Yohane Nhoma a Edi Kan 1:1-10

  • Nkwa asɛm (1-4)

  • Sɛnea yɛnantew hann mu (5-7)

  • Nea enti a ehia sɛ yɛka yɛn bɔne (8-10)

1  Nkwa asɛm+ a na ɛwɔ hɔ fi mfiase no, ɛho asɛm a yɛate, ɛho asɛm a yɛde yɛn aniwa ahu, ɛho asɛm a yɛahwɛ no yiye, ɛho asɛm a yɛde yɛn nsa aka,  (yiw, woyii nkwa no adi kyerɛe, na daa nkwa+ a na ɛwɔ Agya no nkyɛn a woyii no adi kyerɛɛ yɛn no, yɛahu, yɛredi ho adanse,+ na yɛreka ho asɛm akyerɛ mo),  nea yɛahu, ne nea yɛate no, ɛno na yɛreka akyerɛ mo nso,+ sɛnea ɛbɛyɛ a mo nso, mo ne yɛn benya ayɔnkofa, ayɔnkofa a ɛwɔ yɛne Agya no ne ne Ba Yesu Kristo ntam+ no bi.  Na yɛrekyerɛw eyinom sɛnea ɛbɛyɛ a yɛn anigye bedi mu.*  Eyi ne asɛm a yɛate afi ne nkyɛn a yɛreka akyerɛ mo: Onyankopɔn yɛ hann,+ na esum biara nni ne mu.  Sɛ yɛka sɛ, “Yɛne no wɔ ayɔnkofa,” na sɛ yɛkɔ so nantew sum no mu a, ɛnde na yɛredi atoro, na yɛmfa nokware no mmɔ yɛn bra.+  Na sɛ yɛnam hann no mu sɛnea ɔno ankasa wɔ hann no mu no a, ɛnde na yɛne yɛn ho yɛn ho wɔ ayɔnkofa, na ne Ba Yesu mogya hohoro yɛn ho fi bɔne nyinaa ho.+  Sɛ yɛka sɛ, “Bɔne nni yɛn ho” a, na yɛredaadaa yɛn ho,+ na nokware no nni yɛn mu.  Sɛ yɛka yɛn bɔne a, ɔyɛ ɔnokwafo ne ɔtreneeni, enti ɔde yɛn bɔne bɛkyɛ yɛn, na ɔbɛhohoro yɛn ho afi nea ɛnteɛ nyinaa ho.+ 10  Sɛ yɛka sɛ, “Yɛnyɛɛ bɔne” a, na yɛrema wayɛ ɔtorofo, na n’asɛm nni yɛn mu.

Ase Hɔ Nsɛm

Anaa “bewie pɛyɛ.”