, “Menyɛɛ bɔne biara.”+ 21  Nneɛma abiɛsa na ɛwosow asaase,Na anan yi na entumi nnyina ano: 22  Bere a akoa abedi hene,+Bere a ɔkwasea adidi aboro so,* 23  Bere a ɔbea a obiara tan no* anya kunu,Ne bere a abaawa apam n’awuraa na wakɔhyɛ n’anan.+ 24  Nneɛma anan yi yɛ asaase so nneɛma a esusua no bi,Nanso wɔde nyansa ahyɛ wɔn mu:*+ 25  Ntɛtea yɛ abɔde a wonni ahoɔden,*Nanso wosiesie wɔn aduan ahohuru bere mu.+ 26  Nkukuban+ nyɛ abɔde akɛse,*Nanso wɔyɛ wɔn dan wɔ abotan mu.+ 27  Ntutummɛ+ nni ɔhene,Nanso sɛ wɔrekɔ a, wɔn nyinaa hyehyɛ wɔn ho akuwakuw.+ 28  Ɔdannena+ de ne nan so ade mu denneennen,Na ɔkɔ ɔhene ahemfi. 29  Nneɛma abiɛsa na sɛ wɔretutu wɔn nan a, woyi akyẽa,Na anan yi na wɔn nantew yɛ fɛ: 30  Gyata, mmoa mu ɔhoɔdenfoA ɔnnan ne ho mfi obiara anim;+ 31  Ɔkraman a wɔde no kɔ ahayɔ; ɔpapo;Ne ɔhene a n’asraafo ka ne ho. 32  Sɛ woadi nkwaseasɛm ama wo ho so,+Anaa woabɔ pɔw sɛ wobɛyɛ saa a,Fa wo nsa to w’ano.+ 33  Efisɛ wunu nufusu mu ara a,* bɔta na ɛba,Na wumia hwene a, mogya na ɛba,Saa ara na sɛ wohwanyan abufuw a, akasakasa na ɛba.+

Ase Hɔ Nsɛm

Anaa “Ɔkronkronni no ho nimdeɛ.”
Nt., “ɔpagyaw asaase ano nyinaa.”
Anaa “manwia ade amma wɔankasa antia me Nyankopɔn din.”
Nt., “tiafi.”
Aboa bi a ɔte sɛ osunson a ɔwɔ nsu mu. Otumi wura onipa anaa aboa mu twe ne mogya.
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “entie ne maame asɛm no.”
Anaa “ɛyɛ me nwonwa dodo.”
Anaa “adidi amee.”
Anaa “obiara nnɔ no.”
Anaa “Nanso wonim nyansa paa.”
Nt., “ɔman a wonni ahoɔden.”
Nt., “nyɛ ɔman kɛse.”
Anaa “wowosow nufusu ara a.”