Mmebusɛm 29:1-27

  • Abofra a wogyaa no ma ɔyɛ nea ɔpɛ no, ɔde animguase ba (15)

  • Anisoadehu nni hɔ a, ɔmanfo yɛ nea wɔpɛ (18)

  • Onipa a ne bo afuw ma ntɔkwaw ba (22)

  • Onipa a ɔbrɛ ne ho ase no, obenya anuonyam (23)

  • Onipa ho suro yɛ afiri (25)

29  Onipa a wɔakasa akyerɛ no mpɛn pii a osen ne kɔn no,*+Wobebubu no mpofirim, na ɔrennya ayaresa da.+   Atreneefo dɔɔso a, ɔman di ahurusi,Na ɔbɔnefo di tumi a, ɔmanfo di yaw.*+   Onipa a n’ani gye nyansa ho no, ɔma ne papa di ahurusi,+Na nea ɔne tuutuufo bɔ de, ɔsɛe n’ahonyade.+   Ɔhene de atɛntrenee na ɛma ɔman gyina,+Na onipa a ɔpɛ adanmude* de, ɔbɔ ɔman.   Ɔbarima a ɔdɛfɛdɛfɛ ne yɔnko no,Ɔde asau sum ne nan afiri.+   Ɔbɔnefo mmarato sum no afiri,+Na ɔtreneeni de, ɔteɛm di ahurusi, na n’ani gye.+   Ɔtreneeni dwen ohiani ahofadi ho,+Na ɔbɔnefo de, ɛho asɛm nhia no.+   Nnipa a wodwa wɔn anom no, wɔma ogya tɔ kurow mu,+Na anyansafo de, wɔma abufuw to twa.+   Sɛ onyansafo ne ɔkwasea nya akasakasa a,Ɛbɛyɛ abufuw ne fɛwdi, na ɛrenyɛ ahotɔ.+ 10  Awudifo tan obiara a ne ho nni asɛm,+Na wɔde si wɔn ani so sɛ wobegye atreneefo nkwa* afi wɔn nsam.* 11  Ɔkwasea yi n’abufuw* nyinaa adi,+Na onyansafo de, ɔyɛ dinn hyɛ ne ho so.+ 12  Sɛ ɔhene tie atosɛm a,Ne nkoa nyinaa bɛyɛ abɔnefo.+ 13  Ohiani ne obi a ɔhyɛ nnipa so wɔ ade baako bi wɔ wɔn ho.* Ɛne sɛ, Yehowa ma wɔn nyinaa ani hu hann.* 14  Sɛ ɔhene bu atɛntrenee ma ohiani a,+N’ahengua betim daa.+ 15  Abaa* ne ɔkasakyerɛ ma nyansa,+Na abofra a wogyaa no ma ɔyɛ nea ɔpɛ no,* ɔhyɛ ne maame aniwu. 16  Sɛ abɔnefo dɔɔso a, mmarato dɔɔso,Na atreneefo behu wɔn ahwease.+ 17  Teɛ wo ba so, na ɔbɛma woahome,Na ɔbɛma woanya* anigye bebree.+ 18  Anisoadehu* nni hɔ a, ɔmanfo yɛ nea wɔpɛ,+Na wɔn a wodi mmara so de, wɔn ani gye.+ 19  Akoa rentie kasakyerɛ;Ɛwom sɛ ɔte asɛm no ase, nanso ɔrentie.+ 20  Woahu onipa a ɔpere ne ho wɔ ne kasa mu?+ Anidaso wɔ hɔ ma ɔkwasea sen no.+ 21  Sɛ wogyigye akoa so fi ne mmofraase a,Akyiri yi ɔbɛyɛ bonniayɛfo. 22  Onipa a ne bo fuw ntɛm no ma ntɔkwaw ba;*+Obiara a ne koko haw no no, ne mmarato dɔɔso.+ 23  Onipa ahantan bɛbrɛ no ase,+Na obiara a ɔbrɛ ne ho ase wɔ honhom mu no, obenya anuonyam.+ 24  Nea ne yɔnko ne ɔkorɔmfo no tan ne ho.* Ɔbɛte sɛ wɔrefrɛ no sɛ ommedi adanse,* nanso ɔremmɛka hwee.+ 25  Onipa ho suro** afiri,+Na nea ɔde ne ho to Yehowa so no, obenya ahobammɔ.+ 26  Nnipa pii pɛ sɛ wɔka wɔn asɛm kyerɛ ɔhene,*Nanso Yehowa hɔ na onipa nya atɛntrenee fi.+ 27  Ɔtreneeni kyi onipa a n’akwan akyea,+Na ɔbɔnefo de, okyi onipa a n’akwan teɛ.+

Ase Hɔ Nsɛm

Anaa “ɔkɔ so yɛ asoɔden no.”
Anaa “si apini.”
Anaa “braeb.”
Anaa “kra.”
Ebetumi nso akyerɛ, “Na ɔtreneeni de asi n’ani so sɛ ɔbɛbɔ ne nkwa ho ban.”
Anaa “n’atenka.” Nt., “ne honhom.”
Nt., “ahyia.”
Kyerɛ sɛ, Ɔma wɔn nkwa.
Anaa “Nteɛso; Asotwe.”
Anaa “wɔato no asaworam.”
Anaa “wo kra anya.”
Anaa “Nkɔmhyɛ anisoadehu; Oyikyerɛ.”
Anaa “hwanyan ntɔkwaw.”
Anaa “n’ankasa kra.”
Anaa “Ɔbɛte ntanka.”
Anaa “Onipa anim ahopopo.”
Anaa “sum.”
Ebetumi nso akyerɛ, “wonya ɔhene anim anuonyam.” Nt., “hwehwɛ ɔhene anim.”