2 Korintofo 2:1-17

2  Mabɔ me tirim sɛ meremfa awerɛhow mma mo nkyɛn bio.+  Na sɛ mema mo werɛ how+ a, hena bio na ɔbɛma m’ani agye sɛ nea mahow ne werɛ no ara?  Enti mekyerɛw nsɛm yi ara na sɛ meba a, manni wɔn a ɛsɛ sɛ midi wɔn ho ahurusi+ no ho awerɛhow;+ efisɛ mewɔ mo nyinaa mu awerɛhyem+ sɛ anigye a mewɔ no yɛ mo nyinaa dea.  Efisɛ mifi komam ahohia ne ahometew pii mu de nusu+ bebree na ɛkyerɛw mo, a ɛnyɛ sɛ mepɛ sɛ mo werɛ how,+ na mmom sɛnea mubehu ɔdɔ kɛse a mewɔ ma mo no.  Na sɛ obi ayɛ ama awerɛhow aba+ a, ɛnyɛ me na wahyɛ me awerɛhow, na mmom ɔkwan bi so no mo nyinaa—meka eyi na me kasa mu anyɛ den dodo.  Animka+ a nnipa dodow no ara de ama saa onipa no ara dɔɔso ma no,  enti afei de munyi mo yam mfa mfiri+ na monkyekye ne werɛ, na awerɛhodi bebrebe ammene no.+  Ne saa nti mitu mo fo sɛ monkyerɛ sɛ modɔ+ no ampa.  Na eyi nso nti na merekyerɛw sɛ mehu sɛ moyɛ setie wɔ ade nyinaa mu anaa.+ 10  Na biribiara a muyi mo yam de firi obi no, me nso mede firi no.+ Na me fam de, biribiara a mayi me yam de afiri no, sɛ mayi me yam de biribi afiri a, mo nti na meyɛɛ saa wɔ Kristo anim; 11  na Satan annya yɛn,+ efisɛ yenim n’akwan.+ 12  Afei bere a miduu Troa+ sɛ merekɔka Kristo ho asɛmpa na wobuee pon maa me Awurade mu+ no, 13  me nua Tito+ a manhu no nti, mannya ahotɔ wɔ me honhom mu, na mekraa wɔn fii hɔ kɔɔ Makedonia.+ 14  Nanso aseda nka Onyankopɔn a odi yɛn anim+ daa wɔ yɛne+ Kristo nkonimdi santen no mu na ɔnam yɛn so ma wɔte ne nimdeɛ hua wɔ mmaa nyinaa+ no! 15  Efisɛ yɛyɛ Kristo huam+ ma Onyankopɔn wɔ wɔn a wɔregye wɔn nkwa ne wɔn a wɔasi ɔsɛe kwan so+ no mu; 16  wɔn a wɔreyera no de, yɛyɛ hua fi owu mu kɔ owu mu,+ na wɔn a wɔregye wɔn no de, yɛyɛ hua fi nkwa mu kɔ nkwa mu. Na hena na ɔfata eyinom?+ 17  Ɛyɛ yɛn; efisɛ yɛmfa Onyankopɔn asɛm nni gua+ sɛnea nnipa pii yɛ no,+ na mmom yɛkasa sɛ anokwafo wɔ Kristo mu,+ yiw, sɛ wɔn a Onyankopɔn asoma wɔn, Onyankopɔn anim.

Ase Hɔ Nsɛm