Nea Edi Kan a Ɔde Kɔmaa Korintofo 5:1-13

  • Aguamammɔ bi a na ɛrekɔ so (1-5)

  • Mmɔkaw kakraa bi na ɛma mmɔre no nyinaa kaw (vMunyi ɔbɔnefo no mfi mo mu (9-13)

5  Yɛate sɛ aguamammɔ*+ bi rekɔ so wɔ mo mu, aguamammɔ* a enni amanaman mufo mpo mu. Ɛne sɛ, obi agye ne papa yere.+  Eyi yɛ asɛm a ɛsɛ sɛ mode hoahoa mo ho? Ɛnyɛ mo werɛ na ɛsɛ sɛ ɛhow mmom+ na muyi ɔbarima a ɔyɛɛ saa ade no fi mo mu?+  Ɛwom sɛ minni hɔ wɔ honam mu de, nanso mewɔ hɔ wɔ honhom mu, na mabu ɔbarima a ɔyɛɛ saa ade yi atɛn dedaw te sɛ nea mewɔ hɔ ankasa.  Sɛ muhyiam yɛn Awurade Yesu din mu, bere a munim sɛ me ne mo wɔ hɔ wɔ honhom mu, a yɛn Awurade Yesu tumi nso ka mo ho a,  ɛsɛ sɛ mode saa ɔbarima no hyɛ Satan nsa+ sɛnea ɛbɛyɛ a ɔhonam no bɛsɛe, na wɔagye honhom no nkwa, Awurade da+ no.  Mo ahohoahoa no nyɛ fɛ. Munnim sɛ mmɔkaw* kakraa bi na ɛma mmɔre no nyinaa kaw+ anaa?  Munyi mmɔkaw dedaw no ngu, na ama moayɛ mmɔre foforo, sɛnea mmɔkaw biara nni mo mu no. Efisɛ wɔanya de yɛn Twam guammaa+ Kristo no abɔ afɔre.+  Enti mommma yɛmmfa mmɔkaw dedaw, anaa bɔneyɛ ne amumɔyɛ mmɔkaw nnni afahyɛ* no,+ na mmom momma yɛmfa kronkronyɛ ne nokware paanoo a mmɔkaw nnim nni.  Krataa a mekyerɛw brɛɛ mo no, meka kyerɛɛ mo wom sɛ mo ne aguamammɔfo* mmmɔ.* 10  Ɛnyɛ nea mereka ne sɛ montwe mo ho koraa mfi aguamammɔfo* a wɔwɔ wiase yi mu+ anaa adifudepɛfo anaa apoobɔfo anaa abosonsomfo ho. Ɛnde anka gye sɛ mufi wiase koraa.+ 11  Na seesei merekyerɛw mo sɛ, obiara a wɔfrɛ no onua a ɔyɛ oguamammɔfo* anaa odifudepɛfo+ anaa ɔbosonsonni anaa obi a otwa nkurɔfo adapaa* anaa ɔsabofo+ anaa opoobɔfo+ no, mo ne no mmmɔ;*+ saa onipa no, mo ne no nnnidi mpo. 12  Wɔn a wɔwɔ akyi* no de, sɛ wobebu wɔn atɛn oo, sɛ wɔremmu wɔn atɛn oo, ɛfa me ho bɛn? Ɛnyɛ wɔn a wɔwɔ mo mu no na mubu wɔn atɛn, 13  na Onyankopɔn nso abu wɔn a wɔwɔ akyi* no atɛn?+ “Munyi ɔbɔnefo no mfi mo mu.”+

Ase Hɔ Nsɛm

Greek, por·nei′a. Hwɛ Nkyerɛkyerɛmu afã hɔ.
Greek, por·nei′a. Hwɛ Nkyerɛkyerɛmu afã hɔ.
Biribi a ɛma esiam tu anaasɛ ɛma ɛkaw.
Kyerɛ sɛ, Paanoo a Mmɔkaw Nnim Afahyɛ no. Hwɛ Nkyerɛkyerɛmu afã hɔ.
Hwɛ Nkyerɛkyerɛmu afã hɔ, “Aguamammɔ.”
Anaa “munnyae sɛ mo ne aguamammɔfo bɔ fekuw no.”
Hwɛ Nkyerɛkyerɛmu afã hɔ, “Aguamammɔ.”
Hwɛ Nkyerɛkyerɛmu afã hɔ, “Aguamammɔ.”
Anaa “ɔsopa afoforo.”
Anaa “munnyae sɛ mo ne no bɔ fekuw.”
Kyerɛ sɛ, wɔn a wonni asafo no mu.
Kyerɛ sɛ, wɔn a wonni asafo no mu.