Mmebusɛm 16:1-33

  • Yehowa hwehwɛ adwene a onipa de yɛ biribi mu (2)

  • Fa wo nnwuma hyɛ Yehowa nsa (3)

  • Nsenia a edi mu fi Yehowa hɔ (11)

  • Ahantan di ɔsɛe anim (18)

  • Eti so dwen yɛ ahenkyɛw a ɛyɛ fɛ (31)

16  Onipa hyehyɛ* ne komam nsusuwii,*Na mmuae a ɔma de,* efi Yehowa hɔ.+   Onipa akwan nyinaa yɛ papa* wɔ n’ani so,+Nanso Yehowa na ɔhwehwɛ adwene a onipa de yɛ biribi* mu.+   Fa nea woyɛ nyinaa hyɛ Yehowa nsa,*+Na wo nhyehyɛe bewie yiye.   Biribiara a Yehowa ayɛ no, wayɛ sɛnea ɛbɛyɛ a ɛbɛma n’atirimpɔw abam,Ɔbɔnefo mpo, ɔwɔ hɔ ma da bɔne.+   Yehowa akyiwade ne obiara a ɔyɛ ahantan wɔ komam.+ Hu sɛ,* ɔremfa ne ho nni.   Wɔde ɔdɔ a enni huammɔ ne nokwaredi na ɛpata mfomso,+Na Yehowa suro na ɛma obi dan fi bɔne ho.+   Sɛ onipa akwan sɔ Yehowa ani a,Ɔma n’atamfo mpo ne no tena asomdwoe mu.+   Ade ketewa a trenee bata ho no,+Eye sen akatua kɛse a atɛntrenee nni mu.+   Onipa susuw n’akwan ho wɔ ne komam,Nanso Yehowa na ɔkyerɛ n’anammɔn kwan.+ 10  Onyankopɔn atemmu na ɛsɛ sɛ ɛtena ɔhene anom,+Na ɛnsɛ sɛ obu atɛnkyea da.+ 11  Ade a wɔde susuw nneɛma ne nsenia* a edi mu fi Yehowa hɔ;Nkaribo a ɛwɔ kotoku mu nyinaa yɛ ne nsa ano adwuma.+ 12  Nneyɛe bɔne yɛ ahemfo akyiwade,+Efisɛ trenee na ɛma ahengua tim.+ 13  Ahemfo ani sɔ kasa a ɛteɛ. Wɔdɔ obiara a ɔka nokware.+ 14  Ɔhene abufuw te sɛ obi a wɔasoma no a ɔde owu nam,+Nanso onyansafo pata no.*+ 15  Ɔhene animtew mu na nkwa wɔ;N’adom te sɛ omununkum a ɛma osu tɔ wɔ fefɛw bere mu.+ 16  Eye koraa sɛ wubenya nyansa sen sɛ wubenya sika kɔkɔɔ!+ Eye sɛ wobɛfa ntease sen sɛ wobɛfa dwetɛ.+ 17  Atreneefo kwantempɔn man fi bɔne ho. Obiara a ɔhwɛ ne kwan yiye no kora ne nkwa* so.+ 18  Ahantan di ɔsɛe anim,Na ahomaso honhom di ahwease anim.+ 19  Eye sɛ wobɛbrɛ wo ho ase* wɔ wɔn a wodwo mu+Sen sɛ wo ne ahantanfo bɛkyɛ nneɛma a wɔagye afi nkurɔfo nsam. 20  Nea ɔda nhumu adi wɔ asɛm mu no, ebesi no yiye;Anigye ne nea ɔde ne ho to Yehowa so. 21  Nea ɔyɛ onyansafo wɔ komam no, wɔbɛfrɛ no ntease,+Na nea n’anom kasa yɛ dɛ* no, nkurɔfo tie no.+ 22  Nhumu yɛ nkwa asuti ma wɔn a wɔwɔ nhumu,Na nkwaseafo de, wɔn ankasa nkwaseasɛm na ɛteɛ wɔn so. 23  Onyansafo koma ma n’ano nya nhumu,+Na ɛma n’anom kasa yɛ dɛ. 24  Nsɛm a ɛyɛ dɛ yɛ ɛwokyɛm;Ɛyɛ ɔkra* dɛ, na ɛsa nnompe yare.+ 25  Ɔkwan bi wɔ hɔ a, ɛteɛ wɔ onipa ani so,Nanso ekowie owu mu.+ 26  Odwumayɛni kɔm* ma ɔyɛ adwumaden,Efisɛ ne yam kɔm* na epiapia no.+ 27  Onipahunu tutu fam hwehwɛ bɔne,+Na n’anom kasa te sɛ ogya a ɛhyehye.+ 28  Onipa gyigyefo* sɛe nnipa ntam,+Na nea ɔsɛe nkurɔfo din no, ɔtetew nnamfo a wɔbɔ kosua taforo ntam.+ 29  Owudifo daadaa ne yɔnko,Na ɔde no fa ɔkwan a enye so. 30  Ɔrebɔ pɔw bɔne nyinaa, na ɔrebubu n’ani. Ɔredi bɔne nyinaa, na ɔrewe n’ano. 31  Eti so dwen a wohu wɔ trenee kwan so no,+Ɛyɛ ahenkyɛw a ɛyɛ fɛ.*+ 32  Nea ne bo mfuw ntɛm no,+ oye sen ɔkatakyi,Na nea ɔhyɛ n’abufuw so no,* oye sen nea ɔko fa kurow.+ 33  Onipa srɛ so na wɔbɔ ntonto,+Nanso nea efi mu ba biara fi Yehowa.+

Ase Hɔ Nsɛm

Anaa “siesie.”
Nt., “Komam nhyehyɛe yɛ onipa dea.”
Anaa “mmuae a ɛfata de.” Nt., “tɛkrɛma mmuae de.”
Nt., “ho tew.”
Nt., “ahonhom.”
Nt., “Pia wo nnwuma gu Yehowa so.”
Nt., “Nsa tɔ nsa yam.”
Ade a wɔde susuw biribi mu duru.
Anaa “twe ne ho.”
Anaa “kra.”
Nt., “wo honhom bɛba fam.”
Nt., “n’ano yɛ fremfrem.”
Hwɛ Nkyerɛkyerɛmu afã hɔ.
Anaa “kra.”
Nt., “n’ano.”
Anaa “Onipa a ɔbɔ pɔw bɔne.”
Anaa “ɛwɔ anuonyam.”
Nt., “nea odi ne honhom so.”