Yohane Adiyisɛm 10:1-11

  • Ɔbɔfo hoɔdenfo bi a okura nhoma mmobɔwee ketewa bi (1-7)

    • “Ɔrentwɛn bio” (6)

    • Ahintasɛm kronkron no aba mu awie (7)

  • Yohane dii nhoma mmobɔwee ketewa no (8-11)

10  Na mihuu ɔbɔfo hoɔdenfo foforo bi sɛ ɔresian fi soro. Ná ofura omununkum, na na nyankontɔn wɔ ne ti so. Ná n’anim te sɛ owia,+ na ne nan* te sɛ ogya adum.  Ná okura nhoma mmobɔwee ketewa bi a wɔabue mu wɔ ne nsam. Na ɔde ne nan nifa sii po so, na ɔde benkum no sii asaase so.  Ɔde nne kɛse teɛɛm te sɛ gyata a ɔrebobom.+ Na bere a ɔteɛɛm no, aprannaa+ ason no nne kasae.  Na bere a aprannaa ason no kasae no, meyɛe sɛ merekyerɛw, nanso metee nne bi fii soro+ sɛ: “Sɔ nsɛm a aprannaa ason no kae no ano, na nkyerɛw.”  Ɔbɔfo a mihui sɛ ogyina ɛpo ne asaase so no maa ne nsa nifa so kɔɔ soro,  na ɔde Nea ɔte ase daa daa+ a ɔbɔɔ ɔsoro ne nea ɛwom ne asaase ne nea ɛwom ne ɛpo ne nea ɛwom+ no din kaa ntam sɛ: “Ɔrentwɛn bio.  Mmom nna a na ɔbɔfo a ɔto so ason+ no rebɛhyɛn ne torobɛnto+ no, ná Onyankopɔn ahintasɛm kronkron+ a ɔkaa ho asɛmpa kyerɛɛ ɔno ara ne nkoa adiyifo+ no aba mu awie.”  Na metee nne a efi soro+ no sɛ ɛne me rekasa bio, na ɛkae sɛ: “Kɔ, kogye nhoma mmobɔwee a wɔabue mu a ɛwɔ ɔbɔfo a ogyina ɛpo ne asaase so nsam no.”+  Na mekɔɔ ɔbɔfo no nkyɛn kɔka kyerɛɛ no sɛ ɔmfa nhoma mmobɔwee ketewa no mma me. Ɛnna ɔka kyerɛɛ me sɛ: “Gye na di,+ na ɛbɛyɛ nwene wɔ wo yam, nanso w’anom de, ɛbɛyɛ fremfrem sɛ ɛwo.” 10  Ɛnna migyee nhoma mmobɔwee ketewa no fii ɔbɔfo no nsam, na midii,+ na ɛyɛɛ fremfrem sɛ ɛwo wɔ m’anom;+ nanso midi wiei no, ɛyɛɛ nwene wɔ me yam. 11  Na wɔka kyerɛɛ me sɛ: “Ɛsɛ sɛ wohyɛ nnipa ne aman ne kasa* ne ahemfo pii ho nkɔm bio.”

Ase Hɔ Nsɛm

Nt., “nantabon.”
Nt., “tɛkrɛma.”