Mmebusɛm 3:1-35

  • Yɛ onyansafo, na fa wo ho to Yehowa so (1-12)

    • Fa w’ahonyade hyɛ Yehowa anuonyam (9)

  • Nyansa ma yɛn ani gye (13-18)

  • Nyansa bɔ yɛn ho ban (19-26)

  • Sɛnea ɛsɛ sɛ yɛne nnipa tena (27-35)

    • Bere biara a wubetumi no, yɛ nkurɔfo papa (27)

3  Me ba, mma wo werɛ mmfi me nkyerɛkyerɛ,*Na ma wo koma nni m’ahyɛde so,   Efisɛ ɛde nna pii,Ne nkwa tenten* ne asomdwoe bɛka wo ho.+   Mma ɔdɔ a enni huammɔ ne nokwaredi* nnkɔ nnnyaw wo.+ Fa kyekyere wo kɔn,Na kyerɛw gu wo koma pon so;+   Ɛba saa a, wubenya adom ne ntease a edi muWɔ Onyankopɔn ne onipa ani so.+   Fa wo koma nyinaa to Yehowa so,+Na mfa wo ho nto* w’ankasa wo ntease so.+   Hu no w’akwan nyinaa mu,+Na ɔbɛma w’akwan ateɛ.+   Nyɛ w’ani so onyansafo.+ Suro Yehowa na twe wo ho fi bɔne ho.   Ɛbɛyɛ ayaresa ama wo nipadua*Ne ahotɔ ama wo nnompe.   Fa w’ahonyade hyɛ Yehowa anuonyam,+Wo nnɔbae* nyinaa mu aba a edi kan.*+ 10  Woyɛ saa a, w’adekora adan bɛyɛ ma tɔ,+Na bobesa foforo abu so wɔ amoa a wukyĩ nsã wom no mu. 11  Me ba, mpo Yehowa nteɛso,+Na ne kasakyerɛ nso, nkyi,+ 12  Efisɛ nea Yehowa dɔ no na ɔkasa kyerɛ no,+Sɛnea agya yɛ ne ba a ɔpɛ n’asɛm no.+ 13  Anigye ne onipa a ohu nyansa,+Ne onipa a onya nhumu; 14  Eye sɛ wubenya ɛno sen sɛ wubenya dwetɛ;Sɛ wunya ɛno sɛ mfaso a, eye sen sɛ wubenya sika kɔkɔɔ.+ 15  Ɛsom bo sen ɛpo mu abohene,*Na ade a w’ani gye ho biara ne no nsɛ. 16  Nkwa tenten wɔ ne nsa nifa mu,Na ahonya ne anuonyam wɔ ne nsa benkum mu. 17  N’akwan yɛ fɛ,Na n’anammɔnkwan nyinaa yɛ asomdwoe.+ 18  Ɛyɛ nkwa dua ma wɔn a woso mu no,Na wɔn a wokura mu denneennen no, wɔbɛfrɛ wɔn anigye.+ 19  Yehowa de nyansa na ɛtoo asaase fapem.+ Nhumu so na ɔnam de ɔsoro tim hɔ.+ 20  Ɔde ne nimdeɛ na ɛpaee subun mu,Ɛno na ɔde maa ɔsoro mununkum sosɔɔ obosu.+ 21  Me ba, mma wo werɛ mmfi.* Bɔ nyansa ne adwempa ho ban; 22  Ɛbɛyɛ nkwa ama wo,*Na ama wo kɔn mu ayɛ fɛ. 23  Woyɛ saa a, wobɛnantew wo kwan so dwoodwoo,Na wo nan rempem biribiara* da.+ 24  Sɛ wokɔda a, woremmɔ hu;+Wobɛda, na wo nna ayɛ wo dɛ.+ 25  Worensuro ade a ɛyɛ hu a ɛbɛba mpofirim biara,+Na worensuro ahum a ɛreba abɔnefo so no.+ 26  Efisɛ Yehowa bɛyɛ w’ahotoso,+Na ɔremma afiri nyi wo nan.+ 27  Wɔn a ɛsɛ sɛ woyɛ wɔn papa no, mfa nkame wɔn,+Bere a wowɔ tumi* a wode bɛboa no.+ 28  Nka nkyerɛ wo yɔnko sɛ, “Kɔ; akyiri yi na woaba! Ɔkyena mede bɛma wo,” Bere a wubetumi de ama no seesei ara. 29  Mmɔ wo yɔnko ho pɔw bɔne biara,+Bere a ɔne wo te asomdwoe mu. 30  Wo ne obi nnham ɔhamhunu,+Bere a ɔnyɛɛ wo bɔne biara.+ 31  Mma w’ani mmmere owudifo,+Na mfa n’akwan biara so. 32  Yehowa kyi okontomponi,+Na atreneefo na wɔyɛ ne nnamfo paa.+ 33  Yehowa nnome wɔ abɔnefo fi so,+Na atreneefo fi de, ne nhyira wɔ so.+ 34  Wɔn a wodi fɛw no, obedi wɔn ho fɛw,+Na ahobrɛasefo de, ɔbɛdom wɔn.+ 35  Anyansafo benya anuonyam,Na nkwaseafo de, animguase na wɔn ani gye ho.+

Ase Hɔ Nsɛm

Anaa “mmara.”
Anaa “nkwa mfe.”
Anaa “nokware.”
Nt., “ntweri.”
Nt., “funuma.”
Anaa “Nea wunya.”
Anaa “nea eye paa.”
Hwɛ Nkyerɛkyerɛmu afã hɔ.
Ɛbɛyɛ sɛ ɛfa Onyankopɔn suban ahorow a wɔabobɔ din wɔ nkyekyɛm a edi anim no ho.
Anaa “wo kra.”
Anaa “wo nan renhintiw.”
Anaa “tumi wɔ wo nsam.”