Mmebusɛm 22:1-29

  • Din pa ye sen ahonyade pii (1)

  • Kyerɛkyerɛ abofra fi ne mmofraase; onyin a, ɔremfi ho (6)

  • Ɔkwadwofo suro sɛ gyata wɔ abɔnten (13)

  • Nteɛso yi agyimisɛm fi hɔ (15)

  • Onipa a n’adwuma ho twa no, ahemfo na ɔbɛsom wɔn (29)

22  Hwehwɛ din pa,* na ɛnyɛ ahonyade pii;+Nkurɔfo bu wo a,* eye sen dwetɛ ne sika kɔkɔɔ.   Osikani ne ohiani nyinaa, ade baako bi wɔ wɔn ho.* Ɛne sɛ, Yehowa na ɔbɔɔ wɔn nyinaa.+   Onyansafo* hu asiane, na ɔde ne ho sie,Na ogyimifo de, ɛno ara ne sɛ ɔrekɔ, na otwa so aba.*   Nea ahobrɛase ne Yehowa suro de ba neAhonyade ne anuonyam ne nkwa.+   Nsɔe ne mfiri wɔ okontomponi kwan mu,Na obiara a ne nkwa* ho hia no de, ɔtwe ne ho fi ho kɔ akyirikyiri.+   Kyerɛkyerɛ abofra* ɔkwan a ɔmfa so,+Na sɛ onyin mpo a, ɔremman mfi ho.+   Osikani di ohiani so,Na nea ogye bosea no, ɔyɛ akoa ma nea ɔbɔɔ no bosea no.+   Nea odua bɔne no, obetwa amanehunu,+Na n’abufuw abaa awiei bɛba.+   Onipa a ne yam ye* no, obenya nhyira,Efisɛ ɔne ohiani kyɛ n’aduan.+ 10  Pam ɔfɛwdifo,Na akasakasa begyae;Twe-ma-mentwe* ne adapaatwa to betwa. 11  Nea ɔdɔ koma a emu tew a ne kasa ho wɔ nyam no,Ɔhene bɛfa no adamfo.+ 12  Yehowa ani bɔ nimdeɛ ho ban,Na nkontompofo nsɛm de, obutuw no.+ 13  Ɔkwadwofo ka sɛ: “Gyata wɔ abɔnten! Obekum me wɔ abɔnten!”+ 14  Mmea a wɔaman* ano yɛ amoa donkudonku.+ Nea Yehowa abu no fɔ no, ɔno na ɔbɛtɔ mu. 15  Agyimisɛm kyekyere abofra* koma ho,+Na nteɛso abaa beyi afi ne ho akɔ akyirikyiri.+ 16  Nea osisi ohiani de nya ne ho+Ne nea ɔkyɛ osikani ade no,Ohia na ebehia wɔn. 17  Yɛ aso na tie anyansafo nsɛm,+Sɛnea ɛbɛyɛ a wode me nimdeɛ bɛto wo koma so.+ 18  Efisɛ eye sɛ wode besie wo komam,+Sɛnea ɛbɛyɛ a ne nyinaa bɛda w’ano daa.+ 19  Nea ɛbɛyɛ a wode wo ho bɛto Yehowa so no,Merema wo nimdeɛ nnɛ. 20  Makyerɛw wo dedaw,Na matu wo fo ama wo nimdeɛ, 21  Sɛ ɛnkyerɛ wo nsɛm a ɛyɛ nokware a enni huammɔ,Sɛnea ɛbɛyɛ a wubetumi de amanneɛbɔ a ɛyɛ nokware akɔma nea ɔsomaa wo no. 22  Nsisi ohiani, esiane sɛ ɔyɛ ohiani nti,+Na ntiatia mmɔborɔwa so wɔ kurow pon ano.+ 23  Efisɛ Yehowa ankasa bedi wɔn asɛm ama wɔn,+Na obiara a osisi wɔn no, Obegye ne nkwa* afi ne nsam. 24  Wo ne onipa a ne bo fuw ntɛmntɛm mmfa yɔnko,Na wo ne onipa a ne koko haw no mmmɔ, 25  Na woansua n’akwan da,Na woansum wo ho* afiri.+ 26  Mfa wo ho mfra wɔn a wokyiakyia nkurɔfo nsam de di agyinam no,Wɔn a wosi awowa no.+ 27  Sɛ woannya nea wode betua a,Wobeyi wo mpa afi w’ase! 28  Mpiapia ɔhye a ɛwɔ hɔ fi tete no,Nea w’agyanom atwa ato hɔ no.+ 29  Woahu onipa a n’adwuma ho twa* anaa? Ahemfo anim na obegyina;+Ɔrennyina onipa biara kɛkɛ anim.

Ase Hɔ Nsɛm

Nt., “din.”
Nt., “Anuonyam.”
Nt., “ahyia.”
Anaa “Onitefo.”
Anaa “onya ho asotwe.”
Anaa “kra.”
Anaa “abarimaa; ɔbabun.”
Nt., “Onipa a n’ani ye.”
Anaa “Mansotwe.”
Nt., “Mmea ahɔho.” Hwɛ Mme 2:16.
Anaa “abarimaa; ɔbabun.”
Anaa “kra.”
Anaa “wo kra.”
Anaa “ne ho akokwaw n’adwuma mu.”