Mmebusɛm 27:1-27

  • Adamfo kasakyerɛ de mfaso ba (5, 6)

  • Me ba, ma me koma ntɔ me yam (11)

  • Dade sew dade ano (17)

  • Hu wo nguan (23)

  • Ahonyade rentena hɔ daa (24)

27  Mfa ɔkyena nhoahoa wo ho,Na wunnim nea ɛda biara de bɛba.*+   Ma obi* nyi wo ayɛ, na ɛnyɛ w’ankasa w’ano;Ma nkurɔfo* nyɛ, na ɛnyɛ wo ara w’ano.*+   Ɔbo mu yɛ duru, na anwea nso mu yɛ duru,Nanso ɔkwasea agyigyesɛm mu yɛ duru sen n’abien nyinaa.+   Abufuw yɛ atirimɔden, na abufuhyew te sɛ nsuyiri,Na ninkuntwe de, hena na obetumi agyina ano?+   Ɔkasakyerɛ pefee ye sen ɔdɔ a ahintaw.+   Sɛ adamfo pira wo a, ɛyɛ nokwaredi ntia,+Na ɔtamfo mfewano de, ɛdɔɔso.*   Obi a wamee* no, woma no ɛwokyɛm a ɔrennye,*Na nea ɔkɔm de no* de, ade a ɛyɛ nwene mpo yɛ no dɛ.   Sɛnea anomaa a waman afi* ne berebuw ho te no,Saa ara na onipa a waman afi ne fi te nen.   Ngo ne aduhuam ma koma di ahurusi,Saa ara na adamfo a otu fo a ɔmfa biribiara nsie* no ma adamfofa yɛ dɛ.+ 10  Ntow w’adamfo anaa wo papa adamfo nkyene,Na nkowura wo ara wo nua fi w’amanehunu da;Ofipamfo a ɔbɛn ye sen onua a ɔwɔ akyirikyiri.+ 11  Me ba, yɛ onyansafo, na ma me koma ntɔ me yam,*+Na manya asɛm abua nea otwa me adapaa.+ 12  Onyansafo* hu asiane, na ɔde ne ho sie,+Na ogyimifo de, ɛno ara ne sɛ ɔrekɔ, na otwa so aba.* 13  Sɛ ɔbarima di agyinam ma ɔhɔho a, gye ne ntama;Sɛ odii agyinam maa ɔbea hɔho* a, ɛnde gye ade a ɔde sii awowa no fi ne nsam.+ 14  Sɛ obi de nne kɛse hyira ne yɔnko anɔpatutuutu a,Wobebu no sɛ nnome ama no. 15  Ɔyere a ɔpɛ ntɔkwaw* no, ɔte sɛ ɔdan a enwini wɔ osutɔ da a ennyae.+ 16  Obiara a obetumi adwudwo no no, obetumi adwudwo mframa,Na obetumi de ne nsa nifa aso ngo mu. 17  Sɛnea dade sew dade ano no,Saa ara na onipa nso sew n’adamfo anim.+ 18  Nea ɔhwɛ borɔdɔma dua so no, obedi n’aba,+Na nea ɔhwɛ* ne wura no, wɔbɛhyɛ no anuonyam.+ 19  Sɛnea obi hu n’anim wɔ nsu mu no,Saa ara na onipa hu ne koma wɔ onipa foforo de mu. 20  Ɔdamoa* ne ɔsɛe amoa* mmee da,+Saa ara na onipa ani nso mmee da. 21  Kuku a wɔnan ade wom wɔ hɔ ma dwetɛ, ɛnna fononoo wɔ hɔ ma sika kɔkɔɔ;+Saa ara na nkamfo a onipa nya na wɔde sɔ no hwɛ.* 22  Sɛ wode ɔwɔmma siw ɔkwaseaTe sɛ nea wosiw hwiit* wɔ waduru mu mpo a,Ne nkwaseasɛm no remfi ne ho. 23  Ɛsɛ sɛ wuhu sɛnea wo nguan te yiye. Hwɛ wo nguan yiye.*+ 24  Na ahonyade rentena hɔ daa,+Na ahenkyɛw* nso rentena hɔ awo ntoatoaso nyinaa mu. 25  Sare momono kɔ, na sare foforo fifi,Na wɔboaboa mmepɔw so nhabamma ano. 26  Adwennini nkumaa ma wunya ntama,Na mpapo ma wunya sika a wɔde tɔ asaase. 27  Wubenya mpɔnkye nufusu pii anom,Wo fifo benya bi anom, na wo mmaawa nso bɛnom bi.

Ase Hɔ Nsɛm

Nt., “ɛda bɛwo.”
Nt., “ɔhɔho.”
Nt., “ɔnanani.”
Anaa “w’anofafa.”
Ebetumi nso akyerɛ, “ɛyɛ nkontompo; emfi komam.”
Anaa “Ɔkra a wamee.”
Nt., “otiatia ɛwokyɛm so.”
Anaa “ɔkra a ɔkɔm de no.
Anaa “waguan afi.”
Anaa “Saa ara na afotu a efi ɔkra mu.”
Anaa “na me koma ani nnye.”
Anaa “Onitefo.”
Anaa “onya ho asotwe.”
Anaa “ɔhɔho.”
Anaa “gyigyefo.”
Anaa “ɔsom.”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “Sheol ne Abadon.”
Anaa “Saa ara na onipa nkamfo na wɔde hu no.”
Ebetumi aba sɛ ɛyɛ baali.
Anaa “Fa wo koma si wo nguan so; Ma w’ani nkɔ wo nguan ho.”
Anaa “ahemmotiri.”