Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban  |  November 2015

Bible Nsɛmmisa Ho Mmuaeɛ

Bible Nsɛmmisa Ho Mmuaeɛ

Sɛ onipa wu a, ɔbɛtumi atena ase bio?

Ɛda adi sɛ Ɔbɔadeɛ no bɛtumi anyane awufo

Yehowa Nyankopɔn ne yɛn Nkwamafo. (Dwom 36:9) Enti, wonnye nni sɛ Onyankopɔn a ɔmaa yɛn nkwa no, ɔno ara bɛtumi ama awufo asan aba nkwa mu bio? Bible ma yɛn awerɛhyem sɛ daakye Onyankopɔn bɛyɛ saa. (Kenkan Asomafoɔ Nnwuma 24:15) Adɛn ntia?

Yɛn Bɔfo no hyɛɛ da bɔɔ onipa sɛ ɔntena asase so daa. (Genesis 1:31; 2:15-17) Ɛda so ara yɛ ne pɛ sɛ nnipa bɛtena ase daa. Sɛ ɔhwɛ nnipa nkwa nna a ɛyɛ tiaa ne amanehunu a ahyɛ mu ma no a, ɛtwa ne nsono mu.—Kenkan Hiob 14:1, 14, 15.

Ɛhe na wɔn a wɔbɛnyane wɔn no bɛtena?

Onyankopɔn bɔɔ onipa sɛ ɔntena soro anaa? Dabi. Abɔfo na Onyankopɔn bɔɔ wɔn sɛ wɔntena soro. Ɔbɔɔ onipa sɛ ɔntena asase so. (Genesis 1:28; Hiob 38:4, 7) Wo deɛ hwɛ nnipa a Yesu nyanee wɔn no, ɛhe na wɔtenae? Ɛyɛ asase yi ara so. Enti nnipa a wɔbɛnyane wɔn daakye no, wɔn mu pii bɛtena asase so.Kenkan Yohane 5:28, 29; 11:44.

Nanso, Onyankopɔn bɛnyane nnipa kakraa bi akɔ soro, na ɔbɛma wɔn honhom nipadua. (Luka 12:32; 1 Korintofoɔ 15:49, 50) Wɔn a wɔbɛnyane wɔn akɔ soro no ne Kristo bɛdi asase so hene.—Kenkan Adiyisɛm 5:9, 10.