Beresosɛm Nhoma a Edi Kan 4:1-43

  • Nnipa foforo a wɔyɛ Yuda asefo (1-23)

    • Yabes ho asɛm ne ne mpaebɔ (9, 10)

  • Simeon asefo (24-43)

4  Yuda mma ne Peres,+ Hesron,+ Karmi, Hur,+ ne Sobal.+  Sobal ba Reaia woo Yahat, Yahat nso woo Ahumai ne Lahad. Eyinom ne Soratifo+ mmusua.  Etam+ agya* asefo ni: Yesreel, Yisma, ne Yidbas (wɔn nuabea din de Haselelponi);  Gedor agya ne Penuel, na Husa agya ne Eser. Eyinom ne Efrata abakan Hur,+ Betlehem+ agya no mma.  Tekoa+ agya Asur+ waree yerenom baanu, Hela ne Naara.  Ɔne Naara woo Ahusam, Hefer, Temeni, ne Ahastari. Eyinom ne Naara mma.  Hela nso mma ne Seret, Yisar, ne Etan.  Kos mma ne Anub, Sobeba, ne Harum ba Aharhel mmusua.  Yabes nyaa anuonyam sen ne nuanom; na ne maame too no din Yabes,* na ɔkae sɛ: “Ɛyaw mu na mewoo no.” 10  Na Yabes su frɛɛ Israel Nyankopɔn sɛ: “O sɛ anka wubehyira me na woatrɛw me nsaase mu na woadi m’akyi,* na woamma bɔne biara amma me so ammɛhaw me ɛ!” Enti Onyankopɔn yɛɛ n’abisade no maa no. 11  Suha nua Kelub woo Eston agya Mehir. 12  Eston woo Bet-Rafa, Pasea, ne Ir-Nahas agya Tehina. Eyinom ne Reka mmarima. 13  Kenas mma ne Otniel+ ne Seraia, na Otniel ba* ne Hatat. 14  Meonotai woo Ofra. Seraia woo Yoab a ɔyɛ Ge-Harasim* agya; ná wɔyɛ adwumfo nti na wonyaa saa din no. 15  Yefune ba Kaleb+ mma ne Iru, Ela, ne Naam; Ela nso ba* ne Kenas. 16  Yehalelel mma ne Sif, Sifa, Tiria, ne Asarel. 17  Esrah mma ne Yeter, Mered, Efer, ne Yalon; ne yere* nyinsɛn woo Miriam, Samai, ne Estemoa agya Isbah. 18  (Na ne yere Yudani no woo Gedor agya Yered, Soko agya Heber, ne Sanoa agya Yekutiel.) Eyinom ne Farao babea Bitia a Mered waree no no mma. 19  Hodia yere a ɔyɛ Naham nuabea no mma ne Garmitfo Keila agya, ne Estemoa a ofi Maakat. 20  Simon mma ne Amnon, Rina, Ben-Hanan, ne Tilon. Na Yisi mma ne Sohet ne Ben-Sohet. 21  Yuda ba Sela+ asefo ni: Leka agya Er, Maresa agya Laada, ne Asbea fi mmusua a wɔnwene ntama pa no. 22  Ebinom nso ne Yokim, Koseba mmarima, Yoas, ne Saraf a wɔwarewaree Moabfo mmea, ne Yasubi-Lehem. Eyinom nyinaa yɛ tete kyerɛwtohɔ. 23  Ná wɔyɛ nkukunwemfo a wɔte Netaim ne Gedera. Ɛhɔ na wɔtenae, na wɔyɛɛ adwuma maa ɔhene. 24  Simeon+ mma ne Nemuel, Yamin, Yarib, Sera, ne Saul.+ 25  Saul ba ne Salum, na ɔno nso ba ne Mibsam, na ɔno nso ba ne Misma. 26  Misma mma no bi ne Hamuel; Hamuel ba ne Sakur, na ɔno nso ba ne Simei. 27  Simei woo mma mmarima 16 ne mma mmea 6; na ne nuanom anwo mma mmarima bebree, na mmusua no mu biara nni hɔ a na wɔwɔ mma mmarima bebree sɛ Yuda.+ 28  Wɔtenaa Beer-Seba,+ Molada,+ Hasar-Sual,+ 29  Bilha, Esem,+ Tolad, 30  Betuel,+ Horma,+ Siklag,+ 31  Bet-Makabot, Hasar-Susim,+ Bet-Biri, ne Saaraim. Eyinom ne wɔn nkurow kosi bere a Dawid bedii ade. 32  Mmeae a wɔtenatenae nso ne Etam, Ain, Rimon, Token, ne Asan,+ nkurow anum 33  ne ɛho nkuraa; ɛkɔe ara koduu Baal. Eyinom ne wɔn mmusua din ne wɔn atenae. 34  Mesobab, Yamlek, Amasia ba Yosa, 35  Yoel, ne Yehu a ɔyɛ Yosibia ba, Seraia ba, Asiel ba; 36  ne Elioenai, Yaakoba, Yesohaia, Asaia, Adiel, Yesimiel, Benaia; 37  ne Sisa a ɔyɛ Sifi ba, Alon ba, Yedaia ba, Simri ba, Semaia ba. 38  Eyinom a wɔabobɔ wɔn din yi yɛ wɔn abusua mpanyimfo, na wɔn agyanom fifo ase trɛwee pii. 39  Na wɔde wɔn ani kyerɛɛ Gedor kurotia koduu apuei bon no mu sɛ wɔrekɔhwehwɛ adidibea ama wɔn nguan. 40  Wokonyaa adidibea pa a ɛhɔ yɛ frɔmfrɔm; ná asaase no so, na ɛso dwo fɔmm. Wɔn a wɔtenaa hɔ kan no, na wɔyɛ Ham+ asefo. 41  Yuda hene Hesekia+ nna no mu na eyinom a wɔakyerɛkyerɛw wɔn din no bɛsɛee Hamfo ne Meunimfo a na wɔtete hɔ no ntamadan. Wɔsɛee wɔn pasaa a wɔn mu biara anka besi nnɛ, na wɔtenatenaa wɔn nkurow no mu, efisɛ wonyaa adidibea wɔ hɔ maa wɔn nguan. 42  Simeonfo no mu mmarima 500 fii wɔn mu kɔɔ Seir Bepɔw so;+ Pelatia, Nearia, Refaia, ne Usiel a wɔyɛ Yisi mma na wodii wɔn anim ne wɔn kɔe. 43  Wokunkum Amalek+ aguanfo no nkae, na wɔatena hɔ abesi nnɛ.

Ase Hɔ Nsɛm

Edin a ɛwɔ ha yi bi wɔ hɔ a, ɛnyɛ nnipa din; ɛyɛ nkurow din. Enti sɛ wuhu “agya” a, ebetumi akyerɛ nea ɔkyekyee kurow no.
Ebetumi aba sɛ edin Yabes no, ɛne Hebri asɛmfua a ɛkyerɛ “ɛyaw” wɔ abusuabɔ.
Anaa “wo nsa adi m’akyi.”
Nt., “mma no bi.”
Ɛkyerɛ, “Adwumfo Bon.”
Nt., “mma no bi.”
Ebetumi ayɛ Bitia a wɔka ne ho asɛm wɔ nky. 18 no.