Mmebusɛm 28:1-28

  • Nea ontie mmara no, ne mpaebɔ yɛ akyiwade (9)

  • Nea ɔka ne mmarato no, wobehu no mmɔbɔ (13)

  • Nea ɔrepɛ ntɛm anya ne ho no, ɔremfa ne ho nni (20)

  • Ɔkasakyerɛ ye sen adɛfɛdɛfɛ (23)

  • Nea oyi ne yam kyɛ ade no, hwee renhia no (27)

28  Abɔnefo guan bere a obiara ntaa wɔn,Na atreneefo de, wɔwɔ akokoduru te sɛ gyata.*+   Sɛ mmarato* wɔ kurow mu a, ɔhene baako ba a, na ɔkɔ, na ɔfoforo nso aba,+Nanso onipa a ɔwɔ nhumu ne nimdeɛ betumi ama ɔhene atena so akyɛ.+   Ɔbarima hiani a osisi mmɔborɔwafo no,+Ɔte sɛ osu a ɛpra aduan nyinaa kɔ.   Wɔn a wɔmfa mmara nyɛ hwee no yi abɔnefo ayɛ,Na wɔn a wodi mmara so de, wɔn ani bere abɔnefo so.+   Abɔnefo rentumi nte atɛntrenee ase,Na wɔn a wɔhwehwɛ Yehowa no de, wobetumi ate biribiara ase.+   Ohiani a n’abrabɔ di mu no,Oye sen osikani a n’akwan aporɔw.+   Ɔba a ɔwɔ ntease di mmara so,Na nea ɔne adidifo* bɔ de, ogu ne papa anim ase.+   Nea ɔde nsiho+ ne apoobɔ nya ahonyade pii no,Ɔboaboa ano ma nea ohu ahiafo mmɔbɔ.+   Nea ontie mmara no,Ne mpaebɔ mpo yɛ akyiwade.+ 10  Nea odi atreneefo anim kɔ bɔne kwan so no, ɔbɛtɔ n’ankasa amoa mu,+Na wɔn a wɔn ho nni asɛm de, wobenya adepa sɛ wɔn agyapade.+ 11  Osikani yɛ onyansafo wɔ ɔno ara ani so,+Na ohiani a ɔwɔ nhumu de, ohu nea ɛwɔ osikani no mu.+ 12  Sɛ atreneefo di nkonim a, ɛde anuonyam kɛse ba,Nanso sɛ abɔnefo bedi tumi a, nkurɔfo de wɔn ho sie.+ 13  Nea ɔkata ne mmarato so no, ɛrensi no yiye,+Na obiara a ɔka ne mmarato na ogyae no, wobehu no mmɔbɔ.+ 14  Anigye ne onipa a daa ɔhwɛ ne ho yiye,*Na obiara a opirim ne koma de, ɔbɛhwe mmusu mu.+ 15  Sodifo bɔne a odi mmɔborɔwafo so no,+Ɔte sɛ gyata a ɔbobom ne osisi a ɔde anibere kɔ obi so. 16  Ɔhene a onni nhumu no, ɔde ne tumi yɛ nea ɔpɛ,+Na nea okyi mfaso bɔne de, ɔbɛma ne nkwa ayɛ tenten.+ 17  Onipa a wakum obi* a enti odi mogya ho fɔ no, obeguan ara akɔtɔ ɔdamoa* mu.+ Mma obiara mmmoa no. 18  Nea ɔnam tẽẽ no benya nkwa,+Na nea n’akwan akyea de, ɔbɛhwe ase prɛko pɛ.+ 19  Nea ɔdɔw n’asaase no benya aduan pii,Na nea odi adehunu akyi de, ohia na ebehia no.+ 20  Ɔnokwafo benya nhyira pii,+Na nea ɔrepɛ ntɛm anya ne ho de, ɔremfa ne ho nni.+ 21  Ɛnyɛ papa sɛ wobɛyɛ animhwɛ;+Nanso paanoo sin nti, ɔbarima tumi yɛ bɔne. 22  Oniberefo* repɛ ntɛm anya ne ho,Nanso onnim sɛ ohia na ebehia no. 23  Obiara a ɔkasa kyerɛ obi no,+ akyiri yi obenya anuonyam pii+Asen nea ɔde ne tɛkrɛma dɛfɛdɛfɛ. 24  Obiara a ɔbɔ ne papa ne ne maame korɔn na ɔka sɛ: “Ɛnyɛ bɔne” no,+ Ne yɔnko ne ɔdesɛefo.+ 25  Odifudepɛfo* hwanyan ntɔkwaw mu,Na obiara a ɔde ne ho to Yehowa so de, ebesi no yiye.*+ 26  Obiara a ɔde ne ho to n’ankasa koma so yɛ ɔkwasea,+Na nea ɔnantew nyansa mu de, wobegye no.+ 27  Obiara a ɔma ahiafo ade no, hwee renhia no,+Na nea oyi n’ani fi wɔn so de, obenya nnome pii. 28  Sɛ abɔnefo bedi tumi a, nnipa de wɔn ho sie;Na sɛ wɔyera a, atreneefo dɔɔso.+

Ase Hɔ Nsɛm

Anaa “gyata a ne ho yɛ den.”
Anaa “atuatew.”
Anaa “wɔn a wodidi boro so.”
Anaa “osuro ne ho daa.”
Anaa “wagye obi nkwa afi ne nsam; ogye ɔkra bi mogya no.”
Anaa “amoa.”
Anaa “Odifudepɛfo.”
Ebetumi nso akyerɛ, “Ɔkra a ɔyɛ ahantan.”
Nt., “ɔbɛdɔ srade.”