Yohane Adiyisɛm 20:1-15

  • Wɔkyekyeree Satan mfe 1,000 (1-3)

  • Wɔn a wɔne Kristo bedi hene mfe 1,000 (4-6)

  • Wobeyi Satan, na wɔasɛe no (7-10)

  • Wobuu awufo atɛn wɔ ahengua fitaa no anim (11-15)

20  Mihui sɛ ɔbɔfo bi fi soro resian a okura amoa donkudonku no ano safe+ ne nkɔnsɔnkɔnsɔn kɛse bi wɔ ne nsam.  Na ɔkyeree ɔwɔ a ne ho yɛ hu*+ no, ɔwɔ dedaw+ no, nea wɔfrɛ no Ɔbonsam+ ne Satan+ no, na ɔkyekyeree no mfe 1,000.  Na ɔtow no kyenee amoa donkudonku+ no mu, na ɔtoo no mu sɔɔ ano sɛnea ɛbɛyɛ a ɔrentumi nkɔdaadaa amanaman no bio kosi sɛ mfe 1,000 no bɛba awiei. Eyi akyi no, ɛsɛ sɛ wogyaa no kakra.+  Na mihuu nhengua, na wɔn a wɔtete so no, wɔmaa wɔn tumi sɛ wommu atɛn. Yiw, mihuu wɔn a Yesu ho adanse a wodii ne Onyankopɔn ho asɛm a wɔkae nti wokunkum* wɔn no akra,* ne wɔn a wɔansom akekaboa no anaa ne honi no na wɔannye ahyɛnsode no wɔ wɔn moma so ne wɔn nsa ho+ no. Na wɔbaa nkwa mu, na wɔne Kristo dii ade+ mfe 1,000.  (Na awufo a aka no+ amma nkwa mu kosii sɛ mfe 1,000 no baa awiei.) Eyi ne owusɔre a edi kan+ no.  Anigye ne kronkron ne obiara a onya owusɔre a edi kan+ no mu kyɛfa; eyinom na owuprenu+ nni wɔn so tumi.+ Mmom wɔbɛyɛ Onyankopɔn ne Kristo asɔfo,+ na wɔne no* bedi hene mfe 1,000.+  Na sɛ mfe 1,000 no ba awiei pɛ, wobeyi Satan afi n’afiase hɔ,  na obepue akɔdaadaa saa aman a ɛwɔ asaase afanan no, Gog ne Magog, na waboaboa wɔn ano ama ɔko no. Eyinom dodow te sɛ mpoano anwea.  Na wɔkɔɔ asaase no so baabiara, na wotwaa akronkronfo no asoɛe ne kurow a wɔdɔ no no ho hyiae. Na ogya fi soro bae, na ɛbɛhyew wɔn.+ 10  Na wɔtow Ɔbonsam a na ɔredaadaa wɔn no too ogya tare a sɔfe* wom no mu, baabi a akekaboa+ no ne atoro diyifo no wɔ dedaw no;+ na wɔbɛyɛ wɔn ayayade* awia ne anadwo daa daa. 11  Na mihuu ahengua kɛse fitaa bi ne Nea ɔte so no.+ Asaase ne ɔsoro guan fii n’anim,+ na wɔannya baabiara amma wɔn. 12  Na mihuu awufo, akɛse ne nketewa, sɛ wogyinagyina ahengua no anim, na wobuebuee nhoma mmobɔwee mu. Na wobuee nhoma mmobɔwee foforo mu; ɛno ne nkwa nhoma mmobɔwee+ no. Na wɔde nsɛm a wɔakyerɛw wɔ nhoma mmobɔwee ahorow no mu no buu awufo no atɛn sɛnea wɔn nnwuma te.+ 13  Na ɛpo yii awufo a ɛwom mae, na owu ne Ɔdamoa* yii awufo a ɛwom mae, na wobuu wɔn atɛn mmaako mmaako sɛnea wɔn nnwuma te.+ 14  Na wɔtow owu ne Ɔdamoa* guu ogya tare+ no mu.+ Saa ogya tare no ne owuprenu+ no. 15  Afei nso, obiara a wɔanhu no* wɔ nkwa nhoma+ no mu no, wɔtow no too ogya tare no mu.+

Ase Hɔ Nsɛm

Anaa “ɔtweaseɛ.”
Nt., “wɔde abonnua kunkum.”
Hwɛ Nkyerɛkyerɛmu afã hɔ ne Adi 6:9 ase hɔ asɛm no.
Kyerɛ sɛ, Kristo.
Anaa “sufre.” Ade bi a ɛte sɛ atuduru a wɔde gu ogya mu ma ɛdɛw.
Anaa “wɔde wɔn begu afiase.”
Anaa “Hades,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “Hades,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “wɔanhu sɛ wɔakyerɛw ne din.”